Sushmita Sen : ललित मोदी आणि सुष्मिता सेन यांचं लग्न?, मालदीवमध्ये पार पडला विवाह सोहळा?
आयपीएल किंग ललीत मोदी आणि अभिनेत्री सुष्मिता सेन यांनी आज मालदीवमध्ये विवाह केला आहे. या लग्नसोहळ्याची सध्या जोरदार चर्चा आहे.
मालदीव – आयपीएलचे माजी अध्यक्ष आणि त्यानंतर फरार झालेले ललित मोदी (Lalit Modi) यांनी माजी मिस युनिव्हर्स सुष्मिता सेन (Sushmita Sen) हिच्याशी लग्न केले असल्याच्या बातम्या आल्या. दोघांनी मालदिवमध्ये (Maldiv) लग्न केले, अशाही चर्चा सुरु झाल्या. नुकतीच सुष्मिता सेन लग्नाच्या कॉमेंटमुळे चर्चेत आली होती. सुष्मिता सेन रिलेशनशीपमध्ये होती, मात्र तिने आत्तापर्यंत स्वताला लग्नाच्या बंधनात अडकून घेतले नव्हते. तीन वेळा रिलेशनशीपमध्ये असूनही सुष्मिता सेन लग्नाच्या निर्णायपर्यंत पोहचली नव्हती. सुष्मिता सेनचे वय 46 वर्ष आहे. मात्र आम्ही सध्या डेट करतोय एवढीच माहिती सुष्मिता सेन हीच्याकडून देण्यात आली आहे. सर्वात आधी ललित मोदी यांनी पहिलं ट्विट केलं त्यावेळी लग्न केल्या अशाच बातम्या आल्या. मात्र काही वेळातच त्यांनी स्पष्टीकारणही दिलं.
ललीत मोदी यांचं 40 मिनिटांपूर्वी ट्विट
Just back in london after a whirling global tour #maldives # sardinia with the families – not to mention my #betterhalf @sushmitasen47 – a new beginning a new life finally. Over the moon. ?????????? pic.twitter.com/Vvks5afTfz
— Lalit Kumar Modi (@LalitKModi) July 14, 2022
ललीत मोदी यांचं सहा मिनिटांपूर्वीचं ट्विट
Just for clarity. Not married – just dating each other. That too it will happen one day. ???????? pic.twitter.com/Rx6ze6lrhE
— Lalit Kumar Modi (@LalitKModi) July 14, 2022
काही दिवसांपूर्वीच सुष्मिताचा ब्रेकअप
सुष्मिता ही एकेकाळी बॉलिवूड गाजवणारी अभिनेत्री राहिली आहे. काही दिवसांपासूर्वीच सुष्मिताचे रोहमनसोबत ब्रेकअप झाले होते. सुष्मिता आणि रोहमन 2018 सालापासून एकमेकांना डेट करू लागले होते. दोघेही एकमेकांना वैयक्तिक आणि व्यावसायिक आधार देत असत. रोहमन सुष्मिताच्या मुली आणि तिच्या कुटुंबाच्याही खूप जवळचा होता. तो हिच्यापेक्षा वयाने लहान होता दोघांमध्ये 15 वर्षांचे अंतर होते.
ललित मोदी यांचे वादग्रस्त आयुष्य
ललित मोदी यांनी देशात आयपीएलची सुरुवात केली होती. त्यांनी त्यांच्या कुटुंबीताल अनेकांना आयपीएलमध्ये पार्टनरशीपही दिली होती. त्यांनी केलेल्या कामाचा फायदा त्यांच्या नीकटवर्तीयांनाच मिळाल्याचा आक्षेप आहे. 2008 साली आय़पीएल आल्यानंतर त्याला प्रचंड प्रसिद्धी मिळाली आणि त्याचे श्रेयही ललित मोदींच्या पदरात पडले. 2005 ते 2010 त्यांच्याकडे बीसीसीआयच्या अपाध्यक्षपदाची जबाबदारी होती. 2008 ते 2010 या काळात त्यांच्याकडे आयपीएलचा कार्यभार होता. ते आयपीएलचे अध्यक्ष आणि कमिश्नर होते. 2010 साली घोटाळ्याच्या आरोपावरुन त्यांची पदावरुन उचलबांगडी करण्यात आली. त्यांना बीसीसीआयने सस्पेंडही केले. पैशांच्या अफरातफरीच्या आरोपानंतर 2010 साली ललित मोदी देशातून फरार झाले.
