Year Ender 2025

2025 हे वर्ष असंख्य घटना घडामोडींचं राहिलेलं आहे. आता या वर्षाच्या शेवटच्या महिन्यात आपण आलो आहोत. 1 जानेवारी 2026 पासून नव्या वर्षाला सुरुवात होणार आहे. प्रत्येकाच्या आयुष्यातील नव्या पर्वाला सुरुवात होणार आहे. असंख्य राष्ट्रांसाठी हे वर्ष आर्थिक संकट आणि आर्थिक प्रगतीचं असणार आहे. जुन्या वर्षातील कटू घटना घडामोडींना मागे टाकून पुढे जाण्याचं हे वर्ष आहे. गेल्या वर्षी 2025मध्ये देश, राज्य आणि आंतरराष्ट्रीय पातळीवर असंख्य घटना घडल्या. भारतात एकीकडे अर्ध्याहून अधिक नक्षलवादी चळवळीचा बिमोड झाला तर दुसरीकडे दहशतवाद्यांनी डोकं वर काढलं. दिल्लीत झालेल्या स्फोटात असंख्य निष्पापांना प्राण गमवावे लागले. आर्थिक स्तरावर भारताची प्रगती उंचावलेली राहिली. तर बॉलिवूडसाठी 2025 वर्ष जसं चांगलं गेलं, तसं दु:खाचंही ठरलं. प्रसिद्ध ही-मॅन अभिनेता धर्मेंद्र, पंकज धीर, असरानी, प्रसिद्ध अभिनेत्री संध्या यांच्या दु:खद निधनाच्या बातमीने बॉलिवूड हेलावून गेले. याशिवाय आणखीही राजकीय घटनांनी सरतं वर्ष भरलेलं होतं. त्याची माहितीही तुम्हाला देणार आहोत. मनोरंजन विश्वात 2025मध्ये काय घडलं? कुठला सिनेमा सर्वाधिक चालला? कुठल्या अभिनेत्याचा बोलबाला होता? कुठला सिनेमा फ्लॉप झाला? ओटीटीच्या जगतात, टीव्ही-सीरिअलच्या जगतात आणि मराठी सिनेसृष्टीत काय घडलं याची बित्तंबामतीही तुम्हाला पुन्हा एकदा सांगणार आहोत. 2025 हे वर्ष क्रीडा क्षेत्रासाठीही महत्त्वाचं ठरलं. क्रीडा क्षेत्राशी संबंधित बातम्याही तुम्हाला सांगणार आहोत. तसेच सरत्या वर्षात कोणते फोन लॉन्च झाले, कोणत्या नव्या गाड्या बाजारात आल्या या सर्वांचा वर्षभराचा लेखाजोखाच तुम्हाला पुन्हा वाचायला मिळणार आहे.