त्या सीनला घाबरून माधुरी रडली होती, सेटवर नेमकं काय घडलं होतं; व्हिलन रंजीत यांनी सांगितला किस्सा

बाॅलिवूडची धकधक गर्ल अर्थात माधुरी दीक्षितने मोठा काळ चित्रपटांमध्ये गाजवला आहे. माधुरी दीक्षितची जबरदस्त अशी फॅन फाॅलोइंग ही बघायला मिळते. माधुरी दीक्षित आजही प्रेक्षकांच्या मनावर अधिराज्य गाजवते. आपल्या चाहत्यांसाठी खास फोटो आणि व्हिडीओ शेअर करताना कायमच माधुरी दिसते. नुकताच माधुरी दीक्षित हिच्याबद्दल व्हिलन रंजीत यांनी एक अत्यंत मोठा किस्सा सांगितला. अभिनेते रंजीत यांनी 500 चित्रपटांमध्ये खलनायकाची भूमिका साकारली आहे.

500 पैकी जवळपास सर्वच चित्रपटांमध्ये रंजीत यांनी खलनायकाची भूमिका करताना दिसले. नुकताच रंजीत यांनी एक मुलाखत दिली. या मुलाखतीमध्ये मोठे खुलासे करताना रंजीत हे दिसले. रंजीत म्हणाले की, प्रेम प्रतिज्ञा या चित्रपटात मला माधुरी दीक्षितसोबत सीन शूट करायचा होता. मात्र, तो सीन शूट करण्याच्या अगोदर माधुरी रडायला लागली.

हेच नाही तर तिने माझ्यासोबत काम करण्यास नकारही दिला. मुळात म्हणजे मला काय घडत आहे हेच माहिती नव्हते. चित्रपटाच्या सेटवर माधुरी येत नव्हती. या चित्रपटात माधुरी एका गरीब व्यक्तीची मुलगी होती. या चित्रपटात मला माधुरीसोबत छेडछाड करायची होती. मी विचार करत होतो की, माधुरी अजून का नाही आली.

मला माहितीच नव्हते की, काय घडत आहे. त्यानंतर शेवटी माधुरीने ऐकले आणि ती सेटवर पोहचली. त्यावेळी मला फाइट मास्टर वीरू देवगनने सांगितले की, एकाच टेकमध्ये संपूर्ण सीन शूट करायचा आहे. खलनायक खऱ्या आयुष्यात खराब नसतात हे देखील माधुरी दीक्षितला समजवण्यात आले. त्यावेळी तिने या सीनसाठी होकार दिला.

प्रेम प्रतिज्ञा या चित्रपटात माधुरी दीक्षितसोबत मिथून चक्रवर्ती मुख्य भूमिकेत होते. हा चित्रपट 1989 मध्ये रिलीज झाला. आता रंजीत यांच्या या विधानाची जोरदार चर्चा रंगताना दिसत आहे. रंजीत यांची खलनायक म्हणून ओळख आहे. रंजीत यांनी खूप मोठा काळ चित्रपटांमध्ये गाजवला आहे. रंजीत यांची सोशल मीडियावर जबरदस्त फॅन फाॅलोइंग ही बघायला मिळते.