समोरच दुर्घटना घडली, ऊर्वशी रौतेलाला दरदरून घाम फुटला, केक कापणार तोच आग भडकली अन्…

जयपूर : बॉलिवूडची बोल्ड आणि बिनधास्त अभिनेत्री ऊर्वशी रौतेला समोर एक मोठी दुर्घटना होता होता टळली आहे. ऊर्वशीने तिच्या चाहत्यांसोबत सेल्फी घेतला. पोझ दिल्या. त्यानंतर केक कापण्यास घेतला तेव्हा आगीचा भडका उडाला. बाजूलाच असलेल्या एका तरुणीच्या चेहऱ्यापर्यंत ही आग गेली. नशीब बलवत्तर म्हणून ही मुलगी बचावली. आगीच्या भक्ष्यस्थानी पडली असती तर होत्याचं नव्हतं झालं असतं. मात्र, सुदैवाने कोणतीही मोठी दुर्घटना घडली नाही. मात्र, या प्रकारामुळे काही वेळ सर्वच घाबरून गेले होते. सर्वांचीच धावपळ उडाली होती. स्वत: ऊर्वशीलाही दरदरून घाम फुटला होता.

ऊर्वशी रौतेला नुकतीच जयपूरला आली होती. एका फॅशन आणि ग्लॅमर अकादमीच्या लॉन्चसाठी ती जयपूरला आली होती. ऊर्वशी येणार म्हटल्यावर तिला पाहण्यासाठी तिच्या चाहत्यांची एकच झुंबड उडाली होती. यावेळी ऊर्वशीने चाहत्यांसोबत सेल्फी काढले. तिने फोटोग्राफरला पोझही दिल्या. ऊर्वशी सोबत फोटो काढण्यासाठी चाहत्यांमध्ये धक्काबुक्कीही झाली. पण तरीही ऊर्वशीने त्यांना निराश केलं नाही. जमेल तेवढ्या फॅनसोबत तिने फोटो काढले.

ऊर्वशीही घाबरली

ऊर्वशी रौतेलाने फॅन्स सोबत फोटो काढले. त्यानंतर ऊर्वशी सर्वांसोबत केक कापत होती. तिच्या भोवती चाहत्यांचा गराडा पडला होता. त्यावेळी मेणबत्ती लावत असताना आग भडकली. बाजूलाच असलेल्या एका मुलीच्या चेहऱ्यापर्यंत ही आगीची झळ गेली. त्यामुळे या तरुणीचे केस जळाले. नशीब बलवत्तर म्हणून तिचा चेहरा भाजला नाही. तिच्या कपड्यानेही पेट घेतला नाही. त्यामुळे मोठी दुर्घटना टळली. या तरुणीचे केस जळाल्याने ऊर्वशीही घाबरली. या तरुणीला तात्काळ रुग्णालयात नेण्यात आले. या तरुणीला रुग्णालयात नेल्यानंतर ऊर्वशीने तिला फोन केला. तिच्या प्रकृतीची विचारपूसही केली.

ऊर्वशीच्या पर्सनल लाईफबाबत अनेक चर्चा होतात. क्रिकेटपटू ऋषभ पंतसोबत तिचं नाव जोडलं गेलंय. दोघेही एकमेकांना डेट करत आहेत. मात्र, दोघांकडून त्याबाबत कोणतंही अधिकृत भाष्य केलं गेलं नाहीये. दोघांमध्ये मैत्री आहे की रिलेशनशीप यावर या दोघांनीही भाष्य केलेलं नाही. काही दिवसांपूर्वी ऋषभ पंतचा अपघात झाला होता. त्यावेळी ऊर्वशी चर्चेत आली होती. ऋषभ पंत मुंबईत रुग्णालयात उपचार घेत होता. त्यावेळी त्याला भेटण्यासाठी ऊर्वशीची आई गेली होती. तसेच ऋषभ बरा व्हावा म्हणून संपूर्ण कुटुंब प्रार्थना करत असल्याचं ऊर्वशीने म्हटलं होतं. त्यामुळे तिच्या ऋषभ बरोबरच्या अफेअरची चर्चा सुरू झाली होती.

ऊर्वशी लवकरच हॉलिवूडमध्ये पदार्पण करणार आहे. ऊर्वशी 365 डेजचे स्टार Michele Morrone यांच्यासोबत दिसणार आहे. या शिवाय इन्स्पेक्टर अविनाश या सिनेमात ती रणदीप हुडा सोबत काम करणार आहे. ब्लॅक रोज या सिनेमातही ती काम करणार आहे. साऊथच्या Thiruttu Payale 2 च्या हिंदी रिमेकमध्येही ती दिसणार आहे. तिच्या या सिनेमाची तिचे चाहते आतूरतेने वाट पाहत आहेत.