...म्हणून सध्या शाहरुख सिनेमांपासून दूर!

शाहरुख सध्या कुठलाही सिनेमा करण्याच्या मूडमध्ये दिसत नाही. शाहरुख सिनेमांपासून दूर का आहे, याचं कारण आता समोर आलं आहे. शाहरुखजवळ अनेक प्रोजेक्ट्स आहेत. तरी त्याने अजून कुठलाही सिनेमा हाती घेतलेला नाही. कारण, सध्या त्याला त्याचा संपूर्ण वेळ त्याच्या मुलांबरोबर घालवायचा आहे, असं खुद्द किंग खानने सांगितले.

Actor Shah rukh Khan, …म्हणून सध्या शाहरुख सिनेमांपासून दूर!

मुंबई : बॉलिवूडचा किंग खान गेल्या अनेक काळापासून सिनेमांपासून दूर आहे. शाहरुख खानने ‘झिरो’ या सिनेमानंतर अजूनही कुठला सिनेमा साईन केलेला नाही. एकीकडे शाहरुखचे चाहते त्याला लवकरात लवकर पुन्हा एकदा मोठ्या पद्यावर पाहू इच्छितात. मात्र, शाहरुख सध्या कुठलाही सिनेमा करण्याच्या मूडमध्ये दिसत नाही. शाहरुख सिनेमांपासून दूर का आहे, याचं कारण आता समोर आलं आहे. शाहरुखजवळ अनेक प्रोजेक्ट्स आहेत. तरी त्याने अजून कुठलाही सिनेमा हाती घेतलेला नाही. कारण, सध्या त्याला त्याचा संपूर्ण वेळ त्याच्या मुलांबरोबर घालवायचा आहे, असं खुद्द किंग खानने सांगितले.

 

View this post on Instagram

 

Little one was a bit confused between ‘Boating’ and Voting, so took him along to experience the difference.

A post shared by Shah Rukh Khan (@iamsrk) on

“माझ्याजवळ सध्या कुठलाही सिनेमा नाही. मी कुठल्याही प्रोजेक्टवर काम करत नाही. एक सिनेमा संपला की आपण लगेच दुसरा सिनेमा हाती घेतो. सध्या मला कामापासून दूर राहायचं आहे. आता मला सिनेमे पाहाणे, कहाणी ऐकणे आणि जास्तीत जास्त पुस्तकं वाचण्यासाठी माझा वेळ द्यायला हवा, असं मला वाटतं. माझी मुलगी आता कॉलेजात आहे आणि मुलाचं शिक्षण पूर्ण होणार आहे. त्यामुळे मला माझा जास्तीत जास्त वेळ माझ्या कुटुंबाला देण्याची गरज आहे”, असं शाहरुखने फिल्मफेअरला दिलेल्या एका मुलाखतीत सांगितलं.

 

View this post on Instagram

 

Another sweet picture from AbRam’s birthday party… #fathersloveoverload

A post shared by Shah Rukh Khan (@iamsrk) on

शाहरुख खान हा अंतराळवीर राकेश शर्मा यांच्या जीवनपटात काम करणार असल्याची चर्चा होती. मात्र, शाहरुखने स्वत: ही बातमी फेटाळली. तसेच, शाहरुख हा लवकरच दिग्दर्शक राजकुमार हिराणी यांच्या सिनेमात दिसणार असल्याचीही चर्चा होती. शाहरुख आणि राजकुमार हिराणी हे दोघेही मिळून या सिनेमाची निर्मिती करणार असल्याचंही बोललं जात होतं. मात्र, शाहरुखच्या वक्तव्यानंतर सध्यातरी तो कुठलाही सिनेमा करत नसल्याचं स्पष्ट होतं. म्हणजे आपल्या आवडत्या किंग खानला पुन्हा मोठ्या पडद्यावर पाहाण्यासाठी त्याच्या चाहत्यांना बराच काळ वाट पाहावी लागणार आहे.

‘झिरो’ हा शाहरुखचा शेवटचा सिनेमा होता. हा सिनेमाने बॉक्स ऑफिसवर हवा तितका चालला नाही. त्यामुळे आता शाहरुखच्या चाहत्यांना त्याच्या पुढील सिनेमाची प्रतिक्षा आहे.

कमेंट करा

कमेंट करा

Your email address will not be published. Required fields are marked *