अखेर एल्विश यादव याने केला रेव्ह पार्टीबद्दल मोठा खुलासा, ‘तो’ व्हिडीओ व्हायरल

मुंबई : एल्विश यादव याचे नाव रेव्ह पार्टीमध्ये आल्यापासून चाहत्यांना मोठा धक्का बसल्याचे दिसत आहे. इतकेच नाही तर याप्रकरणात एल्विश यादव याच्यासोबत पाच जणांवर गुन्हा दाखल करण्यात आलाय. यासोबतच काही गंभीर आरोप हे करण्यात आले. नुकताच एल्विश यादव हा बिग बाॅस ओटीटी सीजन २ जिंकला आहे. एल्विश यादव याची सोशल मीडियावर जबरदस्त अशी फॅन फाॅलोइंग ही देखील बघायला मिळते. एल्विश यादव याने नुकताच एक व्हिडीओ सोशल मीडियावर शेअर केलाय.

नोएडामध्ये रेव्ह पार्टीचे आयोजन करण्यात आले. धक्कादायक म्हणजे या पार्टीसाठी थेट विदेशातून मुली बोलावण्यात आल्या. फक्त इतकेच नाही तर थेट येथे 5 कोब्रा आणि विविध प्रजातीच्या सापांचे विष देखील मिळाले आहे. इतर पाच जणांना या प्रकरणात पोलिसांकडून अटकही करण्यात आली. मात्र, अजून एल्विश यादव याला अटक करण्यात नाही आली.

आता नुकताच याबद्दल मोठा खुलासा करताना एल्विश यादव हा दिसला आहे. एल्विश यादव याने शेअर केलेल्या व्हिडीओमध्ये तो म्हणाला की, मी आज सकाळी झोपीमधून उठल्यावर या सर्व धक्कादायक गोष्टी बघितल्या आहेत. मला अटक केली वगैरे. इतकेच नाही तर एल्विश यादव हा ड्रग्जसह पकडला गेला असल्याचे देखील सांगितले जात आहे.

View this post on Instagram

A post shared by Elvish Raosahab (@elvish_yadav)

मी तुम्हाला सांगतो की, अशा गोष्टींमध्ये एक टक्का देखील सत्य नाहीये. माझ्यावर केले गेलेले सर्व आरोप हे चुकीचे आहेत. यामध्ये काढीभरही सत्य नक्कीच नाहीये. मुळात म्हणजे मी पोलिसांना पूर्णपणे सहकार्य करत आहे. मुख्यमंत्री योगी आदित्यनाथ जी आणि पोलिस प्रशासनाला विनंती करतो की, या प्रकरणात माझी एक टक्का देखील चूक असेल तर मी सर्व जबाबदारी घेण्यास तयार आहे.

या व्हिडीओमध्ये एल्विश यादव याने पोलिसांना सहकार्य करत असल्याचे स्पष्ट केलंय. एल्विश यादव याच्या व्हिडीओवरून हे देखील स्पष्ट होतंय की, त्याला अजून पोलिसांकडून अटक करण्यात आली नाहीये. मात्र, एल्विश यादव याच्यावर सतत या प्रकरणात गंभीर आरोप हे होताना दिसत आहेत. आता या प्रकरणात पुढे काय मोठे खुलासे होतात हे पाहण्यासारखे ठरणार आहे.