Video: मांत्रिकाने मृतदेहच फाडून खाल्ला, ‘चरक’चा अंगावर काटा आणणारा टीझर चर्चेत!
Charak Movie Teaser: सध्या सोशल मीडियावर चरक चित्रपटाचा टीझर प्रचंड चर्चेत आहे. या टीझरमध्ये दाखवण्यात आलेली दृश्ये अक्षरश: थरकाप उडवणारी आहेत. जर तुम्ही हळव्या मनाचे असाल तर हा टीझर पाहताना दहा वेळा विचार करा...
आजकाल प्रेक्षकांना चित्रपटांमध्ये सत्य कथा, हॉरर कॉमेडी अशा प्रकारचे चित्रपट पाहायला आवडतात. पण, सध्या सोशल मीडियावर चर्चेत असणाऱ्या एका चित्रपटाचा टीझर पाहून तुमची झोपच उडेल. या टीझरमध्ये एक तांत्रिक चक्क मृचदेह फाडून खाताना दिसत आहे. जर तुम्ही हळव्या मनाचे असाल तर हा टीझर पाहू नका. कारण या टीझरमध्ये दाखवलेली दृश्ये ही थरकाप उडवणारी आहेत.
‘द केरळा स्टोरी‘ आणि ‘बस्तर: द नक्सल स्टोरी’ सारख्या चर्चित चित्रपटांचे दिग्दर्शक सुदीप्तो सेन यांचा ‘चरक – आस्था का मेला’ (Charak: Fair of Faith) हा नवा चित्रपट प्रेक्षकांच्या भेटीला येणार आहे. या चित्रपटाचा टीझर नुकताच प्रदर्शित करण्यात आला आहे. हा अवघ्या 52 सेकंदाचा टीझर अंधश्रद्धा, तांत्रिक विधी आणि अंधभक्तीच्या काळ्या बाजूचे भयानक चित्रण आहे. विशेषतः एका दृश्यात तांत्रिक व्यक्ती मृतदेह फाडून खाताना दाखवण्यात आले आहे, ज्यामुळे प्रेक्षकांच्या अंगावर काटा उभा राहतोय.
अंधश्रद्धा आणि तांत्रिक प्रथांच्या काळ्या बाजूवर भाष्य
चित्रपटाची कथा मुख्यतः भारतातील ग्रामीण भागात रुजलेल्या अंधश्रद्धा आणि तांत्रिक परंपरांभोवती फिरते. रहस्यमय ‘चरक मेळा’ (Charak Mela) च्या पार्श्वभूमीवर उभी राहिलेली ही गोष्ट एका समुदायाची आहे, जिथे हा उत्सव अपूर्ण इच्छा पूर्ण करण्याची शेवटची संधी मानला जातो. मेळ्यातील विधी, आस्था आणि उन्माद वाढत जातो तसतसे विश्वास, बळी आणि भक्तीशी निगडित अनेक अस्वस्थ प्रश्न प्रेक्षकांसमोर येतात.
टीझरमधील सर्वाधिक चर्चेत असलेला संवाद आहे: “चरक में लाशों की भेंट क्यों चढ़ाते हैं?” याचे उत्तर आणखी धक्कादायक आहे. या दृश्यात तांत्रिकाचे भयावह रूप दाखवण्यात आले आहे, ज्याने टीझर पाहणाऱ्यांना हादरवून टाकले आहे. चित्रपट अंधश्रद्धा आणि विकृत अध्यात्मावर कठोर टिप्पणी करणार असल्याचे स्पष्ट दिसते. हा चित्रपट ६ मार्च २०२६ रोजी थिएटरमध्ये प्रदर्शित होणार आहे.
कोणते कलाकार दिसणार?
‘चरक: आस्था का मेला’ या चित्रपटात अंजली पाटील, सुब्रत दत्ता, नलनीश नील, शशिभूषण, शंखदीप आणि शौनक श्यामल यांसारखे कलाकार महत्त्वाच्या भूमिकेत दिसणार आहेत. एकंदरीत चित्रपटाचा टीझर पाहाता प्रेक्षकांमध्ये चित्रपटाबाबत उत्सुकता शिगेला पोहोचली आहे.
