Kriti Sanon : माझा ब्लाऊज 6 लोकांच्या..; अखेर क्रिती सनॉनने सांगितली चीड आणणारी गोष्ट

Kriti Sanon : रक्षाबंधन दरम्यान अभिनेत्री कृती सनॉन हिची एक जाहिरात वादाच्या भोवऱ्यात अडकलेली. जाहिरातीत कृती हिने घातलेल्या कपड्यांचा वाद इतक्या टोकाला गेला की, कंपनी ती जाहिरात सर्व सोशल मीडिया प्लॅटफॉर्मवरुन हटवावी लागली. त्या एका जाहिरातीमुळे कृती हिला अनेकांनी ट्रोल केलं. आता खुद्द कृती हिने यावर मोठं वक्तव्य केलं आहे. सध्या सर्वत्र फक्त आणि फक्त कृती हिची चर्चा रंगली आहे. सांगायचं झालं तर, कृती हिने अभिनेत्री करीना कपूर हिच्या ‘व्हाट वीमेन वॉन्ट’ शोमध्ये उपस्थित राहून यावर स्वतःचं स्पष्ट मत व्यक्त केलं आहे.

सांगायचं झालं तर, रक्षाबंधनच्या मुहूर्तावर तयार करण्यात आलेल्या जाहिरातीत कृतीने जे कपडे घातलेले, त्यामुळे वाद निर्माण झाला. भारतीय संस्कृतीत सण असताना असे कपडे कोण घालतं आणि भावाला राखी बांधनाता असे कपडे कोण घालतं? असं म्हणत अनेकांना कृती हिला ट्रोल केलं. यावर आता कृती हिने सडेतोड उत्तर दिल आहे.

‘व्हाट वीमेन वॉन्ट’ शोमध्ये करीना हिच्यासोबत बोलत असताना, कृती हिने जाहिरातीच्या मुद्द्यावर अधिक जोर दिला. यावर कृती म्हणाली, ‘मला विश्वास देखील होत नाही की, माझा ब्लाऊज प्राईम टाईमवर 6 लोकांच्या पॅनल चर्चेचा विषय ठरलेला…’, असं कृती थेटच म्हणाली. सांगायचं झालं तर, रक्षाबंधनानिमित्त रिलीज झालेल्या झिवाच्या या जाहिरातीमध्ये कृती इंडो-वेस्टर्न लूकमध्ये दिसून आली होती.

जाहिरातीमध्ये ती आपल्या भावाला आणि पाळीव कुत्र्याला राखी बांधून सण साजरा करताना दिसत होती. मात्र, जाहिरात समोर येताच सोशल मीडियावर लोकांमध्ये चर्चा सुरू झाली आणि अनेकांनी अभिनेत्रीला ट्रोल केलं. काही लोकांनी अभिनेत्रीच्या कपड्यांना ट्रोल करत सांगितलं की, सणांच्या दिवशी असे कपडे कोण घालतं. तर अनेकांना अभिनेत्रीचं आणि तिच्या कपड्यांचं समर्थन केलं.

एवढंच नाही तर, पाळीव कुत्र्याला राखी बांधणे आणि पारंपारिक रितीरिवाजांच्या कथित कमतरतेवरूनही टीका झाली होती. कृती सनॉनने सोशल मीडियावर या संपूर्ण वादावर आपली प्रतिक्रिया दिली होती. तिने म्हटले होते की, एखादी महिला काय घालते आणि काय नाही, हा चर्चेचा विषय बनू नये. हा तिचा वैयक्तिक निर्णय आहे.

कृती हिच्याबद्दल सांगायचं झालं तर, नुकताच अभिनेत्री ‘कॉकटेल 2’ सिनेमाच्या माध्यमातून चाहत्यांच्या भेटील आली. अभिनेत्री सोशल मीडियावर देखील कायम सक्रिय असते. चाहत्यांच्या संपर्कात राहण्यासाठी कृती कायम स्वतःचे फोटो आणि व्हिडीओ सोशल मीडियावर पोस्ट करत असते. चाहते देखील कृतीच्या प्रत्येक पोस्टवर लाईक्स आणि कमेंटचा वर्षाव करत असतात.