Happy Birthday Sharad Kelkar | कधी काळी क्रीडा शिक्षक म्हणून काम करायचा शरद केळकर, आता बॉलिवूडमध्ये गाजवतोय नाव!

मुंबई : शरद केळकर हा बॉलिवूडचे प्रसिद्ध अभिनेता आहे. 7 ऑक्टोबर रोजी अभिनेता आपला वाढदिवस साजरा करत आहे. बॉलिवूड चित्रपटांव्यतिरिक्त शरद केळकरने अनेक मराठी चित्रपटांमध्येही काम केले आहे. तो छोट्या पडद्यावरील मालिका आणि वेब सीरीजमधील लोकप्रिय अभिनेत्यांपैकी एक आहे. शरद केळकरांनी बॉलिवूडच्या अनेक दिग्गज कलाकारांसोबत अभिनय करून मोठ्या पडद्यावर एक विशेष स्थान निर्माण केले आहे. चला तर त्याच्या वाढदिवशी, आम्ही तुम्हाला त्याच्याशी संबंधित खास गोष्टी सांगणार आहोत….

अभिनेता शरद केळकर यांचा जन्म 7 ऑक्टोबर 1976 रोजी मध्य प्रदेशातील ग्वाल्हेर येथे झाला. त्यांनी आपले संपूर्ण शिक्षण मध्य प्रदेशातूनच पूर्ण केले. त्यांनी ग्वाल्हेरच्या प्रेस्टीज इन्स्टिट्यूट ऑफ मॅनेजमेंटमधून एमबीए केले. शिक्षण पूर्ण केल्यानंतर शरद केळकर यांनी एका महाविद्यालयात क्रीडा शिक्षक म्हणून काम केले. अगदी सुरुवातीपासूनच तो त्याच्या फिटनेसबद्दल चर्चेत असायचा. शरद केळकर यांनी टीव्ही सिरियलद्वारे अभिनय क्षेत्रात पदार्पण केले.

मालिकेतून सुरुवात

शरद केळकर प्रथम दूरदर्शनच्या आक्रोश मालिकेत दिसला होता. ही मालिका 2004 साली आली. यानंतर शरद केळकर बऱ्याच काळासाठी अनेक टीव्ही शोचे होस्ट म्हणून दिसला होता. शरदने ‘सीआयडी’, ‘उतरन’ आणि ‘कुछ तो लोग कहेंगे’ यासह अनेक टीव्ही मालिकांमध्ये दीर्घकाळ काम केले. शरद केळकर यांनी बॉलिवूड चित्रपटांमध्ये छोट्या भूमिकांद्वारे अभिनय क्षेत्रात पदार्पण केले.

सुरुवातीला शरद केळकर अनेक बॉलिवूड चित्रपटांमध्ये कॅमिओ करताना दिसला. लोकांच्या नजरेत तो रणवीर सिंग आणि दीपिका पदुकोणच्या ‘गोलियो की रसलीला : राम-लीला’ या चित्रपटात आला. चित्रपटातील त्याचे पात्र फार मोठे नव्हते, पण प्रेक्षकांना ते खूप आवडले. शरद केळकर याने प्रभाससाठी ‘बाहुबली’ चित्रपटात आपला आवाज डब केला होता. अगदी शरदनेही ट्विटरवर एक पोस्ट शेअर केली होती. या पोस्टमध्ये शरदने लिहिले- ‘चेहरा आणि आवाज … शेवटी एका फ्रेममध्ये टिपले. अभिमान वाटतो.’

दिल्लीच्या चोर बाजारातून खरेदी

शरद केळकरनेही त्यांच्या आयुष्यातील संघर्षाबद्दल माध्यमांना बरेच काही सांगितले आहे. त्याने एका मुलाखतीत सांगितले होते की, तो दिल्लीतील चोर बाजारातून कपडे विकत घेऊन ते घालायचा. शरद केळकर आपल्या मुलाखतीत म्हणाला होता की, ‘दिल्लीतील चोर बाजार ब्रँडेड शूज आणि स्वस्त कपड्यांसाठी ओळखला जातो. कॉलेजच्या काळात मी तिथून खरेदी केली. मी ग्वाल्हेरचा आहे आणि मी तिथे क्रीडा महाविद्यालयात होतो. त्यावेळी माझ्याकडे तेवढे पैसे नव्हते. यामुळे, सुट्टीच्या दिवशी आम्ही चोर बाजारातून ब्रँडेड शूज खरेदी करण्यासाठी दिल्लीला यायचो. रात्रभर प्रवास करायचा आणि सरळ चोरांच्या बाजारात जायचं. खाण्यासाठी करीमच्या दुकानात थांबायचो. मला शहर माहित आहे, पण नेहमी रस्त्याबद्दल थोडा गोंधळ होतो.

हेही वाचा :

Nora Fatehi | मनोरंजन विश्वात येण्यापूर्वी नोरा फतेही करायची ‘हे’ काम, अनुभव सांगताना म्हणाली…

आर्यन खानसोबत फोटो, एनसीबी म्हणते आमचा संबंध नाही, कोण आहे किरण गोसावी, ज्याच्यावर राष्ट्रवादीचा गंभीर आरोप?