Sai Tamhankar: ‘काय झाडी.. काय डोंगुर.. काय हाटील.. एकदम ओके’, प्रियकरासोबत सई ताम्हणकरच्या फोटोवर भन्नाट कमेंट्स
अनिशच्या वाढदिवसानिमित्त सईने त्याच्यासोबतचा रोमँटिक फोटो पोस्ट केला आहे. अत्यंत निसर्गरम्य ठिकाणावरील दोघांच्या व्हेकेशनचा हा फोटो आहे. अभिनेता सिद्धार्थ चांदेकर आणि मिताली मयेकर यांच्या लग्नाला दोघांनी एकत्र हजेरी लावली, तेव्हापासून त्यांच्या अफेअरची चर्चा सुरू झाली.
मराठीतील आघाडीची अभिनेत्री (Marathi Actress) सई ताम्हणकर (Sai Tamhankar) सध्या तिच्या खासगी आयुष्यामुळे चर्चेत आहे. सईने नुकताच तिच्या इन्स्टाग्रामवर एक फोटो पोस्ट केला असून त्यावर चाहत्यांसोबतच सेलिब्रिटींकडूनही कमेंट्सचा वर्षाव होत आहे. सईचा हा फोटो बॉयफ्रेंड अनिश जोगसोबतचा (Anish Jog) आहे. अनिशच्या वाढदिवसानिमित्त सईने त्याच्यासोबतचा रोमँटिक फोटो पोस्ट केला आहे. अत्यंत निसर्गरम्य ठिकाणावरील दोघांच्या व्हेकेशनचा हा फोटो आहे. अभिनेता सिद्धार्थ चांदेकर आणि मिताली मयेकर यांच्या लग्नाला दोघांनी एकत्र हजेरी लावली, तेव्हापासून त्यांच्या अफेअरची चर्चा सुरू झाली. इतकंच नव्हे तर काही दिवसांपूर्वी सईने अनिशचा फोटो पोस्ट करत तिच्या भावना सोशल मीडियावर व्यक्त केल्या होत्या.
सईने पोस्ट केलेल्या अनिशसोबतच्या फोटोंवर रसिका सुनील, मुक्ता बर्वे, अमृता खानविलकर, क्षितिज पटवर्धन, स्वप्निल जोशी या कलाकारांनी कमेंट करत हृदयाचे इमोजी पोस्ट केले आहेत. तर चाहत्यांनीसुद्धा सईच्या या फोटोवर प्रतिक्रिया दिल्या आहेत. गेल्या काही दिवसांपासून सोशल मीडियावर गाजत असलेला डायलॉग एका नेटकऱ्याने कमेंट्स बॉक्समध्ये पोस्ट केला आहे. काय झाडी.. काय डोंगुर.. काय हाटील.. एकदम ओके.. असं एकाने लिहिलंय. सईने काही दिवसांपूर्वी अनिशचा फोटो पोस्ट करत ‘साहेब, दौलतराव, सापडला’ असे हॅशटॅग वापरले होते. मात्र अद्याप माध्यमांसमोर सई किंवा अनिशने याबाबत कोणतीच प्रतिक्रिया दिली नाही.
सईने पोस्ट केलेला फोटो-
View this post on Instagram
अनिशने पोस्ट केलेला फोटो-
View this post on Instagram
कोण आहे अनिश जोग?
अनिश हा चित्रपट निर्माता आहे. त्याने अनेक मराठी चित्रपटांची निर्मिती केली. टाईमप्लीज, व्हायझेड, मुरांबा, गर्लफ्रेंड, धुरळा या चित्रपटांची निर्मिती अनिशने केली. तर सईसुद्धा मराठीतील आघाडीची अभिनेत्री आहे. दुनियादारी, धुरळा, गर्लफ्रेंड, क्लासमेट्स, हंटर, वजनदार, पाँडिचेरी यांसारख्या चित्रपटांमध्ये तिने भूमिका साकारल्या आहेत.
