2025 या वर्षाने मला आयुष्याचे मोठे धडे दिले..; सरत्या वर्षाबद्दल काय म्हणाली केतकी कुलकर्णी?

झी मराठी वाहिनीवरील ‘कमळी’ या मालिकेतील अनिका म्हणून प्रेक्षकांच्या भेटीला आलेली केतकी कुलकर्णी हिने 2025 हे वर्ष तिच्यासाठी कसं होतं, याबद्दल सांगितलं आहे. केतकी म्हणते की 2025 हे वर्ष तिच्यासाठी खूपच मिश्र अनुभवांचं होतं. “जानेवारी ते जुलै या काळात मी एक वेगळी व्यक्ती होते आणि जुलै ते डिसेंबरमध्ये मी पूर्णपणे बदलले. सध्या मी जी आहे ती व्यक्ती मला जास्त आवडते. 2025 मी अनेक शिकवणींसह संपवत आहे. अशा शिकवण्या ज्या मी आयुष्यभर सोबत ठेवणार आहे,” असं ती म्हणाली.

याविषयी ती पुढे सांगते, “काही गोष्टींसाठी ती खूप कृतज्ञ आहे, तर काही कठीण धडे आयुष्य कसं जगायचं, प्रत्येक क्षण कसा एंजॉय करायचा, हे शिकवणारे होते. 2025 या वर्षाने मला शिकवलं की काही गोष्टी सोडून द्यायला हव्यात आणि फार जास्त अटॅचमेंट ठेवू नये. देवावर विश्वास ठेवावा आणि सगळं काही एका कारणासाठीच घडतं, हे मान्य करावं. माझ्यासाठी 2025 मधला सगळ्यात मोठा धडा हाच आहे.”

ती म्हणते, “कुठल्याही गोष्टीसाठी जास्त काळ दुःखी राहण्यापेक्षा आयुष्यातल्या चांगल्या गोष्टींवर लक्ष केंद्रीत करायला हवं. हा धडा मला आयुष्यात पुढे जाण्यासाठी खूप महत्त्वाचा आहे. 2025 मधली माझी सगळ्यात सुंदर आठवण म्हणजे कमळी या मालिकेसाठी झी मराठीसोबत काम करणं आणि अनिका ही भूमिका साकारणं.” या वर्षात काही इच्छा पूर्ण न झाल्याचंही ती प्रामाणिकपणे मान्य करते. “मला इंस्टाग्रामवर एक मिलियन फॉलोअर्स हवेत, ही थोडीशी वेगळी इच्छा होती, पण ती अजून पूर्ण झाली नाही. तसंच मला खूप प्रवास करायचा होता, परदेशातही जायचं होतं, पण ते शक्य झालं नाही. आता आशा आहे की 2026 मध्ये या सगळ्या इच्छा पूर्ण होतील. माझ्या आयुष्यातले सगळ्यात मोठे धडे शिकवल्याबद्दल 2025 ला धन्यवाद.”

View this post on Instagram

A post shared by Ketaki Kulkarni (@ketakikulkarnii)

“मला मी कोण आहे हे ओळखायला शिकवलंस. नवीन गोष्टी शिकण्याची आणि नवीन गोष्टी मिळवण्याची संधी दिलीस. स्वीकारायला, पुढे जायला, संधी ओळखायला आणि प्रत्येक क्षण जगायला शिकवलंस म्हणून थँक यू. नववर्षाचं सेलिब्रेशन मी आपल्या जवळच्या लोकांसोबत करणार असून, मला सगळ्यात आवडणारी गोष्ट म्हणजे डान्स करत सेलिब्रेट करून वर्षाचा शेवट करणार आहे,” असं तिने पुढे सांगितलं.

“2025 हे शिकवणीचं वर्ष होतं आणि 2026 मध्ये त्या शिकवण्या वापरण्याचा माझा प्रयत्न असेल. प्रवास करायचा आहे, आरोग्यावर जास्त लक्ष द्यायचं आहे. किमान बेसिक वर्कआऊट तरी नियमित करणं, सोशल मीडिया अकाउंटवर काम करून जे मागच्या वर्षी राहून गेलं ध्येय साध्य करायचं आहे. तसंच माझ्या चाहत्यांशी जास्त कनेक्ट होऊन त्यांना काय पाहायला आवडेल माझ्या सोशल मीडिया अकाउंटवर तेही जाणून घ्यायचं आहे,असे केतकीने सांगितले. तुम्हाला येणारं नवीन वर्ष सुखाचे आणि भरभराटीचे जावो,” अशा शुभेच्छा तिने चाहत्यांना दिल्या आहेत.