मी काहीही करू शकत होती पण…, अभिषेक बच्चनसोबत अफेअरच्या चर्चा, अभिनेत्रीने सोडलं मौन
Abhishek Bachchan: अभिषेक बच्चन सोबत अभिनेत्रीच्या अफेअरची चर्चा, अखेर अभिनेत्रीने सोडलं मौन म्हणाली, 'मी काहीही करू शकते...', गेल्या काही दिवसांपासून अभिषेक बच्चन आणि अभिनेत्री निम्रत कौर यांच्या नात्याची चर्चा रंगली आहे.
Abhishek Bachchan: गेल्या काही दिवसांपासून अभिनेत्री निम्रत कौर (Nimrat Kaur) आणि अभिनेता अभिषेक बच्चन (Abhishek Bachchan) यांच्या रिलेशनशिपच्या चर्चांनी जोर धरला आहे. निम्रत हिच्यामुळेच अभिषेक आणि ऐश्वर्या राय यांच्यामध्ये वाद सुरु आहेत… अशा चर्चांनी देखील जोर धरला आहे. रंगणाऱ्या चर्चांवर अभिषेक – ऐश्वर्या यांनी मौन बाळगलं आहे. पण अभिनेत्री निम्रत हिने पहिल्यांदा रंगणाऱ्या चर्चांवर प्रतिक्रिया दिली आहे. सध्या सर्वत्र फक्त आणि फक्त निम्रत हिच्या वक्तव्याची चर्चा रंगली आहे.
नुकताच झालेल्या मुलाखतीत निम्रत हिने अभिषेक बच्चन याच्यासोबत रंगणाऱ्या नात्याच्या चर्चांवर मौन सोडलं आहे. अभिनेत्री म्हणाली, ‘मी काहीही करू शकत होती… पण तरी देखील लोकं तेच बोलतील जे त्यांना बोलायचं आहे… अशा चर्चांना थांबवणं शक्य नाही… मला माझ्या कामावर लक्ष केंद्रीत करायला आवडतं…’ असं अभिनेत्री म्हणाली.
View this post on Instagram
अभिषेक बच्चन आणि निम्रत कौर यांच्याबद्दल सांगायचं झालं तर, 2022 मध्ये प्रदर्शित झालेल्या ‘दसवी’ सिनेमात दोघांनी एकत्र स्क्रिन शेअर केली होती. सिनेमात निम्रत हिने अभिषेक याच्या पत्नीची भूमिका साकारली होती. आता दोघांच्या अफेअरची चर्चा रंगली आहे.
निम्रत कौर हिच्या सिनेमांबद्दल सांगायचं झालं तर, अभिनेता अक्षय कुमार स्टारर ‘एयरलिफ्ट’ सिनेमामुळे निम्रत हिच्या लोकप्रियतेत वाढ झाली. त्यानंतर अभिनेत्रीच्या ‘लंचबॉक्स’ सिनेमाला चाहत्यांना डोक्यावर घेतलं. निम्रत हिने फक्त बॉलिवूडमध्येच नाही तर, हॉलिवूडमध्ये देखील काम केलं आहे. आता निम्रत लवकरच ‘सेक्शन 84’ सिनेमाच्या माध्यमातून चाहत्यांच्या भेटीस येणार आहे. सिनेमाची शुटिंग देखील पूर्ण झाली आहे.
ऐश्वर्या राय – अभिषेक बच्चन
View this post on Instagram
ऐश्वर्या राय – अभिषेक बच्चन यांनी 2007 मध्ये कुटुंबियांच्या उपस्थितीत लग्न केलं. लग्नानंतर 2011 मध्ये ऐश्वर्या आराध्या हिला जन्म दिला. पण गेल्या काही दिवसांपासून दोघांच्या घटस्फोटाच्या चर्चांनी जोर धरला आहे. अनेक ठिकाणी देखील ऐश्वर्या तिच्या मुलीसोबत दिसते. तर अभिषेक कुटुंबासोबत दिसतो. पण यावर दोघांनी देखील अधिकृत घोषणा केलेली नाही.
