VIDEO: कतरिना कैफ प्रेग्नंट आहे का? एअरपोर्टवरील व्हिडीओ पाहून नेटकऱ्यांच्या प्रतिक्रिया

Katrina Kaif

Image Credit source: Instagram

अभिनेत्री कतरिना कैफने (Katrina Kaif) गेल्या वर्षी डिसेंबरमध्ये अभिनेता विकी कौशलशी (Vicky Kaushal) लग्नगाठ बांधली. काही दिवसांपूर्वीच हे दोघं सुट्ट्यांचा आनंद घेण्यासाठी एका आयलँडवर फिरायला गेले होते. त्यानंतर कतरिनाला नुकतंच मुंबई एअरपोर्टवर पाहिलं गेलं. यावेळी पापाराझींनी तिचे फोटो आणि व्हिडीओ क्लिक केले. हे व्हिडीओ सोशल मीडियावर व्हायरल होताच नेटकऱ्यांनी ती प्रेग्नंट (pregnancy) आहे का, असा प्रश्न कमेंट बॉक्समध्ये विचारला. पिंक पेस्टल रंगाचा सूट आणि त्यावर दुपट्टा असा साधा लूक कतरिनाने केला होता. तिच्या या लूकवरूनही अनेकांनी कमेंट्सचा वर्षाव केला. मात्र कतरिनाच्या प्रेग्नंसीच्या कमेंट्समुळे सध्या सोशल मीडियावर त्याची जोरदार चर्चा होऊ लागली आहे.

ती प्रेग्नंट आहे का, असा प्रश्न एका नेटकऱ्याने विचारला असता त्यावर दुसऱ्या युजरने उत्तर दिलं, ‘तिचा हा लूक पाहिल्यानंतर माझ्याही डोक्यात सर्वांत आधी हाच प्रश्न डोकावला’. ‘कतरिना प्रेग्नंट नसताना असे कपडे परिधान करू शकत नाही का’, असा सवाल एका युजरने त्यावर केला. तर तिच्या कपड्यांवरून नाही तर ज्याप्रकारे ती चालतेय, त्यावरून असा अंदाज लावल्याचं पहिल्या युजरने स्पष्ट केलं. कॅमेराचा चुकीचा अँगल आणि कतरिनाचं हळू चालणं यांमुळे नेटकऱ्यांनी ती प्रेग्नंट आहे का, असा प्रश्न विचारण्यास सुरुवात केली. काहींनी तिला शुभेच्छाही देण्यास सुरुवात केली.

पहा व्हिडीओ-

जवळपास दोन वर्षे एकमेकांना डेट केल्यानंतर कतरिना आणि विकीने गेल्या वर्षी लग्नगाठ बांधली. राजस्थानमध्ये मोजक्या पाहुण्यांच्या उपस्थितीत 9 डिसेंबर रोजी हा लग्नसोहळा पार पडला. सध्या कतरिना तिच्या ‘टायगर 3’ या चित्रपटाच्या शूटिंगमध्ये व्यस्त आहे. यामध्ये सलमान खान आणि इम्रान हाश्मी यांच्याही भूमिका आहेत. याशिवाय ती ‘जी ले जरा’ या चित्रपटातही मुख्य भूमिका साकारणार आहे. यामध्ये ती आलिया भट्ट आणि प्रियांका चोप्रा यांच्यासोबत काम करणार आहे.

हेही वाचा:

Dharmaveer: “जंगलात राहून वाघाशी, महाराष्ट्रात राहून माझ्याशी वैर नाही घ्यायचा”; आनंद दीघेंवरील चित्रपटाचा दमदार टीझर

VIDEO: रणबीर-आलियाच्या लग्नाचे फोटो लीक होऊ नये म्हणून सिक्युरिटी गार्डने उचललं हे पाऊल