T20 World cup 2024 : ट्रॉफी घरी येणार.. भारताने फायनलमध्ये धडक मारताच शुभेच्छांचा वर्षाव, अजय देवगण- वरूण धवनसह सेलिब्रिटींच्या पोस्ट व्हायरल
27 जून रोजी भारत विरुद्ध इंग्लंड सेमीफायनलच्या सामन्यावर संपूर्ण देशाच्या नजरा खिळल्या होत्या. भारताने उपांत्य फेरीत इंग्लंडचा 68 धावांनी पराभव करत अंतिम फेरीत धडक मारली. संपूर्ण भारताने हा विजय साजरा केला. अजय देवगण आणि वरुण धवनसह अनेक बॉलिवूड स्टार्सनी सोशल मीडिया पोस्टद्वारे टीम इंडियाचे अभिनंदन केले.
27 जून रोजी ‘कल्की 2898 एडी’ या बहुप्रतिक्षित चित्रपटाने एकीकडेबॉक्स ऑफिसवर धुमाकूळ माजवला असतानाच संपूर्ण देशाच्या नजरा टी-20 विश्वचषक स्पर्धेच्या सेमीफायनलकडे लागल्या होत्या. काल भारताने सेमीफायनलमध्ये इंग्लंडचा 68 धावांनी दणदणीत पराभव केला. या विजयाचा आनंद फक्त टीम इंडियाच्या खेळाडूंच्या चेहऱ्यावर नव्हता, तर संपूर्ण देशाच्या चेहऱ्यावर दिसत होता. सेमीफायनलमध्ये धडाकेबाज विजय मिळवून अंतिम फेरीत धडक मारणाऱ्या टीम इंडियाला प्रत्येकजण शुभेच्छा देत आहे. या बाबतीत बॉलिवूड स्टार्सही मागे कसे राहतील ? अजय देवगण, आयुष्मान खुराना, अभिषेक बच्चन आणि वरुण धवन यांसारख्या बॉलीवूड सेलिब्रिटींनी IND विरुद्ध ENG सेमीफायनल सामन्यानंतर भारतीय क्रिकेट संघाचा जयजयकार करत त्यांचे अभिनंदन केले. सोशल मीडियावर पोस्ट्स शेअर करत या सेलिब्रिटींनी भारतीय संघाचे अभिनंदन तर केलेच पण अंति सामन्यासाठी शुभेच्छाही दिल्या.
अजय देवगणने X (पूर्वीचं ट्विटर) एक खास पोस्ट शेअर केली. “आमचं पुनरागमन झालंय दाखवायची वेळ आली आहे. (भारतीय संघ) इतिहास रचण्यापासून फक्त एक पाऊल दूर आहे ! “ट्रॉफी घरी आणण्याची वेळ आली आहे.” असं ट्विट त्याने केलं.
It’s time to show that our Comeback > Setback 🇮🇳 Only a step away from creating history! Well played boys! Time to bring home the 🏆#IndvsEng2024 #T20IWorldCup pic.twitter.com/4JCfB5AX7N
— Ajay Devgn (@ajaydevgn) June 27, 2024
तर आयुष्मान खुरानानेही भारतीय संघातील खेळाडूंचं कौतुक करत फायनलमध्ये पोहोचण्याचा त्यांना खरा हक्क आहे, असे म्हटले. ‘ भारताने उत्तम खेळ केला ! रोहित, स्काय, कुलदीप, अक्षर, बुमराह, यांच्यासंह सर्वांनीच उत्तम खेळ केला. ‘ असे म्हणत त्याने सर्वांचे कौतुक केले.
Well played India! 🇮🇳 Whatta clinical and dominating self assured performance by this bunch, esp Rohit, SKY, Kuldeep, Axar, Bumrah. Well deserved finalists! You got this guys! 🏆 💪🩵
— Ayushmann Khurrana (@ayushmannk) June 27, 2024
अभिनेता अभिषेक बच्चन यानेही ट्विटर पोस्ट शेअर करत विजयापासून अवघं एक पाऊल दूर.. ! कम ऑन इंडिया ! ऑल द बेस्ट फॉर T20 world cup finals ! असा मेसेज लिहीला आहे.
Just one more step away from glory! Come on Team India!! All the best for the #T20WorldCup finals! 💪🏽🇮🇳 pic.twitter.com/nfUlW7DXRL
— Abhishek 𝐁𝐚𝐜𝐡𝐜𝐡𝐚𝐧 (@juniorbachchan) June 27, 2024
वरुण धवन आणि विक्रांत मेस्सीनेही टीम इंडियाचा कौतुक केले. वरुणने त्याच्या इंस्टाग्राम स्टोरीवर मेन इन ब्लूचा फोटो पोस्ट केला. तसेच त्याने टी-20 विश्वचषकाच्या सेमीफायनलमधील भारताच्या विजयाबद्दल अभिनंदन केले.
12th Fail मुळे चर्चेत आलेला नामवंत अभिनेता विक्रांत मेस्सीनेही दोन फोटो शेअर केले आहेत. पहिल्या फोटोत त्याने सूर्य कुमार यादव दिसतोय आणि “स्काय इज द लिमिट.” असं लिहीलं आहे. तर दुसरा फोटो रोहित शर्माचा असून त्यावर “बॉस” असं लिहीण्यात आलं आहे.
