पंधरा दिवसांपूर्वी रडला, आता तुरुंगातून बाहेर येताच अभिनेत्याचा डान्स; नेटकरी चकीत!
पंधरा दिवसांपूर्वी या अभिनेत्याने तुरुंगात आत्मसमर्पण केलं होतं. तेव्हा तुरुंग अधिकाऱ्यांसमोर तो प्रचंड भावूक झाला होता. मी एकटा पडलोय, माझ्याकडे पैसे नाहीत, असं तो म्हणाला होता. आता जामीन मिळाल्यानंतर तो लग्नात नाचताना दिसून आला.
चेक बाऊन्स प्रकरणात अभिनेता राजपाल यादवला जवळपास 11 ते 12 दिवस तिहार तुरुंगात राहावं लागलं. त्यानंतर कोर्टाने त्याला अंतरिम जामीन दिला. 9 कोटी रुपयांचं कर्ज न फेडल्यामुळे आणि चेक बाऊन्स झाल्यामुळे त्याला तुरुंगात आत्मसमर्पण करावं लागलं होतं. मी एकटा पडलोय, माझ्याकडे पैसे नाही, माझे कोणी मित्रही नाहीत.. असं म्हणत तो तुरुंग अधिकाऱ्यांसमोर भावूक झाला होता. त्यानंतर बॉलिवूडमधील अनेक सेलिब्रिटी त्याच्या मदतीसाठी पुढे सरसावले होते. आता जामीनावर तुरुंगातून बाहेर पडल्यानंतर राजपाल यादव लग्नात बिनधास्तपणे नाचताना दिसतोय. पंधरा दिवसांपूर्वी रडणाऱ्या राजपालला आता खुशाल नाचताना पाहून नेटकरी अवाक् झाले आहेत.
भाचीच्या लग्नाचं कारण सांगून चेक बाऊन्स प्रकरणात दिल्ली उच्च न्यायालयाने राजपाल यादवला अंतरिम जामीन मंजूर केला होता. जामीन मिळाल्यानंतर राजपाल भाचीच्या लग्नात सहभागी झाला होता. लग्नातील कार्यक्रमात राजपालचा नाचतानाचा व्हिडीओ सोशल मीडियावर व्हायरल होत आहे. यामध्ये पत्नी आणि इतर कुटुंबीयांसोबत तो आनंदाने नाचताना दिसतोय. राजपालने भाचीच्या लग्नाच्या कार्यक्रमात सलमान खानच्या ‘सरकी जो सर से धीरे धीरे’ या गाण्यावर डान्स केला. यावेळी त्याने धोती-कुर्ता परिधान केला होता. यावेळी राजपालसोबत कुटुंबातील इतर महिलाही ठेका धरताना दिसत आहेत. तुरुंगातून बाहेर आल्यानंतर राजपाल त्याच्या कुटुंबासोबत आनंदाचे क्षण घालवत आहे.
पहा व्हिडीओ-
Tihar Jail से ज़मानत मिलने के बाद Rajpal Yadav अपनी भतीजी की शादी में अपने गांव शाहजहांपुर में शामिल हुए. हल्दी के कार्यक्रम में राजपाल का एक डांस वीडियो वायरल हो रहा है. देखिए वीडियो… pic.twitter.com/JB3oII0Wpz
— Srishti (@Srishtivishwak4) February 19, 2026
तुरुंगातून बाहेर आल्यानंतर राजपालने सोशल मीडियावर पोस्ट लिहित मदत करणाऱ्यांचे आभार मानले. त्याचप्रमाणे, जर मी फसवणूक करणारा असतो तर गेल्या दहा वर्षांत मला बॉलिवूड इंडस्ट्रीत इतकं काम मिळालंच नसतं, असं त्याने स्पष्ट केलंय. या खटल्यात जर मी दोषी आढळलो, तर मी पुन्हा तुरुंगात जाण्यासाठी तयार असल्याचंही राजपालने मान्य केलं. “इंडस्ट्रीला हे सिद्ध करण्याची गरजच नाही की ते माझ्यासोबत आहेत, कारण इंडस्ट्रीने कायम माझं समर्थन केलंय. मला पूर्ण विश्वास आहे की प्रत्येकजण माझ्यासोबत आहे. मला मिळालेल्या मदतीचा मी आदर करतो, परंतु मला सहानुभूती नकोय”, असंही राजपाल म्हणाला.
