‘मराठी असल्याची थोडी लाज बाळग’, अंकिता लोखंडेची गुढी पाहून नेटकऱ्यांनी व्यक्त केला संताप

‘पवित्र रिश्ता’ या मालिकेत अंकिताने दिवंगत अभिनेता सुशांत सिंह राजपूतसोबत भूमिका साकारली होती. याच मालिकेच्या सेटवर दोघं एकमेकांच्या प्रेमात पडले होते. जवळपास सहा वर्षे एकमेकांना डेट केल्यानंतर 2016 मध्ये त्यांचं ब्रेकअप झालं.

'मराठी असल्याची थोडी लाज बाळग', अंकिता लोखंडेची गुढी पाहून नेटकऱ्यांनी व्यक्त केला संताप
Ankita Lokhande Image Credit source: Instagram
Follow us
| Updated on: Mar 23, 2023 | 8:04 AM

मुंबई : राज्यात बुधवारी अत्यंत उत्साहात गुढीपाडवा साजरा करण्यात आला. गुढीपाडव्यानिमित्त काढण्यात आलेल्या शोभायात्रांनी अवघी मुंबई दुमदुमली. हाच अमाप उत्साह सोशल मीडियावरही पाहायला मिळाला. सर्वसामान्यांसोबतच सेलिब्रिटींनीही गुढीपाडवा साजरा करतानाचा आणि गुढी उभारतानाचा फोटो, व्हिडिओ सोशल मीडियावर शेअर केला. ‘पवित्र रिश्ता’ या मालिकेतून घराघरात पोहोचलेली अभिनेत्री अंकिता लोखंडेनंही पती विकी जैनसोबत मिळून तिच्या घरात गुढी उभारली. गुढी उभारतानाचा व्हिडिओ तिने तिच्या इंस्टाग्राम अकाऊंटवर पोस्ट केला. मात्र हा व्हिडिओ पाहिल्यानंतर नेटकऱ्यांनी तीव्र संताप व्यक्त केला.

गुढीपाडवानिमित्त अंकिताने हिरव्या रंगाची साडी नेसली होती. तर विकीने कुर्ता पायजमा परिधान केला होता. पारंपरिक पोशाखात या दाम्पत्याने गुढीची पूजा केली. मात्र यावेळी अंकिताची एक चूक नेटकऱ्यांनी हेरली आणि त्यावरून तिला ट्रोल करण्यास सुरुवात केली.

हे सुद्धा वाचा

अंकिताने उभारलेल्या गुढीवर कलश नसल्याने नेटकऱ्यांनी राग व्यक्त केला. ‘मराठी असल्याची थोडी लाज बाळग. गुढी उभारता येत नसेल तर दिखाव्यासाठी उभारू नकोस. तुझ्या लहानपणी आई – वडिलांनी अशीच गुढी उभारली होती का,’ असा संतप्त सवाल एकाने केला. तर ‘गुढीला वर तांब्या का नाही लावला? माहीत नसलेल्या पद्धती निव्वळ फोटोसाठी का करतात,’ असं दुसऱ्या युजरने लिहिलं. ‘कलश तर नाहीच आणि घरात कोण गुढी उभारतं? काहीही पद्धती पडायच्या,’ अशी टीका नेटकऱ्यांनी केली. गुढीला कलश असतो एवढं पण माहीत नसेल तर कसली मराठी तू, अशा शब्दांत काहींनी राग व्यक्त केला.

पहा व्हिडीओ

अंकिता सध्या कोणत्याही मालिकेत किंवा चित्रपटात झळकत नसली तरी सोशल मीडियावर ती नेहमीच सक्रिय असते. चाहत्यांसोबत ती फोटो आणि व्हिडीओ शेअर करते. इन्स्टाग्रामवर तिचा मोठा चाहतावर्ग आहे. काही दिवसांपूर्वी दिलेल्या एका मुलाखतीत तिने काम मिळत नसल्याचं म्हटलं होतं. “मणिकर्णिका या चित्रपटानंतर माझ्या हातात कोणतीच तलवार आली नाही आणि खरं सांगायचं झालं तर माझा इंडस्ट्रीत कोणी गॉडफादर नाही. मी प्रतिभावान आहे, हे मला माहीत आहे. पण तिथपर्यंत पोहोचण्यासाठी माझा कोणी गॉडफादर नाही”, असं ती म्हणाली होती.

‘पवित्र रिश्ता’ या मालिकेत अंकिताने दिवंगत अभिनेता सुशांत सिंह राजपूतसोबत भूमिका साकारली होती. याच मालिकेच्या सेटवर दोघं एकमेकांच्या प्रेमात पडले होते. जवळपास सहा वर्षे एकमेकांना डेट केल्यानंतर 2016 मध्ये त्यांचं ब्रेकअप झालं. त्यानंतर अंकिता व्यावसायिक विक्की जैनला डेट करू लागली.  2021 मध्ये अंकिता आणि विक्कीने लग्नगाठ बांधली.

Non Stop LIVE Update
महायुतीत जागा वाटपावरून तिढा कायम, कुठं अंतर्गत रस्सीखेच तर पेच कायम?
महायुतीत जागा वाटपावरून तिढा कायम, कुठं अंतर्गत रस्सीखेच तर पेच कायम?.
भाजपवरून शिंदे गटात अंतर्गत नाराजी,अनेक मतदारसंघ भाजपने स्वतःकडे खेचले
भाजपवरून शिंदे गटात अंतर्गत नाराजी,अनेक मतदारसंघ भाजपने स्वतःकडे खेचले.
शिवसेनेत गोविंदाची एन्ट्री अन् दादांचं 15 दिवसांपूर्वी वक्तव्य चर्चेत
शिवसेनेत गोविंदाची एन्ट्री अन् दादांचं 15 दिवसांपूर्वी वक्तव्य चर्चेत.
तर भाजपात पहिली उडी मारणारे सुनील तटकरे असतील रोहित पवार यांची टीका
तर भाजपात पहिली उडी मारणारे सुनील तटकरे असतील रोहित पवार यांची टीका.
शिवसेनेची पहिली यादी जाहीर, सात विद्यमान खासदारांना पुन्हा संधी
शिवसेनेची पहिली यादी जाहीर, सात विद्यमान खासदारांना पुन्हा संधी.
एका जागेसाठी कॉंग्रेसला देशाचे पंतप्रधान पद घालवायचं का ? - संजय राऊत
एका जागेसाठी कॉंग्रेसला देशाचे पंतप्रधान पद घालवायचं का ? - संजय राऊत.
आनंद दिघेंचा शिष्य यंदा मारणार हॅट्रीक, केदार दिघे यांचा विश्वास
आनंद दिघेंचा शिष्य यंदा मारणार हॅट्रीक, केदार दिघे यांचा विश्वास.
ओवेसी आणि इम्तियाझ यांनी चष्म्याचे नंबर बदलावे -केंद्रीय मंत्री भागवत
ओवेसी आणि इम्तियाझ यांनी चष्म्याचे नंबर बदलावे -केंद्रीय मंत्री भागवत.
लवकरच बरा होऊन... दिलीप वळसे पाटील यांचं दुखापतीनंतर पहिलं टि्वट काय?
लवकरच बरा होऊन... दिलीप वळसे पाटील यांचं दुखापतीनंतर पहिलं टि्वट काय?.
शिवसेनेत पक्ष प्रवेश करताच गोविंदाला हवी 'ही' जबाबदारी, शिंदे देणार?
शिवसेनेत पक्ष प्रवेश करताच गोविंदाला हवी 'ही' जबाबदारी, शिंदे देणार?.