Aryan Khan: शाहरुख खानचा मुलगा आर्यनची मोठी घोषणा; बॉलिवूडच्या पहिल्या प्रोजेक्टची दाखवली झलक
Confirm! आर्यन खानची बॉलिवूडमध्ये होणार एण्ट्री; पोस्टवर शाहरुख-गौरीची कमेंट आहे खास
मुंबई: अभिनेता शाहरुख खानचा मुलगा आर्यन खान लवकरच बॉलिवूडमध्ये पदार्पण करणार असल्याच्या चर्चा गेल्या बऱ्याच महिन्यांपासून ऐकायला मिळत होत्या. आता या चर्चांवर शिक्कामोर्तब झाला आहे. खुद्द आर्यन खाननेच याची घोषणा केली आहे. मंगळवारी सोशल मीडियावर पोस्ट शेअर करत आर्यनने बॉलिवूडमध्ये पदार्पण करणार असल्याचं जाहीर केलंय. मात्र वडील शाहरुख आणि बहीण सुहाना यांच्याप्रमाणे तो अभिनयक्षेत्रात नव्हे तर लेखन क्षेत्रातून पदार्पण करणार आहे. आपल्या पहिल्या चित्रपटाच्या स्क्रीप्टचा फोटो त्याने सोशल मीडियावर पोस्ट केला. या चित्रपटाची निर्मिती शाहरुख आणि गौरी यांचं प्रॉडक्शन हाऊस ‘रेड चिलीज एंटरटेन्मेंट’कडून होणार आहे.
‘लेखनाचं काम पूर्ण झालं, आता ॲक्शन म्हणण्यासाठी उत्सुक आहे’, असं कॅप्शन आर्यनने या फोटोला दिलं आहे. मात्र त्याच्या या चित्रपटात कोणते कलाकार असणार याबद्दलची माहिती अद्याप समोर आली नाही.
आर्यनने हा फोटो पोस्ट करताच त्यावर अनेकांकडून कमेंट्स आणि लाइक्सचा वर्षाव होऊ लागला. ‘हा चित्रपट पाहण्यासाठी मी खूप उत्सुक आहे’, असं आई गौरी खानने लिहिलंय. तर संजय कपूर आणि महीप कपूर यांची मुलगी शनाया कपूर हिनेसुद्धा आनंद व्यक्त केला. अनन्या पांडेची आई भावना पांडे हिने ‘खूप प्रेम’ अशी कमेंट केली.
View this post on Instagram
लेखक म्हणून बॉलिवूडमध्ये पदार्पण करण्याआधी आर्यन हा शाहरुखच्या विविध प्रोजेक्ट्समध्ये मदत करत होता. यावर्षी त्याने बहीण सुहाना खानसोबत दुबईत पार पडलेल्या इंटरनॅशनल लीग टी-20 ट्रॉफी लाँचलाही हजेरी लावली होती. गेल्या काही दिवसांपासून तो विविध पार्ट्यांमध्येही हजेरी लावताना दिसतोय.
गेल्या वर्षी ड्रग्ज प्रकरणामुळे आर्यनला अटक झाली होती. बरेच दिवस तुरुंगात राहिल्यानंतर त्याची जामिनावर सुटका झाली. या प्रकरणी त्याला आता क्लीन चिटही मिळाली आहे.
