एक्स-गर्लफ्रेंडच्या हत्येप्रकरणी ‘या’ प्रसिद्ध अभिनेत्याला दिलासा नाहीच; वाढणार अडचणी

मुंबई | 10 नोव्हेंबर 2023 : झगमगत्या विश्वात आतापर्यंत अनेक सेलिब्रिटींनी स्वतःचं आयुष्य संपवलं आहे. अशाच सेलिब्रिटींपैकी एक म्हणजे अभिनेत्री तुनिषा शर्मा.. गेल्या वर्षी अभिनेत्री तुनिषा शर्मा हिने शुटिंगच्या सेटवर स्वतःला संपवलं होतं. अभिनेत्रीच्या निधनानंतर तिच्या आईने लेकीचा एक्स-बॉयफ्रेंड आणि अभिनेता शिझान खान याच्यावर गंभीर आरोप केले. यामुळे अभिनेत्याला अटक देखील झाली होती. पण काही दिवसांनंतर अभिनेत्याला जामीन मंजूर झाला. पण अता अभिनेत्रीच्या हत्येप्रकरणी मोठी अपडेट समोर येत आहे.

तुनिषा शर्मा हत्येप्रकरणी सध्या सुनावणी सुरु आहे. तुनिषा हिला आत्महत्येसाठी प्रवृत्त केल्याचा गुन्हा शिझान याच्यावर आहे. पण नुकताच झालेल्या सुनावणीत हायकोर्टाने अभिनेत्यावर असलेला गुन्हा रद्द करण्यास नकार देण्यात आला आहे. अभिनेत्याला मुंबई हायकोर्टाकडून दिलासा नसल्याची माहिती समोर येत आहे.

तुनिषा शर्मा हिने संपवलं स्वतःचं आयुष्य

24 डिसेंबर 2022 रोजी तुनिषा हिने पालघर जवळील एका स्टुडिओत शुटिंग दरम्यानच स्वतःचं संपवलं. अभिनेत्रीच्या निधनानंतर सर्वत्र खळबळ माजली होती. लेकीच्या निधनानंतर आई वनिता शर्मा यांनी शिझान याच्यावर गंभीर आरोप केले होते. वनिता शर्मा यांच्या तक्रारीवरून पोलिसांनी शीजान खानला अटक केली.

तुनिशा मुंबईत तिच्या आईसोबत राहत होती. शीजान आणि तुनिशाचे प्रेमसंबंध होते. शीजानच्या त्रासामुळेच तुनिशाने आत्महत्या केली आहे, असा आरोप वनिता शर्मा यांनी केला आहे. शिझान याला अटक झाल्यानंतर अभिनेत्याच्या कुटुंबियांनी देखील तुनिषाच्या आईवर गंभीर आरोप केले.

शिझान याला झाला होता जामीन मंजूर

शिझान खान जवळपास 70 दिवस तुरुंगात होता. तुनीषा प्रकरणातील मुख्य आरोपी शिझान खान याचा जामीन मंजूर झाला. 5 मार्च रोजी शिझान याची ठाणे मध्यवर्ती कारागृहातून सुटका झाली होती. महत्त्वाचं म्हणजे शिझान याला 1 लाख रुपयांच्या जातमुचलक्यावर जामीन मंजूर झाल्याची माहिती देखील समोर आली होती.

शिझान याला जामीन मंजूर झाला असला तरी त्याच्या अडचणीत सतत वाढ होत असल्याचं चित्र दिसत होतं. आता याप्रकरणी पुढे काय होणार हे पाहणं महत्त्वाचं ठरणार आहे. सध्या सर्वत्र फक्त आणि फक्त शिझान खान याची चर्चा रंगत आहे.