Defamation Case : शिल्पा शेट्टीला कोर्टाकडून दिलासा मिळणार, मीडिया प्लॅटफॉर्मचे दोन भागांमध्ये विभाजन करण्याचे आदेश
शिल्पा यांनी दाखल केलेल्या तक्रारीमध्ये द न्यू इंडियन एक्सप्रेस, इंडिया टीव्ही, फ्री प्रेस जर्नल, एनडीटीव्ही, फेसबुक, इन्स्टाग्राम आणि फेसबुकसह प्लॅटफॉर्मचा समावेश आहे, ज्यांच्याविरोधात अभिनेत्रीने बदनामीचा खटला दाखल केला आहे.
Defamation Case मुंबई : बॉलिवूड अभिनेत्री शिल्पा शेट्टी(Shilpa Shetty)चे पती राज कुंद्रा(Raj Kundra) यांना मुंबई पोलिसांनी 19 जुलै रोजी अश्लील चित्रपट बनवल्याप्रकरणी अटक केली होती. अभिनेत्रीच्या पतीच्या अटकेच्या वेळी मीडियाच्या कव्हरेज दरम्यान राजच्या मुलांची आणि संपूर्ण कुटुंबाची नावे देण्यात आली होती. त्यानंतर शिल्पा शेट्टीने अनेक मीडिया हाऊसविरोधात बदनामीचा खटला दाखल केला. ज्यावर मुंबई उच्च न्यायालयाने मंगळवारी आपला मुद्दा मांडला आहे. शिल्पा शेट्टीने दाखल केलेल्या मानहानीच्या खटल्याची सुनावणी करताना मुंबई उच्च न्यायालयाने बॉलिवूड अभिनेत्रीच्या तक्रारीखाली येणाऱ्या प्लॅटफॉर्मचे दोन वर्गात विभाजन करण्याचे निर्देश दिले आहेत. (Shilpa Shetty to get relief from court, order to split media platform into two parts)
मुंबई उच्च न्यायालय काय म्हणाले?
अभिनेत्रीसाठी दिलासा देणे सोपे करण्यासाठी, खाजगी ब्लॉगर्स आणि मीडिया आउटलेट दोन भागांमध्ये विभागले जातील. पती राज कुंद्राच्या अटकेच्या संदर्भात सोशल मीडिया आणि वेबसाईटवर तिच्याविरोधात खोटी, चुकीची, दुर्भावनापूर्ण आणि बदनामीकारक माहिती प्रसारित करण्यावर स्थगिती मागण्यासाठी न्यायालयाने शिल्पा शेट्टीच्या प्रकरणाची सुनावणी केली.
शिल्पाच्या तक्रारीत कोण कोण आहे सामील?
शिल्पा यांनी दाखल केलेल्या तक्रारीमध्ये द न्यू इंडियन एक्सप्रेस, इंडिया टीव्ही, फ्री प्रेस जर्नल, एनडीटीव्ही, फेसबुक, इन्स्टाग्राम आणि फेसबुकसह प्लॅटफॉर्मचा समावेश आहे, ज्यांच्याविरोधात अभिनेत्रीने बदनामीचा खटला दाखल केला आहे.
वकील अभिनव चंद्रचूड यांनी न्यायालयाला सांगितले की शिल्पा शेट्टीबद्दल अनेक व्यासपीठांवर चर्चा सुरू होती, ज्यात मीडिया आउटलेट आणि खाजगी ब्लॉगर इत्यादींचा समावेश आहे. ते म्हणाले की त्यापैकी बहुतेकांनी मॅटर काढून टाकण्यास सहमती दर्शविली आहे.
तथापि, न्यायालयाने असा युक्तिवाद केला की आम्ही या खाजगी व्लॉगर्स आणि ब्लॉगर्सबद्दल असे बोलू शकत नाही. पती राज कुंद्राच्या अटकेच्या संदर्भात शिल्पाच्या विरोधात बनवलेले व्हिडिओ काढल्यानंतर पुन्हा ऑनलाईन अपलोड करू नयेत, असे आदेश न्यायालयाने दिले होते. न्यायालयाने याचिकेची सुनावणी 1 ऑक्टोबर 2021 पर्यंत स्थगित केली आहे.
शिल्पा शेट्टीने राज कुंद्रा पोर्नोग्राफी प्रकरणात ‘खोटी बातमी आणि तिची प्रतिमा खराब केल्याबद्दल’ मुंबई उच्च न्यायालयात 29 मीडिया हाऊसवर बदनामीचा खटला दाखल केला होता. या मीडिया हाऊसमध्ये फेसबुक, ट्विटर, इन्स्टाग्राम, यूट्यूब सारख्या सोशल मीडिया प्लॅटफॉर्मचा समावेश आहे. (Shilpa Shetty to get relief from court, order to split media platform into two parts)
Health Tips : दुधासोबत ‘हे’ अन्न पदार्थ खाणं टाळा, अन्यथा आरोग्यवर परिणाम होण्याचा धोकाhttps://t.co/uAValPpWpm#Health | #Healthtips | #Milk | #Food
— TV9 Marathi (@TV9Marathi) September 21, 2021
इतर बातम्या
‘हा तर असंगाशी संग, ठाकरेंनी नितीची तरी साथ सोडू नये’ मुनगंटीवारांचा खोचक टोला
