तब्बल चार वर्षानंतर सोनम कपूर हिने सांगितले आनंद आहूजासोबतच्या लग्नाचे कारण

मुंबई : बाॅलिवूड अभिनेता अनिल कपूर याची लेक आणि अभिनेत्री सोनम कपूर हिने आॅगस्टमध्येच बाळा जन्म दिला आहे. काही दिवसांपूर्वी सोनम हिने तिच्या बाळासोबतचे काही फोटो हे सोशल मीडियावर शेअर केले होते. इतकेच नाहीतर मुलाचे नावही तिने चाहत्यांसोबत शेअर केले. सोनम हिने बाळाचे नाव वायु ठेवले आहे. 2018 मध्ये सोनम कपूर हिने दिल्लीच्या बिझनेस मॅन आनंद आहूजा याच्यासोबत लग्न केले. लग्नाच्या अगोदर सोनम आणि आनंद एकमेकांना डेट करत होते.

आनंद आहूजा आणि सोनम कपूर यांच्या लग्नाला आता तब्बल 4 वर्ष पुर्ण होत असताना सोनम कपूर हिने अखेर खुलासा करत सांगितले की, तिने आनंद आहूजा यांच्यासोबत नेमके का लग्न केले.

सोनम कपूर हिने सोशल मीडियावर एक पोस्ट शेअर करत आनंद आहूजा याच्यासोबत लग्न का केले याचे कारण थेट सांगून टाकले आहे. आता सोनम कपूरची हीच पोस्ट सोशल मीडियावर व्हायरल झाली आहे.

सोनम कपूर हिने वडील अनिल कपूर यांची स्तुती करणारी एक पोस्ट शेअर केलीये. यामध्ये तिने लिहिले की, डॅडी तुमची मुलगी नोटीस करते, जेंव्हा तुम्ही तुमच्या पत्नीचा हात पकडता. तुम्ही प्रेमाने तिच्या पाठीवर हात ठेवता…

तुमची मुलगी हे पण पाहते जेंव्हा तुम्ही तुमच्या पत्नीला ऐकता आणि लक्ष देत नाहीत. जेंव्हा तुम्ही फोनवर बिझी असता तेंव्हाही ती तुम्हाला पाहते. तुमची मुलगी तुमच्याकडून ते सर्व शिकत आहे, जे तुम्ही करता…

पुढे सोनम कपूर हिने लिहिले की, म्हणूनच मी आनंद आहुजा याची निवड केली. कारण सुनिता कपूरने निवड केली होती. ही पोस्ट सोनम कपूर हिने अनिल कपूर आणि आई सुनीता कपूर यांना टॅग केली आहे.