शूटिंगच्या वेळी डोळ्यात पाणी येत नाही म्हणून नाना पाटेकरांनी या अभिनेत्री मारलेली कानशिलात, सेटवर उडालेली खळबळ

हिंदी चित्रपटसृष्टीतील ज्येष्ठ अभिनेते नाना पाटेकर यांचे वयाच्या 75व्या वर्षी निधन झाल्याची बातमी समोर आली आहे. नाना पाटेकर यांनी आपल्या दमदार अभिनयाने आणि प्रभावी संवादफेकीने चित्रपटसृष्टीत वेगळी ओळख निर्माण केली. मात्र, त्यांच्या कारकिर्दीत अभिनयासोबतच काही वादही चर्चेत राहिले.

2018 मध्ये अभिनेत्री तनुश्री दत्ताने नाना पाटेकर यांच्यावर गैरवर्तनाचे आरोप केले होते. 2008 मध्ये ‘हॉर्न ओके प्लीज’ या चित्रपटाच्या शूटिंगदरम्यान नाना यांनी आपल्यासोबत आक्षेपार्ह वर्तन केल्याचा आरोप तनुश्रीने केला होता. या प्रकरणामुळे बॉलिवूडमध्ये मोठी चर्चा झाली होती. मात्र, पोलिसांना नाना पाटेकर यांच्याविरोधात पुरावे मिळाले नसल्याचे समोर आले होते.

वाराणसीतील थप्पड प्रकरणाचीही झाली होती चर्चा

‘वनवास’ चित्रपटाच्या शूटिंगदरम्यान नाना पाटेकर यांचा एक व्हिडिओ सोशल मीडियावर मोठ्या प्रमाणात व्हायरल झाला होता. या व्हिडिओमध्ये ते एका तरुणाला थप्पड मारताना दिसले होते. सुरुवातीला हा तरुण सेल्फी घेण्यासाठी आल्याने नाना यांनी त्याला थप्पड मारल्याचे सांगितले गेले. मात्र, नंतर दिग्दर्शक अनिल शर्मा यांनी हा चित्रपटाच्या शूटिंगमधील एक सीन असल्याचे स्पष्ट केले होते.

‘यशवंत’च्या सेटवरील प्रसंग

अभिनेत्री मधु यांनी 2026 मध्ये 1997 मध्ये प्रदर्शित झालेल्या ‘यशवंत’ चित्रपटातील एक प्रसंग सांगितला होता. एका भावनिक सीनमध्ये मधु यांना ग्लिसरीनचा वापर करून रडायचे होते. मात्र, नाना पाटेकर यांनी त्यांना ग्लिसरीन न वापरण्याचा सल्ला दिला आणि नैसर्गिक भावना व्यक्त करण्यास सांगितले.

मधु यांना सीन करताना अपेक्षित भावना व्यक्त करता न आल्याने नाना यांनी त्यांना थप्पड मारल्याचे त्यांनी सांगितले. या थप्पडीमुळे त्यांच्या डोळ्यांत अश्रू आले आणि त्यानंतर तो सीन अधिक प्रभावी झाल्याचे मधु यांनी सांगितले. नाना पाटेकर यांच्यासोबत काम करताना आपल्याला अभिनय आणि मेथड अॅक्टिंगबद्दल खूप काही शिकायला मिळाले असेही त्यांनी म्हटले होते.

शेतकऱ्यांसाठी केले सामाजिक कार्य

नाना पाटेकर यांची प्रतिमा काही वेळा रागीट स्वभावाच्या अभिनेत्याची राहिली असली, तरी सामाजिक कार्यामुळे त्यांच्याबद्दल समाजातील एका वर्गात मोठा आदर होता. 2015 मध्ये त्यांनी अभिनेते मकरंद अनासपुरे यांच्यासोबत मिळून एका फाउंडेशनची सुरुवात केली. या माध्यमातून महाराष्ट्रातील दुष्काळग्रस्त भागातील शेतकरी आणि त्यांच्या कुटुंबांना मदत करण्यात आली.