Darlings | आलिया भट्टने ‘डार्लिंग्स’ चित्रपटातील 4 फोटो शेअर करत म्हटले….,पाहा खास फोटो!
आलिया भट्टने आपल्या इंस्टाग्रामवर डार्लिंग्स चित्रपटाचा टीझर शेअर केला आहे. टीझर पाहून चित्रपटात सस्पेन्स भरलेला असल्याचं दिसून येत आहे. OTT प्लॅटफॉर्म Netflix वर प्रदर्शित होणाऱ्या या चित्रपटात आलिया भट्टसोबत शेफाली शाह, विजय वर्मा आणि रोशन मॅथ्यू देखील दिसणार आहेत.
मुंबई : बॉलिवूड (Bollywood) अभिनेत्री आलिया भट्ट ‘डार्लिंग्स’ चित्रपटात दिसणार आहे. विशेष म्हणजे या चित्रपटाच्या माध्यमातून ती चित्रपट निर्माती म्हणून वेगळ्या प्रवासाला सुरूवात करते आहे. शाहरुख खान या चित्रपटासाठी आलियाला मदत करतोयं. सोशल मीडियावर (Social media) सक्रिय असलेल्या आलिया भट्टने तिच्या डार्लिंग्ज चित्रपटाशी संबंधित काही फोटो मजेशीर कॅप्शनसह शेअर केली आहेत. ज्याची एकच चर्चा सोशल मीडियावर रंगली आहे. आलिया भट्टने (Alia Bhatt) नुकतेच डार्लिंग्स चित्रपटाशी संबंधित काही फोटो शेअर केले आहेत.
इथे पाहा आलियाने शेअर केलेली पोस्ट
Abhi ke liye ye photos dekho. Monday ko battings dikhaungi. #DarlingsOnNetflix pic.twitter.com/3YMQT4wJtp
— Alia Bhatt (@aliaa08) July 23, 2022
आलियाने तिच्या ट्विटरवर चार फोटो शेअर केले
आलियाचा डार्लिंग्स चित्रपट बहुचर्चित आणि बहुप्रतिक्षेत आहे. आलियाने तिच्या ट्विटरवर चार फोटो शेअर केले आहेत. या फोटोंमध्ये आलिया भट्ट आणि शेफाली शाहसह चित्रपटाची दुसरी स्टारकास्ट देखील दिसत आहे. आलियाने फोटो शेअर करताना एक मजेशीर कॅप्शन दिले आहे. आलियाने लिहिले- ‘सध्या फोटो पहा, मी सोमवारी बॅटिंग्स दाखवेन.’ पाहा ही फोटो….
इंस्टाग्रामवर डार्लिंग्स चित्रपटाचा टीझर शेअर केला
आलिया भट्टने आपल्या इंस्टाग्रामवर डार्लिंग्स चित्रपटाचा टीझर शेअर केला आहे. टीझर पाहून चित्रपटात सस्पेन्स भरलेला असल्याचं दिसून येत आहे. OTT प्लॅटफॉर्म Netflix वर प्रदर्शित होणाऱ्या या चित्रपटात आलिया भट्टसोबत शेफाली शाह, विजय वर्मा आणि रोशन मॅथ्यू देखील दिसणार आहेत. आलिया भट्टचा आगामी चित्रपट ‘डार्लिंग्स’ हा ह्युमर कॉमेडीने भरलेला एक रोमांचक चित्रपट असेल.
करण जोहरने देखील डार्लिंग्स चित्रपटाविषयी पोस्ट शेअर
आलिया भट्टने डार्लिंग्स चित्रपट आपल्या हृदयाच्या सर्वात जवळ असल्याचे म्हटले होते. आलिया म्हणाली होती की, हा चित्रपट तिच्यासाठी खूप खास आहे. निर्माता म्हणून हा माझा पहिला चित्रपट आहे, तोही रेड चिलीजसोबत. हा चित्रपट ज्या प्रकारे बनवला गेला आहे त्याबद्दल मला खूप अभिमान आहे आणि आनंदही आहे. नुकतेच चित्रपट निर्माते करण जोहरने देखील डार्लिंग्स चित्रपटाविषयी पोस्ट शेअर केली होती.
