दोन पत्नींनी ठेवले अरमान मलिक याच्यासाठी करवा चाैथचे व्रत, लोक थेट म्हणाले, याला…

अरमान मलिक हे कायमच चर्चेत असणारे एक नाव आहे. अरमान मलिक हा आपल्या दोन्ही पत्नींसोबत बिग बॉस ओटीटी सीजन 3 च्या घरात दाखल झाला होता. अरमान दोन्ही पत्नींसोबत बिग बॉसच्या घरात दाखल झाल्याने त्याच्यावर जोरदार टीका ही करण्यात आली. अरमान मलिक याने पायल हिच्यासोबत घटस्फोट न घेता कृतिका हिच्यासोबत लग्न केले. कृतिका आणि पायल आता एकाच घरात राहतात. कृतिका हिला एक मुलगा तर पायल हिला एक मुलगी आणि दोन मुले आहेत. सोशल मीडियावर आपल्या खासगी आयुष्याबद्दल प्रत्येक अपडेट शेअर करताना मलिक कुटुंबिय कायमच दिसतात.

आता नुकताच अरमान मलिक याच्यासाठी त्याच्या दोन्ही पत्नींनी करवा चाैथचे व्रत ठेवले होते. विविध विधी करताना पायल आणि कृतिका दिसत आहेत. अरमान मलिक याने दोन्ही पत्नींसोबतचे करवा चाैथचे खास फोटो आणि व्हिडीओ हे सोशल मीडियावर शेअर केले आहेत. मात्र, लोक यावरूनच आता अरमान मलिक याला खडेबोल सुनावताना दिसत आहेत.

अरमान मलिक याने शेअर केलेल्या व्हिडीओमध्ये तो सर्वात अगोदर पायल हिचे व्रत खोलताना दिसतोय. यावेळी त्याने पायलचे किस घेतल्याचे देखील दिसत आहे. लगेचच त्याने कृतिका हिचे व्रत देखील खोलले. यावेळी पायल आणि कृतिका दोघीही जबरदस्त अशा लूकमध्ये दिसत आहेत. आता तेच फोटो आणि व्हिडीओ व्हायरल होताना दिसत आहेत.

हेच नाही तर पूजा करताना शूज घातल्याने अरमान मलिक याला खडेबोल सुनावले जात आहेत. एकाने यावर कमेंट करत लिहिले की, अरे किती दिवस तुम्ही लोक दिखावा करणार आहेत. दुसऱ्याने लिहिले की, हे असे कसे वागू शकतात. एकाच वेळी दोन्ही पत्नी?. नेहमीच यांना सोशल मीडियावर खडेबोल हे सुनावले जातात.

अरमान मलिक याने काही दिवसांपूर्वीच एक मुलाखत दिली. या मुलाखतीमध्ये तो मोठे खुलासे करताना दिसला. अरमान मलिक हा म्हणाला की, माझ्याकडे 200 कोटींची संपत्ती आहे. अरमान मलिक आणि त्याच्या दोन्ही पत्नींनी सोशल मीडियाच्या माध्यमातून मोठी कमाई केलीये. सर्वजण एकाच घरात आनंदाने राहताना दिसतात.