BTS Video | समंथा प्रभूची आयटम साँगसाठी प्रचंड मेहनत, ‘Oo Antava’चा हा रिहर्सल व्हिडीओ पाहिला का?
‘साऊथ क्वीन’ अभिनेत्री समंथा रुथ प्रभू (Samantha Ruth Prabhu), अल्लू अर्जुन (Allu Arjun) स्टारर ‘पुष्पा: द राइज’ (Pushpa : The Rise) मधील तिच्या ‘ओओ अंटवा ओओ ओओ अंटवा’ या डान्स नंबरसाठी खूप प्रसिद्धी आणि प्रशंसा मिळवत आहे.
मुंबई : ‘साऊथ क्वीन’ अभिनेत्री समंथा रुथ प्रभू (Samantha Ruth Prabhu), अल्लू अर्जुन (Allu Arjun) स्टारर ‘पुष्पा: द राइज’ (Pushpa : The Rise) मधील तिच्या ‘ओओ अंटवा ओओ ओओ अंटवा’ या डान्स नंबरसाठी खूप प्रसिद्धी आणि प्रशंसा मिळवत आहे. नुकताच, अभिनेत्रीने सेटवरून एक BTS व्हिडीओ पोस्ट केला. या व्हिडीओमध्ये तिने आणि तिच्या नृत्यदिग्दर्शक टीमने या गाण्यासाठी घेतलेल्या कठोर परिश्रमाची झलक दिसली.
समांथाने हा व्हिडीओ तिच्या अधिकृत यूट्यूब चॅनलवर पोस्ट केला आहे. “हा माझ्या तालीमीचा एक छोटासा भाग आहे. बर्याचदा आपण ज्या गोष्टींचा इतका सराव करतो, ते पडद्यावर येत नाही आणि या आश्चर्यकारक व्हिडीओमध्ये त्याची एक छोटीशी झलक आहे, जी शिकायला मला खूप मजा आली,” असे तिने या व्हिडीओच्या कॅप्शनमध्ये लिहिले आहे.
पाहा व्हिडीओ :
यात समंथा आणि काही कोरिओग्राफर एका स्टुडिओमध्ये गाण्याच्या काही मूव्ह्सची रिहर्सल करताना दिसत आहेत. थकलेली आणि घामाने डबडबलेली समंथा मग ते रेकॉर्ड करत असलेल्या कॅमेर्याकडे जाते आणि ती कोरिओग्राफरकडे बोट दाखवत गंमतीने म्हणते ‘ते मला मारतीलच आता’. ती नंतर तिच्या जागेवर परत जाते आणि हसत म्हणते की, “त्यांच्याकडे पहा. त्यांना घामही येत नाही आणि ते माझ्याकडे बघतात.” व्हिडीओच्या शेवटी, जेव्हा कोणीतरी कॅमेरा ऑफ समंथाला विचारते की, ” तू किती थकली आहेस, 1 ते 100मध्ये उत्तर दे”. यावर ती उत्तर देते, “100!”
करिअरमधला पहिला आयटम नंबर!
या गाण्यात समंथाच्या तिच्या करिअरमधला पहिलाच आयटम नंबर केला आहे. डिसेंबरमध्ये एका कार्यक्रमात, चित्रपटाचा मुख्य अभिनेता अल्लू अर्जुन याने समंथाचे आभार मानले होते. “समंथा प्रभू, या गाण्याबद्दल खूप खूप धन्यवाद. मला माहीत आहे, सेटवर तुला किती शंका होत्या. ते बरोबर असो वा नसो. तुम्हाला माहिती आहे, मी तुम्हाला फक्त एक गोष्ट सांगितली, माझ्यावर विश्वास ठेवा आणि डान्स करा. यानंतर तुम्ही एक प्रश्नही विचारला नाही,” असे तो म्हणाला होता. अल्लूच्या कमेंटचा व्हिडीओ ट्विटरवर शेअर करताना समंथाने लिहिले, “आणि मी नेहमी तुझ्यावर @alluarjun विश्वास ठेवीन.”
And now I will always trust you @alluarjun ??♀️ https://t.co/EQOGv6M10F
— Samantha (@Samanthaprabhu2) December 28, 2021
समंथा यावर्षी तीन चित्रपटांमध्ये दिसणार आहे, ज्याची सुरुवात विजय सेतुपती सोबतच्या ‘काथु वाकुला रेंडू कादल’ या तमिळ चित्रपटापासून होणार आहे. ती ‘शाकुंतलम’ आणि ‘यशोदा’ या तेलगू चित्रपटांमध्येही दिसणार आहे.
हेही वाचा :
‘माझा होशील ना’ फेम अभिनेता विराजस लग्न करतोय ‘बन मस्का फेम’ शिवानीसोबत!
सुsssपर! बॉक्सऑफिसवर कल्ला करणारा पुष्पाचं हिंदी वर्जन OTTवर पुढच्या आठवड्यात रिलीज होतंय?
मला नेहमीच मी न केलेल्याची शिक्षा मिळते, पंकजांचे चिमटे, रोख कुणाकडे?
