दुबईत साऊथच्या सुपरस्टारचा भयंकर अपघात, कारचे टप हवेत उडाले; व्हिडीओ पाहून हादरले फॅन्स

Ajith Kumar Accident : साऊथचा सुपरस्टार, अ‍ॅक्शन हिरो अजित कुमार, वय 53 (Ajith Kumar) यांचा भीषण कार अपघात झाला आहे. अजित कुमार हे दुबईत सुरू असलेल्या कार रेसिंगमध्ये भाग घेण्यासाठी आले होते. स्पर्धा सुरू होण्यापूर्वी प्रॅक्टिससाठी त्यांनी रेसिंग कार सुरू करताच कारचे टप हवेत उडाले. कार जागीच गोल गोल फिरली आणि भिंतीला जाऊन जोरदार धडकली. या भीषण अपघातातून अजित कुमार हे थोडक्यात बचावले आहेत. हा अपघात अत्यंत भयानक होता. अपघात पाहून उपस्थित हादरूनच गेले. या अपघाताचा व्हिडीओ सोशल मीडियावर व्हायरल होत आहे. हा व्हिडीओ पाहून अजित कुमार यांचे फॅनच नव्हे तर सर्वसामान्य लोकही हादरून गेले आहेत.

व्हिडीओ पाहून सर्वच हादरले

या भयानक अपघाताचा व्हिडीओ सोशल मीडियावर व्हायरल झाला आहे. अजितक कुमार यांच्या फॅन्सनी हा व्हिडीओ शेअर केला आहे. या व्हिडीओत अपघात स्पष्टपणे दिसत आहे. अजित कुमार रेस सुरू होण्यापूर्वी प्रॅक्टिस करताना दिसत आहे. ही प्रॅक्टिस करत असतानाच त्यांच्या कारचा खतरनाक अपघात झाला. मिळालेल्या माहितीनुसार, अजित कुमार या अपघातातून सुदैवाने बचावले आहेत. त्यांना कोणतीही गंभीर दुखापत झालेली नाही. त्यांना सुरक्षित ठिकाणी नेण्यात आलं आहे.

Ajith Kumar’s massive crash in practise, but he walks away unscathed. Another day in the office … that’s racing!#ajithkumarracing #ajithkumar pic.twitter.com/dH5rQb18z0

— Ajithkumar Racing (@Akracingoffl) January 7, 2025

नशीब बलवत्तर

अजित कुमार यांच्या अपघाताचा व्हिडीओ ज्यांनी पाहिला त्यांच्या काळजात धडधड झाल्याशिवाय राहिली नाही. इतका भयंकर आणि भीषण अपघात होता. या व्हिडीओत कारचे टप हवेत उडालेले स्पष्ट दिसत आहे. कार भिंतीला जाऊन आदळल्याने कारचे तुकडे तुकडे झाल्याचं स्पष्टपणे दिसत आहे. अजित कुमार यांचा वाचण्याचीही शक्यता कमी वाटत होती. पण त्यांचं नशीब बलवत्तर म्हणून सुदैवाने ते वाचले.

यापूर्वीही अपघात

दरम्यान, विदामुयार्ची नावाच्या सिनेमाची ते शुटिंग करत होते. यावेळी ते कारचा सीन शूट करत होते. शूटिंग अजर बैजानच्या वाळवंटात होती. त्यावेळी अजित कुमार यांची संपूर्ण कार उलटली होती. त्यावेळीही ते सुदैवाने बचावले होते. त्यानंतर आताही ते अपघातातून बचावले आहेत. अजित कुमार साऊथचे लोकप्रिय अ‍ॅक्शन हिरो आहेत. त्यांनी अनेक सिनेमात काम केलं आहे. कमांडो आणि बिल्ला हे त्यांचे सिनेमे विशेष गाजलेले आहेत.