Alia Bhatt ची एक गोष्ट कायम ऐश्वर्या राय हिला खटकते! बच्चन कुटुंबाच्या सूनेचा मोठा खुलासा

मुंबई : बॉलिवूडचं बच्चन आणि कपूर कुटुंब फार मोठं आहे. दोन कुटुंबाची प्रसिद्धी आणि लोकप्रियता देखील फार मोठी आहे. कपूर आणि बच्चन कुटुंब कायम कोणत्या न कोणत्या कारणामुळे चर्चेत असतं. पण आता सुनांनमुळे कपूर आणि बच्चन कुटुंब चर्चेत आलं आहे. बच्चन कुटुंबाची सून आणि अभिनेत्री ऐश्वर्या राय हिने चक्क कपूर कुटुंबाची सून आणि अभिनेत्री आलिया भट्ट हिच्यावर निशाणा साधला आहे. आलिया भट्ट हिला कायम घराणेशाही वरून ट्रोल केलं जातं. आता आलियावर इतरांनी नाही तर, ऐश्वर्या राय हिने दिग्दर्शक करण जोहर याचं नाव मध्ये घेवून अभिनेत्रीवर निशाणा साधला आहे. सध्या सर्वत्र आलिया भट्ट आणि ऐश्वर्या राय यांची चर्चा सुरु आहे.

आलिया भट्ट हिच्याबद्दल सांगायचं झालं तर अभिनेत्री प्रसिद्ध दिग्दर्शक महेश भट्ट आणि अभिनेत्री सोनी राजदान यांची मुलगी आहे. आलिया हिला करण जोहर याने ‘स्टुडंट ऑफ द ईअर’ सिनेमातून बॉलिवूडमध्ये ब्रेक दिला. त्यानंतर आलियाने कधीही मागे वळून पाहिलं नाही. पहिल्या सिनेमानंतर आलिया हिला ‘हायवे’, ‘उडता पंजाब’, ‘राझी’, ‘गली बॉय’, ‘गंगुबाई काठियावाडी’ सिनेमांमध्ये महत्त्वाची भूमिका साकारण्याची संधी मिळाली.

अनेक हीट सिनेमांमध्ये महत्त्वाच्या भूमिकेत झळकल्यामुळे आलियाला ‘नेपो किड’ म्हणून ट्रोल करण्यात आलं. अशात एका जुन्या मुलाखतीत, आलियाच्या करियरमध्ये करण जोहर याचा मोलाचा वाटा असल्याचं वक्तव्य ऐश्वर्या राय हिने केलं होतं. ऐश्वर्या म्हणाली, ‘आलिया हिला सहज चांगल्या ऑफर मिळतात. कलाकार म्हणून एक गोष्ट उत्तम आहे, ती म्हणजे जे तुम्हाला ओळखतात तेच तुम्हाला चांगल्या ऑफर्स देतात…’

पुढे ऐश्वर्या म्हणाली, ‘पण महत्त्वाचं म्हणजे आलिया सहज ऑफर्स मिळत आहेत आणि ती उत्तम काम करत आहे.’ जेव्हा ऐश्वर्याने आलियाबद्दल वक्तव्य केलं, तेव्हा अनेकांनी बच्चन कुटुंबाच्या सूनेला ट्रोल देखील केलं. शिवाय अभिषेक बच्चन हा महानायक अमिताभ बच्चन आणि जया बच्चन यांचा मुलगा असल्याची आठवण नेटकऱ्यांनी ऐश्वर्याला करून दिली.

ऐश्वर्या राय आता बॉलिवूडमध्ये सक्रिय नसली तरी सोशल मीडियावर अभिनेत्रीचे अनेक व्हिडीओ आणि फोटो व्हायरल होत असतात. ऐश्वर्या कायम तिच्या खासगी आणि प्रोफेशनल आयुष्यामुळे चर्चेत असते. शिवाय अभिनेत्रीला मुलगी आराध्या बच्चन हिच्यासोबत देखील स्पॉट केलं जातं..

आलिया हिच्याबद्दल सांगायचं झालं तर, अभिनेत्री बॉलिवूडच्या टॉप अभिनेत्रींपैकी एक आहे. ‘स्टुडंट ऑफ द ईअर’ सिनेमातून बॉलिवूडमध्ये पदार्पण केलेल्या आलियाने ‘गंगूबाई काठियावाडी’ पर्यंतचा टप्पा गाठला. अभिनेत्रीच्या चाहत्यांची संख्या देखील फार मोठी आहे. चाहत्यांच्या संपर्कात राहण्यासाठी अभिनेत्री कायम स्वतःचं आणि कुटुंबाचे फोटो सोशल मीडियावर शेअर करत असते..