रमजान सुरु आहे थोडी तरी लाज…, शाहरुख खानच्या मुलीने असं काय केलं? संतापले चाहते, व्हिडीओ व्हायरल

मुंबई | 18 मार्च 2024 : अभिनेता शाहरुख खान याची लेक आणि अभिनेत्री सुहाना खान नुकताच ‘द अर्चिज’ सिनेमाच्या माध्यमातून चाहत्यांच्या भेटीस आली. सुहाना हिने अभिनय क्षेत्रात पदार्पण केलं आहे. आता सुहाना वडिलांसोबत देखील स्क्रिन शेअर करणार असल्याची चर्चा रंगत आहे. पण सध्या सुहाना काही फोटो आणि व्हिडीओमुळे चर्चेत आहे. सुहाना हिची व्हिडीओ पाहिल्यानंतर नेटकऱ्यांनी तिच्यावर निशाणा साधला आहे.

सध्या सोशल मीडियावर सुहानाचा एक व्हिडीओ तुफान व्हायरल होत आहे. व्हिडीओमध्ये सुहाना बाथटबमध्ये बसून एकापेक्षा एक पोज देताना दिसत आहे. सुहानाचे फोटो आणि व्हिडीओ पाहिल्यानंतर चाहत्यांना देखील मोठा धक्का बसला आहे. सुहानाच्या पोस्टवर चाहते लाईक्स आणि कमेंटचा वर्षाव करत आहेत.

View this post on Instagram

A post shared by Tira (@tirabeauty)

सुहानाच्या पोस्टवर एक नेटकरी कमेंट करत म्हणाला, ‘सुंदर…’, दुसरा नेटकरी म्हणाला, ‘मन मोहून घेणारं सौंदर्य…’ अनेकांनी किंग खानच्या लेकीचं कौतुक केलं आहे. तर काहींनी मात्र सुहानावर निशाणा साधला आहे. एक नेटकरी म्हणाला, ‘रमजान आहे थोडी तरी लाज बाळग..’, विरोध करत दुसरा नेटकरी म्हणाला, ‘तुझ्याकडून ही अपेक्षा कधीच नव्हती…’ सध्या सर्वत्र सुहानाच्या पोस्टची चर्चा रंगली आहे.

सुहाना सध्या तिच्या पोस्टमुळे चर्चेत आली आहे. सांगायचं झालं तर, सुहाना कायम सोशल मीडियावर सक्रिय असते. सोशल मीडियावर तिच्या चाहत्यांची संख्या देखील फार मोठी आहे. अभिनेत्री चाहत्यांच्या संपर्कात राहण्यासाठी कायम स्वतःचे फोटो आणि व्हिडीओ सोशल मीडियावर पोस्ट करत असते. चाहते देखील अभिनेत्रीच्या प्रत्येक पोस्टवर लाईक्स आणि कमेंटचा वर्षाव करत असतात.

अभिनेता शाहरुख खान देखील लेकीच्या पोस्टवर लाईक्स आणि कमेंट करतो. एवढंच नाहीतर, किंग खान कोणत्याही मुलाखतीत कुटुंबाबद्दल अनेक गोष्टी चाहत्यांना सांगत असतो.  अभिनेत्याची पत्नी गौरी खान देखील मुलांबद्दल अनेक गोष्टी सांगत असते.

शाहरुख खान – गौरी खान यांनी दोन मुलं आणि एक मुलगी आहे. शाहरुख बॉलिवूडचा प्रसिद्ध आणि लोकप्रिय अभिनेता असल्यामुळे त्याच्याबद्दल आणि त्याच्या खासगी आयुष्याबद्दल अनेक गोष्टी जाणून घेण्यासाठी चाहते उत्सुक असतात. सध्या सर्वत्र फक्त आणि फक्त किंग खानची लेक सुहाना खान हिची चर्चा रंगली आहे.