Atrangi Re | डिस्ने हॉटस्टारवर सर्वाधिक पाहिलेला चित्रपट, अक्षय, सारा आणि धनुषच्या ‘अतरंगी रे’चा नवा विक्रम!
अक्षय कुमार (Akshay Kumar), सारा अली खान (Sara Ali Khan) आणि धनुषचा (Dhanush) 'अतरंगी रे' (Atrangi Re) चित्रपट बऱ्याच दिवसांपासून चर्चेत होता. टी-सीरीज, कलर यलो प्रॉडक्शन आणि केप ऑफ गुड फिल्म्स या तीन प्रॉडक्शन हाऊसने या चित्रपटाची संयुक्तपणे निर्मिती केली आहे.
मुंबई : अक्षय कुमार (Akshay Kumar), सारा अली खान (Sara Ali Khan) आणि धनुषचा (Dhanush) ‘अतरंगी रे’ (Atrangi Re) चित्रपट बऱ्याच दिवसांपासून चर्चेत होता. टी-सीरीज, कलर यलो प्रॉडक्शन आणि केप ऑफ गुड फिल्म्स या तीन प्रॉडक्शन हाऊसने या चित्रपटाची संयुक्तपणे निर्मिती केली आहे. अक्षय-सारा आणि धनुषच्या नुकत्याच प्रदर्शित झालेल्या ‘अतरंगी रे’ या चित्रपटाची कथाही नावाप्रमाणेच ‘अतरंगी’ आहे. असे असूनही हा चित्रपट डिस्ने हॉटस्टारवर सर्वाधिक पाहिला जाणारा चित्रपट ठरला आहे.
या चित्रपटाचे दिग्दर्शक आनंद एल राय यांनी दिग्दर्शक म्हणून ‘रांझना’, ‘तनु वेड्स मनू’, ‘तनु वेड्स मनू रिटर्न्स’ सारखे हिट चित्रपट दिले आहेत. या सर्व चित्रपटांची कथा हिमांशू शर्मा यांनी लिहिली होती. या सगळ्या कथा छोट्या शहराभोवती आणि तिथे होणाऱ्या लग्नाच्या आहेत. आणि आता ‘अतरंगी रे’ मधील अक्षय-सारा आणि धनुष या त्रिकुटाने सजलेला हा चित्रपट 24 डिसेंबरला डिस्ने हॉटस्टारवर प्रदर्शित झाला. या चित्रपटाचा ट्रेलर लोकांना आवडला असला, तरी चित्रपटाची कथाही शीर्षकानुसारच ‘अतरंगी’ आहे.
काय आहे कथा?
चित्रपटाची कथा सिवान, बिहारमधील रिंकू सूर्यवंशी (सारा अली खान) आणि तामिळनाडूमधील विशू (धनुष) यांच्या जीवनाभोवती फिरते, ज्यांचे जबरदस्तीने लग्न केले जाते. दोघांनी जबरदस्तीने लग्न केले कारण रिंकूचे दुसऱ्या कोणावर तरी प्रेम होते आणि ती त्याच्यासाठी अनेकवेळा घरातून पळून जाते. चित्रपटाची सुरुवातही रिंकूच्या सुटकेपासून होते. विशू दिल्लीत राहून वैद्यकशास्त्राचे शिक्षण घेत असून, त्याचे दुसऱ्या मुलीशी लग्न होणार आहे.
जेव्हा रिंकूला हे कळते, तेव्हा दिल्लीला पोहोचण्यापूर्वी, दोघे एकमेकांसोबत राहू इच्छित नसल्यामुळे वेगळे होण्याचा निर्णय घेतात. रिंकू ज्याच्या प्रेमात पडते तो एक जादूगार आहे, ज्याचे नाव सज्जाद अली खान (अक्षय कुमार) आहे. रिंकू आणि विशू चेन्नईला जातात, जिथे विशूची एंगेजमेंट होते आणि त्यानंतरच त्याचे ब्रेकअप होते, ज्याचे कारण रिंकू आहे. दरम्यान, विशूला समजते की, तो रिंकूच्या प्रेमात पडला आहे.
विशू रिंकूवर आपले प्रेम योग्य प्रकारे व्यक्त करू शकण्यापूर्वीच सज्जादचा प्रवेश होतो. रिंकू सज्जादच्या प्रेमात असण्याच्या आणि विशूबद्दलच्या भावनांच्या दुविधाचा सामना कसा करते, हे आनंद एल राय या चित्रपटाद्वारे आपल्याला सांगतात, पण त्यातही एक ट्विस्ट आहे. आता त्यात काय ट्विस्ट आहे, हे जाणून घेण्यासाठी चित्रपट पाहावा लागेल.
सर्वाधिक पाहिला गेलेला चित्रपट!
‘अंतरंगी रे’ हा चित्रपट डिस्ने + हॉटस्टारवर सर्वाधिक वेळा पाहिला गेला आहे. हा एकदम नवीन चित्रपट आहे, जो रिलीज होताच नवीन रेकॉर्ड बनवत आहे. रिलीजच्या दिवशी हा चित्रपट पाहणाऱ्यांनी एक नवा विक्रम प्रस्थापित केला. ट्रेड अॅनालिस्ट तरण आदर्श यांनी ट्विट करून या चित्रपटाची माहिती दिली आहे. यासोबतच या चित्रपटाचे एक पोस्टरही शेअर करण्यात आले असून, त्यात अक्षय-सारा आणि धनुष दिसत आहेत.
‘ATRANGI RE’ IS MOST-WATCHED FILM ON DISNEY+HOTSTAR… #AtrangiRe – streaming on #DisneyPlusHotstar – has set new records… Had the highest-ever viewership for a *new movie* on *release day* on *this streaming platform*… Stars #AkshayKumar, #Dhanush and #SaraAliKhan. pic.twitter.com/ShjDdzk4aS
— taran adarsh (@taran_adarsh) December 26, 2021
हेही वाचा :
