डेटिंगच्या चर्चांदरम्यान शाहरुखच्या लेकीचं बिग बींच्या नातूसोबत ‘नाईट आऊट’
अभिनेता शाहरुख खानची मुलगी सुहाना खान ही अमिताभ बच्चन यांचा नातू अगस्त्य नंदाला डेट करत असल्याची जोरदार चर्चा आहे. या चर्चांदरम्यान दोघांना पुन्हा एकदा एकत्र पाहिलं गेलंय. त्याचा व्हिडीओ सोशल मीडियावर व्हायरल होत आहे.
अभिनेता शाहरुख खानची मुलगी सुहाना खान आणि अमिताभ बच्चन यांचा नातू अगस्त्य नंदा यांनी एकत्र अभिनयक्षेत्रात पदार्पण केलं. सुहाना आणि अगस्त्यने गेल्या वर्षी ‘द आर्चीज’ या चित्रपटातून बॉलिवूडमध्ये पहिलं पाऊल ठेवलं. मात्र चित्रपटसृष्टीत पदार्पण करण्याच्या आधीपासूनच ही जोडी चर्चेत आहे. अगस्त्य आणि सुहाना एकमेकांना डेट करत असल्याची जोरदार चर्चा आहे. याच चर्चांदरम्यान आता पुन्हा एकदा या दोघांना मुंबईत ‘नाईट आऊट’ करताना पाहिलं गेलंय. गुरुवारी पापाराझींनी सुहाना आणि अगस्त्यला रात्री उशिरा एकमेकांसोबत पाहिलं तेव्हा त्यांनी त्यांचा व्हिडीओ शूट करून सोशल मीडियावर अपलोड केला.
या व्हिडीओमध्ये अगस्त्य रात्री उशिरा त्याच्या घरी जाताना दिसतोय. त्याच्यासोबत असलेली मुलगी ही दुसरी-तिसरी कोणी नसून सुहाना खान असल्याचं म्हटलं गेलंय. मात्र या व्हिडीओत सुहानाचा चेहरा स्पष्टपणे पहायला मिळत नाही. कारण ती अगस्त्यच्या मागोमाग लगेच आतमध्ये निघून जाते. अगस्त्य हा बिग बींची मुलगी श्वेता नंदा आणि निखिल नंदा यांचा मुलगा आहे. गेल्या वर्षी नोव्हेंबर महिन्यात अगस्त्यने त्याचा 23 वा वाढदिवस साजरा केला. त्यावेळी सुहाना त्याच्या बर्थडे सेलिब्रेशनला आवर्जून उपस्थित होती.
View this post on Instagram
‘द आर्चीज’ हा चित्रपट गेल्या वर्षी डिसेंबर महिन्यात नेटफ्लिक्स या ओटीटी प्लॅटफॉर्मवर प्रदर्शित करण्यात आला होता. झोया अख्तर दिग्दर्शित या चित्रपटात सुहाना खान आणि अगस्त्य नंदा यांच्यासोबतच खुशी कपूर, मिहिर अहुजा, वेदांग रैना, युवराज मेंदा आणि अदिती सैगल यांच्याही भूमिका होत्या. बॉलिवूडच्या प्रसिद्ध स्टारकिड्सच्या यादीत समाविष्ट असलेली शाहरुख खानची मुलगी सुहाना नेहमी कोणत्या ना कोणत्या कारणामुळे चर्चेत असते. पापाराझींची तिच्यावर खास नजर असते. तर दुसरीकडे अगस्त्यसोबतच्या नात्यामुळेही तिने सर्वांचं लक्ष वेधलं आहे.
‘द आर्चीज’ या चित्रपटाच्या सेटवर अगस्त्य आणि सुहाना यांच्यामध्ये चांगली मैत्री झाली. सेटवरही दोघं एकमेकांसोबत बराच वेळ घालवायचे. इतरांपासूनही ही गोष्ट लपली नव्हती. ख्रिसमस पार्टीच्या निमित्ताने अगस्त्यने कुटुंबीयांसमोर हे नातं ‘ऑफिशिअल’ करण्याचं ठरवलं होतं, अशीही चर्चा होती.
