Kareena Kapoor : करीना कपूरचं शिक्षण झालं तरी कुठे? बेबोची शैक्षणिक पात्रता तर…, जाणून व्हाल थक्क

बॉलिवूडची प्रसिद्ध आणि लोकप्रिय अभिनेत्री करीना कपूर खान सध्या केवळ तिच्या सिनेमांमुळेच नाही, तर तिने निवडलेल्या भूमिकांमुळेही चर्चेत आहे. तिच्या आगामी ‘दायरा’ (Daira) या सिनेमाचा ट्रेलर प्रदर्शित झाला असून, चाहते तिच्या या नवीन लूकचं खूप कौतुक करत आहेत. सध्या सर्वत्र करिना हिची चर्चा सुरु असताना, तिच्या शिक्षणाची देखील चर्चा रंगली आहे. करिना हिच्या शिक्षणाबद्दल फार कोणाला माहिती नाही. तर बॉलिवूडमध्ये स्वतःचे स्थान भक्कम करणारी करिना किती आणि कुठे शिकली आहे जाणून घ्या.

करिना कपूर हिने सुरुवातीचं शिक्षण मुंबईतील जमनाबाई नसरी स्कूल येथून पूर्ण केलं. त्यानंतर आईच्या सांगण्यानंतर देहरादून येथील बोर्डिंग स्कूलमधून पुढचं शिक्षण घेतलं. शालेय शिक्षण पूर्ण झाल्यानंतर करिना हिने मुंबईतील मिठीबाई कॉलेजमध्ये दोन वर्ष शिक्षण घेतलं. त्यानंतर विलेपार्ले येथून कॉमर्स विषयात शिक्षण घेतलं.

त्यानंतर करिना हिने हार्वर्ड यूनिव्हर्सिटी येथून मायक्रो कंप्यूटर्सचा तीन महिन्यांचा कोर्स पूर्ण केला. त्यानंतर अभिनेत्रीने तिचा मोर्चा वकिलीकडे वळवला आणि मुंबईतील गव्हर्नव्हेंट लॉ कॉलेजमध्ये प्रवेश घेतला… पण बॉलिवूडमध्ये पदार्पण करायचं होतं, म्हणून तिने शिक्षण सोडून दिलं. एक वर्ष वकिलीचं शिक्षण घेतल्यानंतर करिनाने अभिनय शाळेत प्रवेश घेतला.

अभिनयाचे धडे गिरवत असताना, अभिनेत्रीला राकेश रोशन दिग्दर्शित ‘कहो ना प्यार है’ सिनेमासाठी विचारण्यात आलं. पण सिनेमात हृतिक रोशन याला कास्ट करण्यात आलं होतं आणि दिग्दर्शकाचा मुलगा म्हणून त्याला अधिक महत्त्व मिळालं असतं. याच कारणामुळे करिनाने सिनेमा करण्यास नकार दिला. त्यानंतर करिना हिने ‘रेफ्यूजी’ सिनेमातून बॉलिवूडमध्ये पदार्पण केलं. या सिनेमासाठी तिला फिल्मफेयर बेस्यट डेब्यू या पुरस्काराने सन्मानित करण्यात आलं. त्यानंतर करिना हिने कधीच मागे वळून पाहिलं नाही.

करिना हिने अनेक एकापेक्षा एक सिनेमे बॉलिवूडला दिले.  आजही करिना तिच्या भूमिकांमुळे चर्चेत असते. एक काळ असा देखील होता जेव्हा करिना  तिच्या अफेअर्समुळे देखील चर्चेत आली. अखेर अभिनेत्री अभिनेता सैफ अली खान याच्यासोबत संसार थाटला. आज करिना पती आणि दोन मुलांसोबत आनंदी आयुष्य जगत आहे.