२२ वर्षापूर्वी सनी देओलने गदर सिनेमात हँडपंप उखडला, आता गदर २ मध्ये संतापात हातात ही वस्तू आलीय…

मुंबई : बॉलिवूड अभिनेता सनी देओल हा ‘गदर 2’ या चित्रपटामुळे सध्या चर्चेत आहे. नुकताच या चित्रपटातील सनीचा फर्स्ट लूक रिलीज करण्यात आलाय. विशेष म्हणजे चाहत्यांना सनीचा लूक जबरदस्त आवडलेला दिसतोय. तब्बल 22 वर्षांनंतरही गदर 1 एक प्रेम कथा प्रमाणेच सनी देओलमध्ये तोच जोश दिसतोय. 2023 मध्ये गदर 2 हा चित्रपट प्रेक्षकांच्या भेटीला येणार आहे. यापूर्वी 2001 मध्ये गदर 1 हा चित्रपट रिलीज झाला होता. या चित्रपटाने रेकाॅर्ड ब्रेक कामगिरी केली होती. या चित्रपटाला प्रेक्षकांचे प्रचंड प्रेम मिळाले. बाॅक्स आॅफिसवर या चित्रपटाने अक्षरशा धमाल केली होती.

सनी देओल याला गदर या चित्रपटामुळेच खरी ओळख मिळालीये. गदर चित्रपटाचे शो पहाटे चार वाजेपर्यंत सुरू असायचे. या चित्रपटात सनी देओलसोबत अमीषा पटेल देखील मुख्य भूमिकेत होती. गदर 2 मध्येही सनीसोबत अमीषा पटेल असणार आहे.

गदर 2 च्या 50 सेकंदाच्या व्हिडीओमध्ये सनी देओल हा बैलगाडीचे चाक हातामध्ये उचलताना दिसतोय. गदर 1 प्रमाणेच फुल जोशमध्ये सनी देओल दिसतोय. पूर्वीप्रमाणेच सनी देओलचा लूक दिसत आहे.

गदर 1 मध्ये सनी देओल याने हँडपंप उखडला होता. आता तो बैलगाडीचे चाक हातामध्ये घेऊन आपल्या दुश्मनांचा समाचार घेताना दिसतोय. विशेष म्हणजे चाहत्यांना सनी देओलचा हा खास लूक आवडलाय.

अनेकांनी सोशल मीडियावर या फर्स्ट लूकवर कमेंट करत म्हटले आहे की, हा चित्रपट नक्कीच बाॅक्स आॅफिसवर हीट ठरेल. या चित्रपटाची शूटिंग आता पुर्ण होत आलीये. हा चित्रपट 2023 ला प्रेक्षकांच्या भेटीला येणार आहे.

गदर 2 चा हा फर्स्ट लूक टीझरचा व्हिडीओ पाहिल्यानंतर प्रेक्षकांमध्ये चित्रपटाबद्दल उत्सुकता निर्माण झालीये. गदर 1 मध्ये सनी देओल हा तारा सिंह याच्या भूमिकेत तर अमीषा पटेल सकीनाच्या भूमिकेत होते.