स्विमिंग पूलमध्ये कपलसोबत मगर, कथा अशी की प्रेक्षक घाबरले, आता चित्रपट OTT वर ट्रेंडमध्ये

आजकाल अनेकांचा घसबरल्या सिनेमे पाहण्याकडे कल असतो. अनेकजण ओटीटी प्लॅटफॉर्मवर नवा काय कंटेन्ट येतोय का? हे पाहात असतात. तसेच सोशल मीडियावर देखील एखाद्या ओटीटी प्लॅटफॉर्मवर प्रदर्शित होणाऱ्या चित्रपटाच्या चर्चेविषयी ऐकून तो देखील पाहतात. सध्या नेटफ्लिक्सवर ट्रेंडिंगमध्ये असलेल्या एका चित्रपटाची चर्चा सुरु आहे. नेटफ्लिक्सच्या ट्रेंडिंग यादीत हा चित्रपट आता नंबर १ वरून खाली सरकून टॉप ५ मध्ये आला आहे. अशा वेळी आज आपण नेटफ्लिक्सवर सध्या टॉप ट्रेंड करणाऱ्या एका चित्रपटाबद्दल जाणून घेणार आहोत, जो बॉक्स ऑफिसवर फ्लॉप ठरला होता, पण ओटीटीवर येताच कमाल केली आहे.

हा चित्रपट एक सर्व्हायव्हल थ्रिलर आहे. यात स्टार किड शनाया कपूरला मुख्य भूमिकेत घेण्यात आले आहे. शनाया अजूनपर्यंत एकही हिट चित्रपट देऊ शकलेली नाही. तिने विक्रांत मेसीच्या ‘आंखों की गुस्ताखियां’ या चित्रपटातून डेब्यू केला होता, पण या चित्रपटालाही तिच्या फारसे यश मिळाले नाही.

नेटफ्लिक्सवर टॉप ट्रेंडिंग चित्रपटाचे नाव

शनाया कपूरचा जो चित्रपट सध्या नेटफ्लिक्सवर नंबर १ वर ट्रेंड करत आहे, तो म्हणजे ‘तुम या मै.’ या चित्रपटाचे दिग्दर्शन बेजॉय नाम्बियार यांनी केले आहे. चित्रपटाची कहाणी आला फ्लोपारा आणि मिस व्हॅनिटी या दोन सोशल मीडिया इन्फ्लुएन्सरभोवती फिरते. दोघ एकमेकांच्या प्रेमात आहेत, पण मॉन्सूनमध्ये ते एका पूलमध्ये अडकतात. त्यानंतर त्यांना मोठा संघर्ष करावा लागत आहे. त्यांना मगरीचा सामना करावा लागला. चित्रपटात अनेक ट्विस्ट आणि टर्न्स पाहायला मिळतात.

बॉक्स ऑफिसवर फ्लॉप ठरली

शनाया कपूरचा ‘तुम या मै’ चित्रपट बॉक्स ऑफिसवर पूर्णपणे फ्लॉप ठरला होता. Sacnilk रिपोर्टनुसार, भारतातील नेट कलेक्शन फक्त ७.३१ कोटी आणि ग्रॉस कलेक्शन ८.४७ कोटी एवढेच राहिले. हा शनायाचा दुसरा फ्लॉप चित्रपट ठरला आहे. यापूर्वी तिचा पहिली चित्रपट ‘आंखों की गुस्ताखियां’ देखील बॉक्स ऑफिसवर वाईट प्रकारे फ्लॉप झाला होता.