Huma Qureshi | हुमा कुरेशी चक्क अनुराग कश्यप विरोधात गुन्हा दाखल करणार, वाचा काय घडले?
काही दिवसांपूर्वी अनुराग कश्यप यांनी म्हटले होते की, कांतारा आणि पुष्पा यासारख्या चित्रपटांमुळे बाॅलिवूडचे (Bollywood) नुकसान होत आहे. यावरून अनेकांनी त्यांच्यावर टीका केली होती.
मुंबई : हुमा कुरेशी आणि अनुराग कश्यप यांची केमिस्ट्री सर्वांनाच माहिती आहे. २०१२ मध्ये अनुराग कश्यप यांनीच हुमा कुरेशी हिला लाॅन्च केले आहे. मात्र, आता चक्क हुमा कुरेशी (Huma Qureshi) हिने अनुराग कश्यपवर चोरीचा आरोप करत सर्वांना मोठा धक्का दिला आहे. गेल्या काही वर्षांपासून हुमा कुरेशी ही बाॅलिवू़डमधील एक चर्चेतील नाव आहे. अनुराग कश्यप आणि विवेक अग्निहोत्री यांच्यामधील वाद सर्वांनाच माहिती आहे. काही दिवसांपूर्वी अनुराग कश्यप यांनी म्हटले होते की, कांतारा आणि पुष्पा यासारख्या चित्रपटांमुळे बाॅलिवूडचे (Bollywood) नुकसान होत आहे. यावर विवेक अग्निहोत्री यांनी चांगलाच समाचार घेत अनुराग कश्यप यांना खडेबोल सुनावले होते.
आता हुमा कुरेशी हिने इंस्टा स्टोरीवर एक पोस्ट शेअर केल्याने अनुराग कश्यप चर्चेत आले आहे. हुमा कुरेशी हिने ऑलमोस्ट प्यार विद डीजे मोहब्बतची एक क्लिप शेअर करत लिहिले की, माझे गाणे चोरल्याबद्दल मी अमित त्रिवेदी आणि अनुराग कश्यप यांच्यावर खटला दाखल करत आहे.
हुमा कुरेशी हिच्या या पोस्टनंतर अनेक चर्चांना उधाण आले आणि नेमके काय घडले हे चाहते विचारत होते. याचदरम्यान आता अनुराग कश्यप यांनी हुमा कुरेशी हिची ही पोस्ट रिशेअर करत म्हटले की, हाहाहा…ते कधीही सोडू नका…तसेच यासोबत अनुराग कश्यप याने काही इमोजीही शेअर केले आहेत.
आता अनुराग कश्यप यांच्या पोस्टवरून हे स्पष्ट झाले आहे की, हुमा कुरेशी आणि अनुराग कश्यप हे दोघे मजाक करत होते. आता ही पोस्ट व्हायरल होताना दिसत आहे. हुमा कुरेशी ही तिच्या दबंग अभिनयासाठी ओळखली जाते. हुमा आणि अनुराग कश्यप यांची पहिली भेट एका जाहिरातीदरम्यान झाली होती.
अनुराग कश्यप आणि विवेक अग्निहोत्री यांच्यामध्ये कायमच सोशल मीडियावर एक प्रकारचा वाॅर सुरू असतो. अनुराग कश्यप यांनी काही दिवसांपूर्वी विवेक अग्निहोत्री यांच्याविरोधात एक पोस्ट सोशल मीडियावर शेअर केली होती. यावरून चाहते अनुराग कश्यप यांनाच टार्गेट करत होते.हुमा कुरेशी ही कायमच अनुराग कश्यप यांच्या सपोर्टमध्ये असते.
