The Kashmir Files: प्रदर्शनाच्या एक दिवस आधी ‘द काश्मीर फाईल्स’मधील ‘या’ सीनवर लागली कात्री

विवेक अग्निहोत्री (Vivek Agnihotri) दिग्दर्शित 'द काश्मीर फाईल्स' (The Kashmir Files) हा चित्रपट 11 मार्च रोजी सिनेमागृहांमध्ये प्रदर्शित झाला. प्रदर्शनापूर्वी या चित्रपटाला काही अडचणींचा सामना करावा लागला. चित्रपट प्रदर्शित होण्याच्या एक दिवस आधी यातील एका दृश्यावर कात्री लावण्याचे आदेश कोर्टाने दिले.

The Kashmir Files: प्रदर्शनाच्या एक दिवस आधी 'द काश्मीर फाईल्स'मधील 'या' सीनवर लागली कात्री
The Kashmir Files
Image Credit source: Instagram
स्वाती वेमूल

|

Mar 15, 2022 | 1:17 PM

विवेक अग्निहोत्री (Vivek Agnihotri) दिग्दर्शित ‘द काश्मीर फाईल्स’ (The Kashmir Files) हा चित्रपट 11 मार्च रोजी सिनेमागृहांमध्ये प्रदर्शित झाला. प्रदर्शनापूर्वी या चित्रपटाला काही अडचणींचा सामना करावा लागला. चित्रपट प्रदर्शित होण्याच्या एक दिवस आधी यातील एका दृश्यावर कात्री लावण्याचे आदेश कोर्टाने दिले. त्यामुळे गुरुवारी म्हणजेच 10 मार्च रोजी निर्मात्यांना चित्रपटातून दिवंगत आईएएफ स्क्वाड्रन लीडर रवी खन्ना (Sqn Ldr Ravi Khanna) यांच्यावर आधारित दृश्यांना काढून टाकावं लागलं. जम्मू-काश्मीर कोर्टाने यासंदर्भातील आदेश दिले होते. अनुपम खेर, पल्लवी जोशी, मिथुन चक्रवर्ती यांसोबतच इतरही नामवंत कलाकारांच्या मुख्य भूमिका या चित्रपटात आहेत. या चित्रपटाने चार दिवसांत 42 कोटी रुपयांचा गल्ला जमवला आहे.

नेमकं काय आहे प्रकरण?

भारतीय वायूसेनेचे शहीद रवी खन्ना यांच्या पत्नी निर्मला यांनी कोर्टात विवेक अग्निहोत्रींच्या ‘द काश्मीर फाईल्स’ या चित्रपटाविरोधात कोर्टात याचिका दाखल केली होती. पतीशी संबंधित दृश्ये चित्रपटातून काढून टाकण्याची मागणी त्यांनी या याचिकेद्वारे केली होती. चित्रपटात दाखवण्यात आलेले दृश्य आणि त्यांच्या पतीसोबत घडलेल्या घटना यांमध्ये तफावत असल्याचा दावा त्यांनी केला.

कोण होते रवी खन्ना?

जम्मू आणि काश्मीर लिबरेशन फ्रंट (JKLF) प्रमुख यासिन मलिकच्या नेतृत्वाखालील एका गटाने 25 जानेवारी 1990 रोजी श्रीनगरमध्ये चार वायुसेनेच्या जवानांवर गोळ्या झाडल्या होत्या. या चार जवानांपैकी रवी खन्ना एक होते.

“फिर्यादीने मांडलेली तथ्ये लक्षात घेता, शहीद स्क्वाड्रन लीडर रवी खन्ना यांच्याशी संबंधित दृश्ये द काश्मीर फाईल्स या चित्रपटात दाखवण्यापासून रोखण्यात येत आहे,” असं अतिरिक्त जिल्हा न्यायाधीश दीपक सेठी यांनी आदेशात म्हटलं आहे. 1990 मध्ये नरसंहाराला बळी पडलेल्या काश्मिरी पंडितांची हृदयद्रावक कथा या चित्रपटात दाखवण्यात आली आहे. काश्मीर खोऱ्यातील लाखो हिंदूंना स्वतःचं घर सोडावं लागलं होतं. यामध्ये अनुपम खेर आणि मिथुन चक्रवर्ती यांच्याही मुख्य भूमिका आहेत.

हेही वाचा:

कपिल शर्माने ‘द काश्मीर फाईल्स’ला प्रमोट करण्यास दिला नकार? अनुपम खेर यांनी सांगितलं सत्य

‘मन सुन्न झालंय, डोळ्यातील अश्रू थांबत नाहीत..’; प्राजक्ता गायकवाडची भावूक पोस्ट

Follow us on

Most Read Stories

Click on your DTH Provider to Add TV9 MARATHI

राज्य चुनें