Sushmita Sen : वयाच्या 50 व्या वर्षी सुष्मिता सेन लग्नाच्या योजनेबद्दल स्पष्ट बोललीच, का आहे अविवाहित?
Sushmita Sen : अभिनेता सुष्मिता सेन अनेक सिनेमांमध्ये उत्तम पत्नीच्या भूमिकेत दिसली. पण खऱ्या आयुष्यात अभिनेत्री वयाच्या 50 व्या वर्षी देखील एकटीच आहे. पण नुकताच झालेल्या एका सेशनमध्ये अभिनेत्रीने लग्नाच्या योजनेबद्दल स्पष्टच सांगितलं.
Sushmita Sen : अभिनेत्री सुष्मिता सेन हिने तिच्या लग्नाच्या योजनेबद्दल मोठं वक्तव्य केलं आहे. इन्स्टाग्रामवर लाईव्ह येत अभिनेत्रीने नेटकऱ्यांच्या अनेक प्रश्नाची उत्तरं दिली. दरम्यान एका नेटकऱ्यांने सुष्मिताला हिला लग्नाच्या योजनेबद्दल विचारलं. यावर अभिनेत्री म्हणाली, ‘या प्रश्नाचं उत्तर तु्म्ही आणि मी आपण दोघे शोधतच राहू…’, सांगायचं झालं तर, सुष्मिता हिच्या नावाची चर्चा अनेक सेलिब्रिटींसोबत रंगली. पण कोणत्याच सेलिब्रिटीसोबत अभिनेत्रीचं नातं लग्नापर्यंत पोहोचलं नाही.
ही पहिलीच वेळ नाही, जेव्हा सुष्मिता सेन हिने तिचं लग्न न करण्याचं कारण सांगितलं आहे. याआधी देखील अभिनेत्रीने अनेकदा तिच्या लग्नाबद्दल मोठं वक्तव्य केलं आहे. 2022 मध्ये झालेल्या एका कार्यक्रमात तर, अभिनेत्री तिच्या आयुष्यात आलेल्या पुरुषांबद्दल आणि तिच्या मुलींबद्दल मोठं वक्तव्य केलं होतं.
View this post on Instagram
सुष्मिता म्हणालेली, ‘नशिबाने माझ्या आयुष्यात अनेक खास पुरुषांची एन्ट्री झाली. पण माझं लग्न न होण्याचं एकमात्र कारण म्हणजे, त्यांनी मला निराश केलं. याचा माझ्या मुलांशी काहीही संबंध नाही. माझ्या आयुष्यात आलेल्या प्रत्येक व्यक्तीचा त्यांनी मोठ्या मनाने स्वीकार केला, कधीच कोणत्याही प्रकारचे आक्षेप त्यांनी घेतला नाहीय माझ्या मुली कधीच माझ्या आयुष्याचा भाग राहिल्या नाहीत.’
पुढे अभिनेत्री म्हणालेली, ‘एक दोन नाही तीन वेळा माझं लग्न होणार होतं. पण प्रत्येक वेळी गोष्टी बिनसल्या. तीन वेळा मला देवाने वाचवलं… मी तुम्हाला सांगू देखील शकत नाही की, त्यांच्या आयुष्यात किती अडचणी आल्या. देवाने माझी रक्षा केली. कारण ते माझ्या दोन मुलींची रक्षा करत होते. त्यामुळे कोणत्याच वादग्रस्त अडचणीत त्यांनी मला अडकवलं नाही.’
सांगायचं झालं तर, सुष्मिता यापूर्वी मॉडेल रोहमन शॉलसोबत रिलेशनशिपमध्ये होती. ते अनेक वर्षे एकमेकांना डेट करत होते आणि रिपोर्टनुसार, 2021 मध्ये ते वेगळे झाले. अभिनेत्री काही काळासाठी व्यावसायिक ललित मोदी याच्यासोबतही रिलेशनशिपमध्ये होती. दोघांचे अनेक खासगी फोटो देखील सोशल मीडियावर व्हायरल झाले.
