AQI
TV9 Network
User
Sign In

By signing in or creating an account, you agree with Associated Broadcasting Company's Terms & Conditions and Privacy Policy.

Aishwarya Rai | तब्बल इतक्या वर्षांनंतर ऐश्वर्याने ‘हम दिल दे चुके सनम’बद्दल सोडलं मौन; म्हणाली..

या चित्रपटाच्या निमित्ताने ऐश्वर्या रायने जवळपास दशकभरानंतर तमिळ सिनेसृष्टीत पुनरागमन केलं. यामध्ये तिने नंदिनी आणि तिची मूक आई मंदाकिनी देवी अशा दुहेरी भूमिका साकारल्या आहेत.

Aishwarya Rai | तब्बल इतक्या वर्षांनंतर ऐश्वर्याने 'हम दिल दे चुके सनम'बद्दल सोडलं मौन; म्हणाली..
Hum Dil De Chuke Sanam Image Credit source: Twitter
| Updated on: Apr 26, 2023 | 8:28 AM
Share

मुंबई : अभिनेत्री ऐश्वर्या राय बच्चन लवकरच ‘पोन्नियिन सेल्वन : 2’ या चित्रपटातून प्रेक्षकांच्या भेटीला येणार आहे. मणिरत्नम दिग्दर्शित या चित्रपटात ऐश्वर्याने दुहेरी भूमिका साकारल्या आहेत. या महिन्यात प्रदर्शित होणाऱ्या या चित्रपटासाठी ती सध्या जोरदार प्रमोशन करतेय. ऐश्वर्याने प्रमोशननिमित्त आयोजित केलेल्या नुकत्याच एका कार्यक्रमात हजेरी लावली. यावेळी तिने पत्रकारांच्या विविध प्रश्नांची मोकळेपणे उत्तरं दिली. यातील एक प्रश्न ‘हम दिल दे चुके सनम’ या चित्रपटाशीही निगडीत होता. संजय लीला भन्साळी दिग्दर्शित या चित्रपटात ऐश्वर्याने सलमान खानसोबत भूमिका साकारली होती. या चित्रपटाच्या शूटिंगदरम्यान दोघांच्या अफेअरच्या चर्चांना उधाण आलं होतं.

‘पोन्नियिन सेल्वन 2’मध्ये ऐश्वर्याच्या भूमिकेचं नाव नंदिनी असं आहे. योगायोग म्हणजे ‘हम दिल दे चुके सनम’ या चित्रपटातही तिचं नाव नंदिनी असं होतं. तिची ही भूमिका चांगलीच गाजली होती. या चित्रपटात सलमानने समीरची भूमिका साकारली होती. चित्रपटाच्या सेटवर दोघं एकमेकांच्या प्रेमात पडले होते. त्यावेळी दोघांच्या अफेअरची जोरदार चर्चा होती. आता ‘पीएस 2’मध्ये पुन्हा एकदा नंदिनी नावाची भूमिका साकारण्यावरून ऐश्वर्याला प्रश्न विचारण्यात आला.

प्रश्नाचं उत्तर देताना ऐश्वर्या म्हणाली, “काय योगायोग आहे हा? ही किती चांगली गोष्ट आहे ना? हम दिल दे चुके सनममधील नंदिनीची भूमिकासुद्धा माझ्यासाठी अविस्मरणीय होती. त्या भूमिकेने प्रेक्षकांची मनं जिंकली होती आणि मी खूप आभारी आहे की मला तेव्हासुद्धा नंदिनीची भूमिका साकारण्याची संधी मिळाली होती.”

“नंदिनीची भूमिका ही प्रेक्षकांसाठी आणि माझ्यासाठीही खूप खास ठरली होती. त्यावेळी संजय लीला भन्साळी आणि आज मणिरत्नम यांच्यासाठी मला पोन्नियिन सेल्वनमध्ये नंदिनीची भूमिका साकारण्याची संधी मिळाली आहे. हे माझ्यासाठी आशीर्वादापेक्षा कमी नाही. मोठ्या पडद्यावर मी अत्यंत साहसी महिलेची भूमिका साकारतेय. पीएसमधली नंदिनीचा तिच्या आजूबाजूच्या भूमिकांवर मोठा प्रभाव असतो. दिग्दर्शकांनी माझ्यावर दाखवलेला हा विश्वास आहे आणि त्यासाठी मी खूप आभारी आहे”, असं ती पुढे म्हणाली.

