Aryan Khan Drugs Case | आर्यन खानला जामीन मिळणार? युक्तिवाद पूर्ण झाल्यानंतर दुपारी होणार सुनावणी
मुंबई क्रूझ ड्रग्स पार्टी प्रकरणी आर्यन खानच्या (Aryan Khan) जामीन अर्जावर आज (27 ऑक्टोबर) मुंबई उच्च न्यायालयात सुनावणी होणार आहे. आज (27 ऑक्टोबर) दुपारी 2.30 वाजता सुनावणी होणार आहे. काल आर्यन आणि अरबाजच्या जामिनावरची चर्चा पूर्ण झाली आहे.
मुंबई : मुंबई क्रूझ ड्रग्स पार्टी प्रकरणी आर्यन खानच्या (Aryan Khan) जामीन अर्जावर आज (27 ऑक्टोबर) मुंबई उच्च न्यायालयात सुनावणी होणार आहे. आज (27 ऑक्टोबर) दुपारी 2.30 वाजता सुनावणी होणार आहे. काल आर्यन आणि अरबाजच्या जामिनावरची चर्चा पूर्ण झाली आहे. त्यानंतर आज दुपारी 2.30 वाजता जामीन अर्जावर सुनावणी होणार आहे.
विशेष न्यायालयाने जामीन फेटाळल्यानंतर आर्यन खानने तातडीने उच्च न्यायालयात सुनावणीसाठी धाव घेतली. आर्यन खानचा जामीन अर्ज मॅजिस्ट्रेट कोर्ट आणि सेशन्स कोर्टाने फेटाळल्यानंतर भारताचे माजी अॅटर्नी जनरल मुकुल रोहतगी हे त्याच्यासाठी हजर झाले. त्यांनी आर्यन खानची अटक बेकायदेशीर ठरवली आणि या कारवाईवर एनसीबीलाच गोत्यात टाकले आहे.
दोन आरोपींना मिळाला जामीन
दरम्यान, क्रूझ ड्रग्ज प्रकरणातील दोन आरोपींना जामीन मिळाला आहे. विशेष एनडीपीएस न्यायालयाने या जामीन अर्जाला परवानगी दिली आहे. अवीन साहू आणि मनीष राजगरिया यांना जामीन मिळाला आहे. व्ही.व्ही.पाटील यांच्या खंडपीठाने त्यांचा जामीन अर्ज स्वीकारला आहे. या दोघांनाही मुंबई क्रूझ ड्रग्ज प्रकरणी एनसीबीने अटक केली होती.
एनसीबीने क्रूझ ड्रग्ज प्रकरणात आर्यन खानच्या जामीन अर्जाला विरोध केला, की तो फक्त अंमली पदार्थ घेत असे असे नाही तर त्याच्या अवैध तस्करीतही त्याचा सहभाग होता. आर्यन खान आणि शाहरुख खानची मॅनेजर पूजा ददलानी पुराव्यांसोबत छेडछाड करत होत्या आणि तपासावर प्रभाव टाकण्यासाठी साक्षीदारांना प्रभावित करत असल्याचा दावाही एजन्सीने केला आहे.
एनसीबीने दाखल केले प्रतिज्ञापत्र
त्याचवेळी आर्यन खानच्या वकिलांनी हायकोर्टात अतिरिक्त नोट दाखल करताना सांगितले की, एनसीबीचे प्रादेशिक संचालक समीर वानखेडे आणि काही राजकीय व्यक्तींकडून एकमेकांवर होत असलेल्या आरोप-प्रत्यारोपांशी त्याचा काहीही संबंध नाही. आर्यन खानने हायकोर्टात दाखल केलेल्या जामीन याचिकेला उत्तर म्हणून एनसीबीने मंगळवारी प्रतिज्ञापत्र दाखल केले.
हे प्रकरण न्यायमूर्ती एनडब्ल्यू सांबरे यांच्या एकल खंडपीठासमोर सुनावणीसाठी ठेवण्यात आले आहे. या प्रकरणाच्या तपासाची दिशा बदलण्याच्या हेतूने त्याचा प्रभाव पाडण्याचा प्रयत्न केला जात असल्याचे एजन्सीने प्रतिज्ञापत्रात म्हटले आहे. प्रभाकर साईलच्या प्रतिज्ञापत्रातून हे स्पष्ट झाले आहे, असे एजन्सीने म्हटले आहे. या प्रकरणात प्रभाकर सेलने एजन्सीच्या काही अधिकाऱ्यांवर वसुली करण्याचा प्रयत्न केल्याचा आरोप केला आहे. शपथपत्रात पूजा ददलानीचा संदर्भ देत, या महिलेने तपासादरम्यान साक्षीदारांवर प्रभाव टाकल्याचे दिसते.
हेही वाचा :
‘माझे पती बॉलिवूडला टार्गेट करत नाहीयत’, समीर वानखेडेंच्या समर्थनार्थ पुढे आली पत्नी क्रांती रेडकर!
