Kriti Sanon : भावाला काय बिकिनी घालून…, ट्रोल होणाऱ्या कृती सेनॉनवर महिला खासदाराने सधाला निशाणा, मॉर्डन कपड्यांचा वाद विकोपास

Kriti Sanon : बॉलिवूडची लोकप्रिय आणि प्रसिद्ध अभिनेत्री कृती सेनॉन आता तिच्या कोणत्या सिनेमामुळे नाही तर, नुकताच केलेल्या एका जाहिरातीमुळे चर्चेत आली आहे. सध्या ज्या जाहिरातीवरुन वाद टोकाला पोहोचला आहे, ती जाहिरात रक्षाबंधन हा सण लक्षात घेत तयार करण्यात आली आहे. पण जाहिरातीत कृती हिच्या इंडो-वेस्टर्न लूकमुळे वाद विकोपास गेला आहे. सांगायचं झालं तर, सणांच्या दिवशी भारतीय संस्कृतीत पारंपरिक कपडे घालण्याची प्रथा आहे. पण कृती हिने जे कपडे घातले आहेत, त्यावर अनेकांनी टीका केली आहे.

आता भाजप खासदार आणि अभिनेत्री कंगना राणौत यांनी देखील कृतीच्या कपड्यांवर निशाणा साधला आहे. सोशल मीडियावर एक पोस्ट शेअर करत कंगना यांनी कृती हिला चांगलंच सुनावलं आहे. ‘भावाला काय बिकिनी घालून राखी बांधशील का?’ असा म्हणत कृतीवर कंगना यांनी निशाणा साधला आहे. सध्या कंगना यांची पोस्ट सर्वत्र व्हायरल होत आहे.

इन्स्टाग्राम स्टोरीवर एक पोस्ट शेअर करत कंगना म्हणाल्या, ‘आजच्या दिवसांत महिला त्यांच्या आवडीनुसार वेगवेगळ्या प्रकारचे कपडे घालू शकतात. त्यांच्याकडे अनेक पर्याय आहेत. वेस्टर्न ड्रेसपासून लेहेंगा, जीन्स, साडी, बिकीनी आणि सलवार – कुर्ती सर्वकाही आहे. इतके सारे पर्याय असताना, कोणती महिला भावाला बिकिनी घालून राखी का बांधेल?’, कंगना असं देखील म्हणाल्या की, एका विशिष्ट उद्देशानेच ती जाहिरात विचित्र आणि ‘क्रीपी’ म्हणजेच अस्वस्थ करणारी वाटेल अशा प्रकारे बनवण्यात आली होती.

सांगायचं झालं तर, कृती हिची जाहिरात चर्चेत आली. तेव्हा अभिनेत्रीच्या लूकवर अनेकांना निशाणा साधक, कमेंटच्या माध्यमातून प्रतिक्रिया दिल्या. एक नेटकरी कमेंट करत म्हणाली, ‘रक्षाबंधन आहे तर, पूजेचं ताट, टिळा कुठे आहे. राखीच्या दिवशी असे कपडे कोण घालतं…’, अन्य एक नेटकरी म्हणाला, ‘जाहिरात जाणूनबुजून अशी तयार करण्यात आली आहे. ब्रँड किंवा एजन्सीने लोकांचं लक्ष वेधून घेण्यासाठी हा चुकीचा दृष्टिकोन स्वीकारला आहे. कृतीच्या या लूकबद्दल लोक आपली नाराजीही व्यक्त करत आहेत. ‘