AQI
TV9 Network
User
Sign In

By signing in or creating an account, you agree with Associated Broadcasting Company's Terms & Conditions and Privacy Policy.

दिशा सालियन मृत्यूप्रकरणी आदित्य ठाकरेंना ताब्यात घेऊन चौकशीची गरज का? कोर्टाचा सवाल

मुंबई उच्च न्यायालयात दिशा सालियान आणि सुशांत सिंह राजपूतच्या मृत्यू प्रकरणी आदित्य ठाकरेंविरुद्ध जनहित याचिका दाखल करण्यात आली आहे. याचिकेत आदित्य ठाकरेंवर गंभीर आरोप करण्यात आले असून, त्यांच्याशी संबंधित लोकेशन आणि सीसीटीव्ही फुटेज तपासण्याची मागणी करण्यात आली आहे.

दिशा सालियन मृत्यूप्रकरणी आदित्य ठाकरेंना ताब्यात घेऊन चौकशीची गरज का? कोर्टाचा सवाल
aaditya thackeray disha salian
| Updated on: Feb 05, 2025 | 6:30 PM
Share

दिवंगत अभिनेता सुशांत सिंह राजपूतची एक्स मॅनेजर दिशा सालियानच्या आत्महत्येप्रकरणी सध्या मुंबई हायकोर्टात सुनावणी सुरु आहे. दिशा सालियन आणि सुशांत सिंह राजपूत आत्महत्या प्रकरणी आदित्य ठाकरेंना ताब्यात घेऊन चौकशी करण्यास परवानगी देण्यात यावी, अशी मागणी याचिकेतून करण्यात आली आहे. त्यावर कोर्टाने दिशा सालियन मृत्यूप्रकरणी आदित्य ठाकरेंना ताब्यात घेऊन चौकशीची गरज का? हे पटवून द्या, असे आदेश दिले आहेत. यासाठी मुंबई उच्च न्यायालयाकडून याचिकाकर्त्यांना दोन आठवड्यांची मुदत देण्यात आली आहे. त्याबरोबर याचिकाकर्त्यांचा हेतू काय? याबद्दल माहिती द्या, असेही कोर्टाने सांगितले आहे.

सर्व पुराव्यांची सखोल चौकशी करा, याचिकाकर्त्यांची मागणी

दिशा सालियन मृत्यूप्रकरणी शिवसेना नेते आदित्य ठाकरे यांनीही हायकोर्टात याचिका दाखल केली आहे. या याचिकेवरही आज सुनावणी पार पडली. दिशा सालियन आणि सुशांत सिंह राजपूत आत्महत्याप्रकरणी आदित्य ठाकरेंना ताब्यात घेऊन चौकशी करा, अशी मागणी याचिकेतून करण्यात आली आहे. 8 जून 2020 रोजी दिशा, आदित्य ठाकरे, राहुल कनाल, सूरज पांचोली, सचिन वाझे, एकता कपूर यांचं मोबाईल लोकेशन तपासलं जावं. कारण त्या रात्री हे सगळे 100 मीटरच्या परिसरात एकत्रच होते. तसेच 13 व 14 जून 2020 रोजीचं सुशांत सिंह राजपूत, रिया चक्रवर्ती, आदित्य ठाकरे, अरबाज खान, संदिप सिंह, शौविक चक्रवर्ती या सर्वांचेही मोबाईल लोकेशन तपासले जावेत. तसेच या दोन्ही दिवसांमध्ये आसपासच्या परिसरात आदित्य ठाकरेंशी संबंधित संपूर्ण सीसीटिव्ही फुटेज तपासलं जावं, अशी विनंतीही याचिकाकर्त्यांनी कोर्टात केली आहे.

सुशांतचा मृत्यू झाला त्यादरम्यान आदित्य ठाकरे आणि रिया चक्रवर्ती यांच्यात 44 वेळा फोनवर काय बोलणं झालं? याची चौकशी व्हायला हवी. सुशांत आणि दिशाच्या मृत्यूवर सवाल उठवणाऱ्या सर्व पुराव्यांची सखोल चौकशी व्हायला हवी, असेही याचिकाकर्ते म्हणाले.

आदित्य ठाकरेंकडूनही हस्तक्षेप याचिका

भाजप आमदार नितेश राणे यांनी आदित्य ठाकरेंवर केलेल्या लहान मुलांच्या लैंगिक शोषणाबाबतच्या आरोपांचीही सखोल चौकशी व्हायला हवी, अशी मागणी करण्यात आली आहे. सुप्रीम कोर्ट आणि हायकोर्टातील अशिलांच्या संघटनेचे अध्यक्ष राशिद खान पठाण यांनी ही जनहित याचिका दाखल केली आहे. ही याचिका आदित्य ठाकरेंच्या विरोधात आहे. यानंतर या याचिकेवर आदित्य यांनी हस्तक्षेप घेत याचिका दाखल केली आहे. आज यावर एकत्र सुनावणी पार पडली.

