‘बलात्कार, डान्स बार ही भारतीय संस्कृती नाही’, उर्फी जावेद हिचं चित्रा वाघ यांना उत्तर

मुंबई : गेल्या काही दिवसांपासून भाजप नेत्या चित्रा वाघ आणि मॉडेल चित्रा वाघ यांच्यात कपड्यांवरुन वाद सुरु आहे. चित्रा वाघ यांनी महाराष्ट्रात नंगानाच चालू देणार नाही, असं म्हणत उर्फीच्या अटकेची मागणी केली. शिवाय उर्फी जावेद हिच्या सार्वजनिक वावाराला कायम विरोध असेल, असं देखील चित्रा वाघ म्हणाल्या. अखेर चित्रा वाघ यांच्या आरोपांची दखल घेत मुंबई पोलिसांनी उर्फीला शनिवारी चौकशीसाठी हजर राहण्यास सांगितलं. दरम्यान उर्फीने ट्विट करत चित्रा वाघ यांना उत्तर दिलं आहे.

उर्फी ट्विट करत म्हणते, ‘एकीकडे त्यांना हिंदू राष्ट्र हवं आहे, तर दुसरीकडे महिलांच्या कपड्यांसाठी तालिबानी नियम. हिंदू धर्म फार जुना धर्म असून महिलांचा आदर करणारा आहे. मग तुम्ही कोणच्या धर्माबाबत बोलत आहात?’ असा प्रश्न उर्फीने ट्विटरच्या माध्यमातून उपस्थित केला.

On one hand they want Hindu rashtra , on other hand they want to apply talibani rules of controlling women’s clothes . Hindu religion which is the oldest religion , is known to be very liberal towards women. Then what Sanskriti are you talking about?

— Uorfi (@uorfi_) January 14, 2023

पुढे उर्फी ट्विट करत म्हणाली, ‘बलात्कार, डान्स बार आणि राजकारण्यांनी महिलांना त्यांच्या कपड्यांवरून सर्वांसमोर धमक्या देणं ही भारतीय संस्कृती नाही..’ शिवाय उर्फीने प्राचीन इतिहासातील फोटो ट्विट करत स्त्रीयांच्या वस्त्रालंकारबद्दल सांगितलं आहे.

I’ll tell you what’s not part of ‘Bhartiya Sanskriti’ , rape , dance bars , politicians openly threatening to hit a women because of her clothes .

— Uorfi (@uorfi_) January 14, 2023

‘प्राचीन काळी स्त्रीया कसे वस्त्र परिधान करत होत्या पाहा. त्या काळात महिलांना त्यांचे वस्त्र, आभूषणं निवडण्याचा अधिकार होता. तेव्हा महिला खेळ आणि राजकारणात सहभागी होत होत्या. प्रथम भारतीय संस्कृतीबद्दल जाणून घ्या.’ असं देखील उर्फी ट्विट करत म्हणाली. सध्या उर्फीचे ट्विट सोशल मीडियावर तुफान व्हायरल होत आहेत.

This is how ancient Hindu women used to dress . Hindus were liberal , educated , women were allowed to choose their clothes , actively participated in sports, politics . They were sex and females body positive people. Go learn about Bhartiya Sanskriti first. pic.twitter.com/IeH1tHcEFG

— Uorfi (@uorfi_) January 14, 2023

आता उर्फी जावेद आणि चित्रा वाघ यांच्यातील वाद टोकाला पोहोचला आहे. शुक्रवारी चित्रा वाघ यांनी पत्रकार परिषदेत पुन्हा उर्फीच्या तोकड्या कपड्यांवर आक्षेप घेतला. ‘मी कोणाच्या बापाला घाबरत नाही, तुमच्यात जितका दम आहे तितकं तुम्ही करा. उर्फी जावेदच्या कपड्यांना माझा विरोध कालही होता आजही आहे आणि उद्याही राहणार. त्यामुळे हा नंगानाच आम्ही महाराष्ट्रात चालू देणार नाही. ही माझी ठाम भूमिका आहे. तुम्हाला काय करायचं ते करा.’ असं चित्रा वाघ म्हणाल्या.

काही दिवसांपूर्वी एक ट्विट करत चित्रा वाघ यांनी महाराष्ट्रात नंगानाच चालू देणार नाही, असं म्हणत उर्फीच्या अटकेची मागणी केली. त्यानंतर उर्फीने देखील चित्रा वाघ यांच्या ट्विटरच्या माध्यमातून सडेतोड उत्तर दिलं. एवढंच नाही, तर मॉडेलने चित्रा वाघ यांना ट्विट करत डिवचण्याचा प्रयत्न केला. आता याप्रकरणी पुढे काय होणार हे पाहणं महत्त्वाचं ठरणार आहे.