‘तिने आधी मिठी मारली त्यानंतर कान…’, प्रसिद्ध गायकाची 40 वर्षीय महिलेने काढली छेड

मुंबई : 31 ऑक्टोबर 2023 : बॉलिवूडचा प्रसिद्ध पंजाबी गायक हार्डी संधू सध्या तुफान चर्चेत आला आहे. गायकाची इंडिया टूर पुढच्या महिन्यापासून सुरु होणार आहे. पण त्याआधी संधू यांने त्याच्या खासगी आयुष्यात घडलेल्या एका मोठ्या घटनेचा खुलासा केला आहे. एका कार्यक्रमात जवळपास ४० वर्षीय महिलेने गायकाची छेड काढली होती. संबंधीत घटना घडली तेव्हा संधू लाईव्ह कार्यक्रम करत होता. कार्यक्रम सुरु असताना, महिला स्टेजवर आली आणि पुढे जे काही घडलं… त्यावर संधू याने मोठा खुलासा केला आहे. शिवाय ‘हेच जर मी केलं असतं तर…?’ असा प्रश्न देखील गायकाने उपस्थित केला आहे. सध्या सर्वत्र फक्त आणि फक्त हार्डी संधू याची चर्चा रंगत आहे.

नुकताच झालेल्या मुलाखतीत गायक म्हणाला, ‘एका विवाह सोहळ्यात मी परफॉर्म करण्यासाठी गेलो होतो. परफॉर्मेंस सुरु असताना जवळपास ४० वर्षांची महिला आली आणि तिने माझी छेड काढली… ती सतत स्टेजवर येण्यासाठी मझ्याकडे विनंती करत होती. पण मी नकार देत होतो. कारण एकाला बोलावल्यावर सर्वांना वाईट वाटेल…’

‘तरी देखील ती महिला ऐकत नव्हती… अखेर मी तिला बोलावलं आणि ती आली. स्टेजवर आल्यानंतर तिने मला डान्स करण्यासाठी विनंती केली.. मी तिच्यासोबत डान्स देखील केला. त्यानंतर महिलेला मला मिठी मारायची होती… तिने मला मिठी देखील मारली.. पण नंतर ती माझा कान चाटू लागली… आता हेच जर मी केलं असतं तर, परिस्थिती कशी असती?’ असं देखील हार्डी संधू म्हणाला…

एका तरुणाने गायकावर फेकली होती बाटली…

मुलाखतीत हार्डी संधू याने त्याच्यासोबत घडलेली आणखी एक घटना सांगितली… एका तरुणाने संधू याच्यावर बाटली फेकली होती. तेव्हा अधिकाऱ्यांनी त्याला बाहेर जाण्यासाठी सांगितलं, पण तो फरार झाला. त्यानंतर हार्डी संधू याने कार्यक्रम बंद केला….

हार्डी संधू बॉलिवूडच्या प्रसिद्ध गायकांपैकी एक आहे. त्याच्या चाहत्यांची संख्या देखील फार मोठी आहे. शिवाय संधू याने गायलेली अनेक गाणी हीट झाली आहेत. ‘बिजली बिजली’, ‘जोकर’, ‘सोच’ यांसाठी हार्डी संधू प्रसिद्ध आहे. सोशल मीडियावर देखील गायकाचे अनेक व्हिडीओ तुफान व्हायरल होत असतात. सध्या सर्वत्र फक्त आणि फक्त हार्डी संधू याची चर्चा रंगली आहे.