70 वर्षे जुनं गाणं आजपण तितकचं हिट; ऐकताच घाबरलेले नवरदेव! किशोक कुमारांनी आधीच दिलेली वॉर्निंग

बॉलीवूडचे दिग्गज गायक किशोर कुमार हे केवळ त्यांच्या दमदार आवाजासाठीच नव्हे, तर त्यांच्या अभिनयासाठीही ओळखले जातात. किशोर कुमार यांच्या अष्टपैलू अभिनयाने चाहते निःसंशयपणे मोहित झाले आहेत. आपल्या संपूर्ण कारकिर्दीत, किशोर यांनी असंख्य सुपरहिट चित्रपट आणि अजरामर गाणी दिली आहेत. चित्रपटसृष्टी किशोर कुमार यांच्या गोष्टींनी भरलेली आहे. याच काळात किशोर कुमार यांनी एक गाणं गायले होते जो ऐकून नवरदेव आजही घाबरत आहे. 1956 मध्ये प्रदर्शित झालेल्या ‘परिवार’ या क्लासिक चित्रपटातील ते गाणं आहे. किशोर कुमार यांनी केवळ या चित्रपटात अभिनयच केला नाही, तर त्यातील सर्व गाण्यांना आपला आवाजही दिला. आपण ज्या गाण्याबद्दल बोलत आहोत ते आहे “कुवे में कूद के मर जाना, यार तुम शादी मत करना.” या गाण्यात, किशोर कुमार यांनी नवरदेव आणि अविवाहित तरुणांना इशारा दिला होता की, विहिरीत बुडून मरावे लागले तरी ते कोणत्याही परिस्थितीत लग्न करणार नाहीत.

या गाण्यातून लग्नानंतर येणाऱ्या अडचणीही समोर आल्या. त्या काळात या गाण्याचा लोकांवर खूप मोठा प्रभाव पडला होता. 1956 मध्ये जेव्हा हे गाणे प्रदर्शित झाले, तेव्हा मित्रमंडळी नवरदेवाला चिडवण्यासाठी आणि गंमत म्हणून अनेकदा त्यांच्या लग्नात हे गाणे गायची. आजही लग्नसमारंभात हे गाणे अनेकदा ऐकू येते. त्या काळात हे गाणे प्रचंड गाजले होते.

“कुवे में कूद के मर जाना, यार तुम शादी मत करना” (हे मजेशीर गाणे संगीतकार सलील चौधरी यांनी संगीतबद्ध केले होते). किशोर कुमार यांनी या प्रसिद्ध गाण्याला पुरुष आणि महिला या दोवन्ही आवाजात 21 वेगवेगळे प्रकार दिले. “कुवे में कूद के मर जाना, यार तुम शादी मत करना” या 8 मिनिटांपेक्षा जास्त लांबीच्या गाण्यात, किशोर कुमार यांनी वेगवेगळी पात्रे आणि भावना व्यक्त करण्यासाठी 21 वेळा (किंवा अधिक) आपला आवाज बदलला. आता ही गाणं चर्चेत आहे.