Dharmendra | ‘सर्व तरुण अभिनेते माझ्या मुलासारखे पण सलमान..’; धर्मेंद्र हे काय बोलून गेले?

मुंबई | 6 सप्टेंबर 2023 : धर्मेंद्र हे बॉलिवूडमधील असे स्टार आहेत ज्यांनी आपल्या दमदार अभिनयाने जगभरातील प्रेक्षकांच्या मनात कायमचं स्थान निर्माण केलं. 1975 मध्ये प्रदर्शित झालेल्या ‘शोले’ हा त्यांचा एव्हरग्रीन ब्लॉकबस्टर चित्रपट ठरला आणि वयाची 85 ओलांडल्यानंतर आजसुद्धा ते प्रेक्षकांचं मनोरंजन करत आहेत. त्याचप्रमाणे बॉलिवूडचा भाईजान अर्थात अभिनेता सलमान खानचाही जगभरात मोठा चाहतावर्ग आहे. नुकतंच ‘गदर 2’च्या सक्सेस पार्टीमध्ये या दोन मोठ्या कलाकारांना एकाच फ्रेममध्ये पाहिलं गेलं. अनिल शर्मा दिग्दर्शित ‘गदर 2’ या चित्रपटाने बॉक्स ऑफिसवर दमदार कामगिरी केली. यानिमित्त शनिवारी मुंबईत एका मोठ्या पार्टीचं आयोजन करण्यात आलं होतं. या पार्टीमधील धर्मेंद्र आणि सलमान खान यांचा फोटो सोशल मीडियावर तुफान व्हायरल झाला.

धर्मेंद्र यांची जुनी मुलाखत चर्चेत

सलमान खान आणि धर्मेंद्र यांचा फोटो सोशल मीडियावर व्हायरल होताच धर्मेंद्र यांचा एक जुना व्हिडिओसुद्धा पुन्हा एकदा चर्चेत येऊ लागला. हा व्हिडिओ सलमान खानच्या एका कार्यक्रमाचा आहे. ज्यामध्ये धर्मेंद्र आणि सनी देओल हे प्रमुख पाहुणे म्हणून उपस्थित होते. रेडिटवरर हा व्हिडिओ शेअर करण्यात आला आहे. ज्यामध्ये धर्मेंद्र असं म्हणतायत की नव्या पिढीचे सर्व तरुण कलाकार हे त्यांचा मुलगा सनी देओलसारखे आहेत. मात्र सलमान खानचा त्या सर्वांपेक्षा वेगळा आहे.

“तू सर्वांपेक्षा वेगळा..”

याविषयी धर्मेंद्र पुढे म्हणताता, “तसं तर नव्या पिढीचे सर्व हिरो माझ्या मुलासारखे आहेत. मी सर्वांवर खूप प्रेम करतो पण तू त्या सर्वांपेक्षा खूप वेगळा आहेस. तुला पाहून मला माझा 70-80 च्या दशकातील काळ आठवतो. तुझं आणि माझं आयुष्य एकमेकांशी फार मिळतंजुळतं आहे. या बिचाऱ्याने काहीही केलं तरी तो बदनाम होतो. तो कसाही वागला तरी त्याची चर्चा होती. माझंसुद्धा असंच आहे.”

View this post on Instagram

A post shared by Salman Khan Team (@beingsalmankhanteam)

धर्मेंद्र हे सध्या सनी देओलच्या ‘गदर 2’च्या तुफान यशामुळे खुश आहेत. तर दुसरीकडे सलमान खान लवकरच ‘टायगर 3’ या चित्रपटातून प्रेक्षकांच्या भेटीला येणार आहे. येत्या नोव्हेंबर महिन्यात हा चित्रपट प्रदर्शित होणार आहे.