फक्त 3 भागांची सीरिज, पण पाहण्यासाठी अनेकांची होत नाही हिंमत, OTT वर पाहण्यासाठी उडाली झुंबड

OTT वर सध्या वेगवेगळ्या विषयांवरील चित्रपट आणि वेबसीरीज पाहायला मिळतात. क्राईम, सस्पेन्स, सायकोलॉजिकल थ्रिलर आणि तपासावर आधारित कथा प्रेक्षकांना विशेष आवडतात. अशाच गंभीर आणि हादरवून टाकणाऱ्या घटनांवर आधारित एक डॉक्युमेंट्री सीरीज म्हणजे ‘हाथरस 16 दिन’. या सीरीजमध्ये क्राईमसोबतच राजकारण, जातीय भेदभाव आणि सत्तेच्या राजकारणाशी संबंधित अनेक महत्त्वाचे मुद्दे मांडण्यात आले आहेत.

‘हाथरस 16 दिन’ ही 2020 मध्ये उत्तर प्रदेशातील हाथरस येथे घडलेल्या एका तरुण दलित महिलेवरील हल्ल्याच्या तपासावर आधारित डॉक्युमेंट्री सीरीज आहे. या घटनेने संपूर्ण देश हादरला होता. या प्रकरणाच्या तपासादरम्यान घडलेल्या घटनांचा आणि त्यानंतर निर्माण झालेल्या सामाजिक व राजकीय परिस्थितीचा आढावा सीरीजमध्ये घेण्यात आला आहे.

सीरीजमध्ये ग्राउंड रिपोर्टिंग, जुन्या व्हिडीओ फुटेजसह या प्रकरणाशी संबंधित विविध महत्त्वाच्या बाबी दाखवण्यात आल्या आहेत. एका गुन्ह्याची कहाणी पुढे जाताना त्यामागील राजकीय सत्ता, जातीय भेदभाव आणि सामाजिक वास्तवाचे अनेक पैलू समोर येतात.

तीन एपिसोडमध्ये उलगडते संपूर्ण कहाणी

‘हाथरस 16 दिन’चे एकूण 3 एपिसोड आहेत. पहिला एपिसोड 33 मिनिटांचा, दुसरा 34 मिनिटांचा तर तिसरा एपिसोड 28 मिनिटांचा आहे. प्रत्येक एपिसोडसोबत तपासातील गंभीरता वाढत जाते आणि प्रकरणाशी संबंधित अनेक धक्कादायक पैलू समोर येतात.

या सीरीजला प्रेक्षकांकडून चांगला प्रतिसाद मिळाला असून, IMDb वर तिला 7.6 रेटिंग मिळाल्याचे सांगितले जाते.

ZEE5 वर पाहता येणार सीरीज

‘हाथरस 16 दिन’चे दिग्दर्शन पॅट्रिक ग्राहम यांनी केले आहे तर समर खान आणि आदित्य पित्ती यांनी या सीरीजची निर्मिती केली आहे. यात अंजली सिवारमन, पवेल गुलाटी, कुमुद मिश्रा, तनुश्री पांडे, निधी सुरेश, अमिल भट्टनागर आणि चंद्रशेखर आझाद रावण यांसह कलाकारांचा सहभाग आहे.

गंभीर सामाजिक विषय, तपास आणि राजकीय-सामाजिक वास्तव यांचा वेध घेणाऱ्या क्राईम डॉक्युमेंट्री पाहायला आवडत असतील, तर ‘हाथरस 16 दिन’ ही सीरीज तुमच्या वॉचलिस्टमध्ये नक्कीच असायला हवी. ही सीरीज ZEE5 वर पाहता येते.