Adipurush | सैफ-तैमूर यांना पाहिल्यानंतर लावले ‘जय श्री राम..’ चे नारे; अभिनेत्याच्या प्रतिक्रियेवर चिडले लोक
'सिनेमे असे बनवा पुढच्या ४ पिढ्या शिव्या...', सैफ-तैमूर यांना एकत्र पाहिल्यानंतर अनेकांनी लावले 'जय श्री राम..' नारे, पण अभिनेत्याच्या 'या' कृतीमुळे भडकले नेटकरी
मुंबई | सध्या सर्वत्र ‘आदिपुरुष’ सिनेमाची चर्चा सुरु आहे. शुक्रवारी सिनेमा मोठ्या पडद्यावर प्रदर्शित तर झाला, पण आता सिनेमाला सर्वच स्तरातून विरोध आहे… अनेकांनी तर ‘आदिपुरुष’ म्हणजे कलयुगी रामायण असं देखील म्हटलं आहे. एवढंच नाही तर, सिनेमातील कलाकारांवर देखील अनेक जण निशाणा साधत आहेत.. ‘आदिपुरुष’ सिनेमात अभिनेता सैफ अली खान याने महत्वाची भूमिका साकारली आहे. सैफने ‘आदिपुरुष’ सिनेमात लंकेश ही भूमिका साकारली आहे. सिनेमातील अभिनेत्याचा लूकमुळे देखील नवा वाद निर्माण झाला. अशात नुकताच सैफ याला मुलगा इब्राहिम आणि तैमूर अली खान यांच्यासोबत स्पॉट करण्यात आलं. सैफ मुलांसोबत सिनेमा पाहण्यासाठी चित्रपटगृहात गेला होता.
सिनेमागृहातून बाहेर येताना सैफला दोन मुलांसोबत कॅमेऱ्यात कैद करण्यात आलं. पण याचदरम्यान असं काही झालं, ज्यामुळे सैफ नेटकऱ्यांच्या निशाण्यावर आला आहे. सैफ सिनेमा पाहण्यासाठी मुलांसोबत चित्रपटगृहात आला होता. तेव्हा सिनेमा पाहिल्यानंतर अभिनेता बाहेर येताच जमलेल्या सर्वांनी “जय श्री राम”चे नारे लावले.. अशात सैफ ने पापाराझींकडे पाहिलं हात जोडले आणि अभिनेता निघून गेला…
View this post on Instagram
सेलिब्रिटी फोटोग्राफर विरल भयानी याने सैफचा व्हिडीओ शेअर केला आहे. व्हिडीओमध्ये सैफने हात जोडून सर्वांना अभिवादन तर केलं, पण त्याने ‘जय श्री राम’ असा नार न दिल्यामुळे अभिनेता वादाच्या भोवऱ्यात अडकला आहे.. ‘जय श्री राम’वर सैफने कोणती प्रतिक्रिया का दिली नाही…असा प्रश्न नेटकऱ्यांकडून विचारण्यात येत आहे..
व्हिडीओ पाहिल्यानंतर एक नेटकरी कमेंट करत म्हणाला, ‘हा जय श्री राम बोलणार नाही…’ तर दुसरा नेटकरी कमेंट करत म्हणाला, ‘याच्याकडून जय श्री राम बोललं जात नाही असं वाटत आहे..’ तर तिसरी नेटकरी म्हणाला, ‘सिनेमे असे बनवा पुढच्या ४ पिढ्या शिव्या देतील..’ सध्या सर्वत्र ‘आदिपुरुष’ सिनेमा आणि लंकेश भूमिका साकारणाऱ्या सैफ अली खान याचा विरोध करण्यात येत आहे..
अभिनेता प्रभास आणि अभिनेत्री क्रिती सनॉन स्टारर ‘आदिपुरुष’ सिनेमा प्रदर्शनानंतर वादाच्या भोवऱ्यात अडकला आहे. सध्या सर्वत्र आदिपुरुष सिनेमाची चर्चा रंगली आहे. सिनेमा पाहिल्यानंतर प्रेक्षक देखील नाराजी जाहिर करत आहेत. तर सिनेमातील डायलॉगवर देखील प्रश्नचिन्ह उपस्थित करण्यात येत आहे. शिवाय आता सैफच्या व्हायरल व्हिडीओमुळे सर्वत्र चर्चांना उधाण आलं आहे..