आदित्य ठाकरे यांचे वकील सुदीप पासबोला यांनी यावेळी कोर्टात बाजू मांडली. आदित्य ठाकरेंवर गंभीर आरोप करणाऱ्या याचिकेवर उच्च न्यायालयात सवाल उपस्थित करण्यात आले आहेत. आदित्य ठाकरे यांचे वकील सुदीप पाचबोला यांनी जोरदार युक्तिवाद केला. तर, याचिकाकर्त्यांचे वकील निलेश ओझा यांनीही यावर प्रत्युत्तर दिले. यावेळी मुख्य न्यायमूर्ती आलोक अधारे यांनी हस्तक्षेप केला.

तुम्हाला हे आरोप करावेसे का वाटतात?

या याचिकेत अनेक गंभीर आरोप करण्यात आले आहेत. अनेक तपास एजन्सी तपास करत आहेत. मग, तुम्हाला हे आरोप करावेसे का वाटतात? असा सवाल कोर्टाने याचिकाकर्त्यांना विचारला आहे. तर याचिकाकर्ते म्हणून आधी आमची बाजू ऐकावी, अशी आग्रही भूमिका याचिकाकर्त्यांचे वकिल यांनी केली. त्यावर मात्र आदित्य ठाकरे यांची भूमिका ऐकण्यास मुख्य न्यायमूर्ती आलोक अधारे आणि न्यायमूर्ती भारती डांगरे यांची सहमती दर्शवली.

Follow Us
पुण्यात अमित शाह आणि देवेंद्र फडणवीस यांची भेट? राजकीय वर्तुळात चर्चां
पुण्यात अमित शाह आणि देवेंद्र फडणवीस यांची भेट? राजकीय वर्तुळात चर्चांना उधाण!
आंबेगावात कामगारांचं बचावकार्य सुरु असतानाच भाजप नेत्यांकडून धक्कादायक
Solapur : आंबेगावात कामगारांचं बचावकार्य सुरु असतानाच भाजप नेत्यांकडून श्रद्धांजलीच्या पोस्ट
कर्जतमध्ये टोरेंट प्रकल्पावरून संघर्षाची ठिणगी! 226 शेतकऱ्यांना...
कर्जतमध्ये टोरेंट प्रकल्पावरून संघर्षाची ठिणगी! 226 शेतकऱ्यांना भूसंपादनाच्या नोटिसा; संजय राऊतांचा इशारा
टायगर श्रॉफ प्रकरणाला नवं वळण; गणेश लांडगेच्या कुटुंबीयांचा खुलासा
टायगर श्रॉफ प्रकरणाला नवं वळण; गणेश लांडगेच्या कुटुंबीयांचा मोठा खुलासा, म्हणाले...
महाराष्ट्र एपस्टीन फाईल्सवरून वाद पेटला! दिग्दर्शक स्वरूप सावंतांनी...
महाराष्ट्र एपस्टीन फाईल्स' चित्रपटावरून वाद पेटला! दिग्दर्शक स्वरूप सावंतांनी अखेर मौन सोडलं, थेट केलं मोठं विधान...
अर्शदीप, सिराज अन् अक्षरची कमाल! भारताने न्यूझीलंडविरुद्ध 22 धावांनी..
IND vs NZ: अर्शदीप, सिराज अन् अक्षरची कमाल! भारताने न्यूझीलंडविरुद्ध 22 धावांनी सामना जिंकला
केंद्रीय गृहमंत्री अमित शाह आणि शरद पवार एकाच मंचावर? कारण काय?
केंद्रीय गृहमंत्री अमित शाह आणि शरद पवार एकाच मंचावर? अजित पवारांच्या पुतळ्याच्या अनावरण सोहळ्यात शरद पवारांना निमंत्रण
कर्जाचे हप्ते थकल्याने मायक्रो फायनान्स कंपनीने शेतमजुराचे घर सील...
कर्जाचे हप्ते थकल्याने मायक्रो फायनान्स कंपनीने शेतमजुराचे घर सील, दुष्काळी परिस्थितीमुळे जीवन विस्कळीत
500 कोटींच्या ऑडिओ क्लिपवरून मनोज जरांगे आक्रमक; थेट बड्या नेत्यांना इ
Manoj Jarange Patil : 500 कोटींच्या ऑडिओ क्लिपवरून मनोज जरांगे आक्रमक; थेट बड्या नेत्यांना इशारा
खासदार शोधा रे, शोधणाऱ्याला बक्षीस... रवी राणा असं का म्हणाले?
खासदार शोधा रे, शोधणाऱ्याला बक्षीस... रवी राणा असं का म्हणाले? अमरावतीतील राजकाणात मोठ्या घडामोडी