Bigg Boss 16: स्पर्धकांवर भारी पडणार ‘बिग बॉस’; नव्या प्रोमोनंतर उत्सुकता शिगेला
बिग बॉसच्या घरात नियम नाहीत म्हणजे यंदा आणखी भांडणं आणि वाद-विवाद पहायला मिळतील, असा अंदाज नेटकरी वर्तवत आहेत. काहींनी कंगना रनौतच्या 'लॉकअप' या शोला कॉपी केल्याचाही आरोप केला आहे.
छोट्या पडद्यावरील सर्वांत लोकप्रिय आणि तितकाच वादग्रस्त रिॲलिटी शो ‘बिग बॉस’चा 16 वा (Bigg Boss 16) सिझन लवकरच प्रेक्षकांच्या भेटीला येणार आहे. या सोळाव्या सिझनचा प्रोमो नुकताच सोशल मीडियावर पोस्ट करण्यात आला. नव्या सिझननुसार नवे नियम या शोमध्ये असतील, असा अंदाज प्रेक्षकांना होता. मात्र बिग बॉस 16 मध्ये कोणतेच नियम नसतील, असं या प्रोमोमध्ये दाखवण्यात आलं आहे. कलर्स टीव्हीने (Colors TV) हा नवीन टीझर पोस्ट केला आहे.
बिग बॉसच्या सेटवर काम करणाऱ्या क्रू मेंबर्सने या प्रोमोची सुरुवात होते. ‘रुल ये है की कोई रुल नहीं है,’ असं सलमान म्हणतो. या प्रोमोवर नेटकऱ्यांकडून विविध प्रतिक्रिया येत आहेत. बिग बॉसच्या घरात नियम नाहीत म्हणजे यंदा आणखी भांडणं आणि वाद-विवाद पहायला मिळतील, असा अंदाज नेटकरी वर्तवत आहेत. काहींनी कंगना रनौतच्या ‘लॉकअप’ या शोला कॉपी केल्याचाही आरोप केला आहे.
आणखी एका प्रोमोमध्ये सलमान म्हणतो, “इन 15 सालों मे सबने खेला अपना अपना खेल, लेकीन अब बारी है बिग बॉस के खेलने की.” हे प्रोमो पाहून चाहत्यांमध्ये सोळाव्या सिझनविषयी आणखी उत्सुकता वाढली आहे. या सिझनमध्ये कोणते सेलिब्रिटी झळकणार याची चर्चा सुरू झाली आहे. अर्जुन बिजलानी, दिव्यांका त्रिपाठी, शिवांगी जोशी, टिना दत्ता, पुनम पांडे, जन्नत झुबैर यांसारख्या सेलिब्रिटींच्या नावांची चर्चा आहे.
View this post on Instagram
लॉक अप या शोचा विजेता मुनव्वर फारुखीसुद्धा या सिझनमध्ये हजेरी लावणार असल्याचं म्हटलं जात आहे. त्याचप्रमाणे तारक मेहता का उल्टा चष्मा या मालिकेतील बबिता अर्थात मुनमुन दत्ता आणि फैजल शेख यांनाही शोची ऑफर गेल्याचं कळतंय.
2006 पासून बिग बॉस हा शो सुरू झाला. तेव्हापासून त्यातील भांडणांमुळे आणि प्रेमप्रकरणांमुळे हा शो नेहमीच चर्चेत राहिला आहे. बिग बॉसच्या पंधराव्या सिझनचं विजेतेपद अभिनेत्री तेजस्वी प्रकाशने पटकावलं होतं.
