Bigg Boss Marathi Season 4 | बिग बॉस मराठीचे चौथे पर्व कोणत्या महिन्यात येणार ? महेश मांजरेकरांनी दिली महत्त्वाची माहिती
बिग बॉस मराठीचे सूत्रसंचालक महेश मांजरेकर यांनी चौथ्या पर्वाविषयी मोठी माहिती दिली आहे. त्यांनी बिग बॉस मराठीचे चौथे सिझन लवकरच प्रेक्षकांच्या भेटीला येणार असल्याचे म्हटले आहे. मिळालेल्या माहितीनुसार येत्या मे महिन्यात बिग बॉस मराठीचे चौथे पर्व प्रेक्षकांच्या भेटीला येण्याची शक्यता आहे.
मुंबई : बिग बॉस मराठीच्या तिसऱ्या पर्वाने धम्माल उडवून दिली होती. हे पर्व वेगवेगळ्या कारणांमुळे नेहमीच चर्चेत राहिले. दरम्यान आता बिग बॉस मराठीचे चौथे पर्व कधी येणार अशी विचारणा होत आहे. याच कारणामुळे आता प्रसिद्ध दिग्दर्शक तसेच बिग बॉस मराठीचे सूत्रसंचालक महेश मांजरेकर यांनी चौथ्या पर्वाविषयी मोठी माहिती दिली आहे. त्यांनी बिग बॉस मराठीचे चौथे सिझन लवकरच प्रेक्षकांच्या भेटीला येणार असल्याचे म्हटले आहे. मिळालेल्या माहितीनुसार येत्या मे महिन्यात चौथे पर्व प्रेक्षकांना पाहता येणार आहे.
बिग बॉस मराठीचे चौथे पर्व मे महिन्यात ?
बिग बॉस हिंदी प्रमाणेच बिग बॉस मराठी या रिअॅलिटी शोलाही चांगली प्रसिद्धी मिळाली आहे. मराठी लोकांना हा खेळ लोकांना चांगलाच आवडला असून असून अनेकांना या खेळाची सवयच झाली आहे. त्यामुळे असंख्य चाहते बिग बॉस मराठीच्या तिसऱ्या पर्वाला मीस करत आहेत. अनेक चाहेत बिग बॉसचे आगामी पर्व कधी येणार याबद्दल विचारत आहेत. त्यामुळे आता महेश मांजरेकर यांनी तिसरे पर्व लवकरच येणार असल्याचे म्हटले आहे. त्यांनी अशी प्रतिक्रिया दिल्यानंतर बिग बॉस मराठीचे चौथे पर्व या वर्षी मे महिन्यात येण्याची शक्यता आहे. तसे संकेत देण्यात आले आहेत.
विशाल निकम बिग बॉस मराठी तिसऱ्या पर्वाचा विजेता
दरम्यान, बिग बॉस मराठीचे तिसरे पर्व नुकतेच पार पडले आहे. कोरोनाचा संसर्ग असताना या पर्वाचे आयोजन करण्यात आल्यामुळे यावेळी विशेष काळजी घेण्यात आली होती. प्रसद्ध गायक उत्कर्ष शिंदे, कीर्तनकार शीवलीला पाटील असे प्रसिद्ध चेहरे बिग बॉसच्या घरात आले होते. मात्र या तिसऱ्या पर्वाचा विजेता विशाल निकम ठरला होता. त्याने ट्रॉफी आणि 20 लाखांचं बक्षीस मिळवत चाहत्यांची मने जिंकली होती. ‘सात जलमाच्या गाठी’ या मालिकेतून मनोरंजन विश्वात पाऊल ठेवणाऱ्या विशालने ‘दक्खनचा राजा जोतिबा’, ‘जय भवानी जय शिवाजी’ या सारख्या मालिकांमध्ये काम केलेले आहे.
इतर बातम्या :