पोन्नियिन सेल्वन 1 मध्ये चोल सम्राट राजराजा 1 अरुलमोझिवर्मन (पोन्नियिन सेल्वन- (947-1014)) यांच्या सुरुवातीच्या जीवनाची कथा दाखवण्यात आली होती. या चित्रपटात जयम रवी हे अरुलमोझिवर्मनच्या भूमिकेत होते. तर विक्रम, कार्ती, त्रिशा आणि ऐश्वर्या यांनी इतर महत्त्वपूर्ण भूमिका साकारल्या होत्या. या चित्रपटाच्या निमित्ताने ऐश्वर्या रायने जवळपास दशकभरानंतर तमिळ सिनेसृष्टीत पुनरागमन केलं. यामध्ये तिने नंदिनी आणि तिची मूक आई मंदाकिनी देवी अशा दुहेरी भूमिका साकारल्या आहेत.

Follow Us
पुण्यात अमित शाह आणि देवेंद्र फडणवीस यांची भेट? राजकीय वर्तुळात चर्चां
पुण्यात अमित शाह आणि देवेंद्र फडणवीस यांची भेट? राजकीय वर्तुळात चर्चांना उधाण!
आंबेगावात कामगारांचं बचावकार्य सुरु असतानाच भाजप नेत्यांकडून धक्कादायक
Solapur : आंबेगावात कामगारांचं बचावकार्य सुरु असतानाच भाजप नेत्यांकडून श्रद्धांजलीच्या पोस्ट
कर्जतमध्ये टोरेंट प्रकल्पावरून संघर्षाची ठिणगी! 226 शेतकऱ्यांना...
कर्जतमध्ये टोरेंट प्रकल्पावरून संघर्षाची ठिणगी! 226 शेतकऱ्यांना भूसंपादनाच्या नोटिसा; संजय राऊतांचा इशारा
टायगर श्रॉफ प्रकरणाला नवं वळण; गणेश लांडगेच्या कुटुंबीयांचा खुलासा
टायगर श्रॉफ प्रकरणाला नवं वळण; गणेश लांडगेच्या कुटुंबीयांचा मोठा खुलासा, म्हणाले...
महाराष्ट्र एपस्टीन फाईल्सवरून वाद पेटला! दिग्दर्शक स्वरूप सावंतांनी...
महाराष्ट्र एपस्टीन फाईल्स' चित्रपटावरून वाद पेटला! दिग्दर्शक स्वरूप सावंतांनी अखेर मौन सोडलं, थेट केलं मोठं विधान...
अर्शदीप, सिराज अन् अक्षरची कमाल! भारताने न्यूझीलंडविरुद्ध 22 धावांनी..
IND vs NZ: अर्शदीप, सिराज अन् अक्षरची कमाल! भारताने न्यूझीलंडविरुद्ध 22 धावांनी सामना जिंकला
केंद्रीय गृहमंत्री अमित शाह आणि शरद पवार एकाच मंचावर? कारण काय?
केंद्रीय गृहमंत्री अमित शाह आणि शरद पवार एकाच मंचावर? अजित पवारांच्या पुतळ्याच्या अनावरण सोहळ्यात शरद पवारांना निमंत्रण
कर्जाचे हप्ते थकल्याने मायक्रो फायनान्स कंपनीने शेतमजुराचे घर सील...
कर्जाचे हप्ते थकल्याने मायक्रो फायनान्स कंपनीने शेतमजुराचे घर सील, दुष्काळी परिस्थितीमुळे जीवन विस्कळीत
500 कोटींच्या ऑडिओ क्लिपवरून मनोज जरांगे आक्रमक; थेट बड्या नेत्यांना इ
Manoj Jarange Patil : 500 कोटींच्या ऑडिओ क्लिपवरून मनोज जरांगे आक्रमक; थेट बड्या नेत्यांना इशारा
खासदार शोधा रे, शोधणाऱ्याला बक्षीस... रवी राणा असं का म्हणाले?
खासदार शोधा रे, शोधणाऱ्याला बक्षीस... रवी राणा असं का म्हणाले? अमरावतीतील राजकाणात मोठ्या घडामोडी