Phir Hera Pheri मध्ये ‘बाबू भैय्या’कडून केळं मागणारी चिमुकली दिसते प्रचंड ग्लॅमरस… पाहा फोटो

मुंबई : ‘हेरा फेरी’ सिनेमानंतर ‘फिर हेरा फेरी’ सिनेमाने चाहत्यांचं भरभरून मनोरंजन केलं. ‘फिर हेरा फेरी’ या कॉमेडी सिनेमाची चर्चा आजही चाहत्यांमध्ये रंगलेली असते. एवढंच नाही तर, सिनेमातील काही सीन सोशल मीडियावर व्हायरल होत असतात. ९ जून २०१० साली प्रदर्शित झालेला सिनेमा आजही प्रेक्षकांचं तितकंच मनोरंजन करतो.. अभिनेते परेश रावल, अभिनेता अक्षय कुमार आणि अभिनेता सुनील शेट्टी यांच्यावर चित्रीत करण्यात आलेल्या ‘फिर हेरा फेरी’ सिनेमाने चाहत्यांना पोट धरुन हासण्यास भाग पाडलं. ‘फिर हेरा फेरी’ सिनेमातील अनेक असे सीन आहेत, जे कायम चर्चेत असतात.. पण आता चर्चा रंगत आहे सिनेमातील एका खास सीनबद्दल… एका सीनमध्ये दिसलेल्या चिमुकली मुलीने सर्वांच्या मनावर राज्य केलं.

सिनेमात एक सीन आहे, ज्यामध्ये एक चुमिकली मुलगी परेश रावल यांच्याकडून केळं मागते.. हा सीन चाहत्यांना प्रचंड आवडला होता.. पण तुम्हाला माहिती आहे, त्या सीनमध्ये दिसणारी ती चिमुकली आता २६ वर्षांची झाली आहे… १७ वर्षांनंतर त्या मुलीला ओळखणं देखील प्रचंड कठीण आहे…सिनेमात गोंडस दिसणारी ती चिमुकली आता प्रचंड ग्लॅमरस दिसते..

‘फिर हेरा फेरी’ आणि अभिनेत्री राणी मुखर्जी स्टारर ‘तारा रम पम’ सिनेमात बाल कलाकाराची भूमिका साकारणाऱ्या अभिनेत्रीचं नाव एंजलिना इदनानी आहे.. एंजलिना हिला फक्त ‘फिर हेरा फेरी’ सिनेमातूनच नाही तर राणी मुखर्जी हिच्या ‘तारा रम पम’ सिनेमातून देखील प्रेक्षकांचं प्रेम मिळालं… आज एंजलिना प्रचंड हॉट आणि बोल्ड दिसते… एंजलिना आता ओळखणं देखील प्रचंड कठीण झालं आहे…

एंजलिना सोशल मीडियावर कायम सक्रिय असते… पारंपरिक आणि वेस्टर्न लूकमध्ये एंजलिना स्वतःचे फोटो आणि व्हिडीओ शेअर करत असते… सोशल मीडियावर एंजलिना हिच्या चाहत्यांची संख्या फार मोठी आहे… चाहत्यांच्या संपर्कात राहण्यासाठी एंजलिना कायम स्वतःचे फोटो आणि व्हिडीओ सोशल मीडियावर शेअर करत असते. तिच्या प्रत्येक पोस्टवर चाहते कमेंट आणि लाईक्सचा वर्षाव करत असतात…

‘हेरा फेरी 3’ची जोरदार चर्चा

परेश रावल, सुनील शेट्टी आणि अक्षय कुमार या तिघांच्या मुख्य भूमिका असलेला ‘हेरा फेरी’ हा चित्रपट बॉलिवूडमधल्या काही दमदार चित्रपटांपैकी एक मानला जातो. त्याच दुसरा भाग ‘फिर हेरा फेरी’सुद्धा प्रचंड हिट झाला होता. या चित्रपटातील मीम्स आजसुद्धा सोशल मीडियावर व्हायरल होतात. गेल्या काही वर्षांपासून ‘हेरा फेरी 3’ची जोरदार चर्चा आहे.