करिश्मा कपूरची खरी ओळख काय? अनेक वर्षांनंतर अभिनेत्रीचा मोठा खुलासा

अभिनेत्री करिश्मा कपूर कायम तिच्या खासगी आयुष्यामुळे चर्चेत असते. पण करिश्मा अनेक वर्षांनंतर पुन्हा अभिनय क्षेत्रात पदार्पण केल्यामुळे सर्वत्र अभिनेत्रीचं कौतुक होत आहे. करिना हिने ‘मर्डर मुबारक’ सिनेमातून अभिनय विश्वात पुन्हा पदार्पण केलं आहे. सिनेमा 15 मार्चे 2024 रोजी प्रदर्शित झाला आहे. अभिनेत्रीने सिनेमाचं प्रदर्शन देखील दमदार केलं. मुलाखतींच्या माध्यमातून करिश्माने स्वतःबद्दल अशा अनेक गोष्टी सांगितल्या ज्या फार कमा लोकांना माहिती आहेत… नुकताच झालेल्या एका मुलाखतीत करिश्मा हिने तिच्या नावाचा अर्थ आणि उच्चाराबद्दल मोठा खुलासा केला आहे. सध्या सर्वत्र फक्त आणि फक्त करिश्मा कपूर हिची चर्चा रंगली आहे.

करिश्मा कपूर स्वतःच्या नावाची ओळख करून देत म्हणाली, माझ्या नावाचं उच्चारण करिज्मा (chaarisma) असं आहे. करिश्मा नाही. गेल्या अनेक वर्षांपासून माला करिश्मा कपूर म्हणून हाक मारली जाते. पण माझं खरं नाव करिज्मा असं आहे. अभिनेत्रीने स्वतःच्या नावाबद्दल खुलासा जाणून अभिनेते पंकज त्रिपाठी देखील थक्क झाले. ते म्हणाले, ‘मला माहितीच नव्हतं… मी आजपर्यंत तिला करिश्मा करिश्मा असंच म्हणतो…

पुढे अभिनेत्री म्हणाली, ‘माझं नातं ब्रिटींशांसोबत देखील आहे… माझ्या आजी नाव बारबरा होतं आणि ती ब्रिटीश महिला होती. म्हणून मी आणि करीना लहानपणापासून आजीसोबत पबमध्ये जायचो…’ सध्या सर्वत्र करिश्मा कपूर हिची चर्चा रंगली आहे. चाहेत देखील अभिनेत्रीच्या खासगी आयुष्याबद्दल जाणून घेण्यासाठी उत्सुक असतात.

सांगायचं झालं तर, करिश्मा कपूर हिने 90 च्या दशकात अनेक सिनेमांमध्ये महत्त्वाची भूमिका साकारत चाहत्यांचं मनोरंजन केलं. आता अभिनेत्री बॉलिवूडमध्ये सक्रिय नसली तरी, सोशल मीडियावर कायम सक्रिय असते. सोशल मीडियावर अभिनेत्रीच्या चाहत्यांची संख्या देखील फार मोठी आहे. चाहत्यांच्या संपर्कात राहण्यासाठी अभिनेत्री कायम स्वतःचे फोटो आणि व्हिडीओ सोशल मीडियावर पोस्ट करत असते.

करिश्मा कपूर हिचं लग्न उद्योजक संजय कपूर याच्यासोबत झालं होते. पण दोघांचं लग्न फार वर्ष टिकलं नाही. दोन मुलांच्या जन्मानंतर देखील करिश्मा – संजय यांच्यातील वाद कमी झाले नाहीत. घटस्फोटानंतर संजय याने दुसरा संसार थाटला तर, करिश्माने कधीच दुसऱ्या लग्नाचा विचार केला नाही. करिश्मा आता ‘सिंगल मदर’ म्हणून दोन मुलांचा सांभाळ करत आहे.