आई – वडिलांच्या घटस्फोटानंतर अभिनेत्री मर्सिडीजमधून मुंबई लोकलमध्ये, खडतर आयुष्याबद्दल म्हणाली…

Bollywood Actress Life: ‘हे ही दिवस जातील…’, ही म्हण आयुष्यातील चांगल्या वाईट दिवसांसाठी लागू होते. आयुष्यात आनंद – दुःख, चांगले – वाईट क्षण येत जात राहतात आणि त्यानंतर राहतात त्या मात्र फक्त आणि फक्त आठवणी… सामान्य माणसांना वाटतं आपल्या आयुष्यात फार अडचणी आहेत, पण सेलिब्रिटींना देखील आयुष्याच्या एका टप्प्यावर अडचणींचा सामना करावा लागतो. प्रसिद्ध आणि लोकप्रिय अभिनेत्री श्रृती हासन हिच्यासोबत देखील असंच काही झालं आहे. आई – वडीलांचा घटस्फोट झाल्यानंतर अभिनेत्रीला अनेक संकटांचा सामना करावा लागला.

श्रृती हासन हिच्या आई – वडिलांबद्दल सांगायचं झालं तर, सुपरस्टार कमल हासन आणि सारिका यांनी ती मुलगी आहे. नुकताच झालेल्या एका मुलाखतीत श्रृतीने आई – वडिलांचा घटस्फोट झाल्यानंतर आयुष्य कशापद्धतीनं क्षणात बदललं याबद्दल सांगितलं आहे.

श्रृती हासन म्हणाली, ‘आई – वडिलांच्या घटस्फोटानंतर आयुष्य बदललं आणि मी परिस्थिती नम्रपणे स्वीकारली. घटस्फोटानंतर जेव्हा आम्ही चेन्नईतून मुंबईत आलो तेव्हा एका महलातून दुसऱ्या महलात आल्यासारखं आयुष्य राहिलं नव्हतं. मुंबईत राहणं फार सोपं नव्हतं. पण आनंदाने मी सर्वकाही स्वीकारलं. मर्सिडीजमधून मुंबई लोकलमध्ये प्रवास करणं… आयुष्यातील फार मोठा बदल होता. या दोन्ही प्रवासातून आपण कसे शिकू शकतो हे मला जाणवलं. ‘

स्वतःमध्ये असलेल्या एटीट्यूडबद्दल देखील अभिनेत्रीने मौन सोडलं आहे. अभिनेत्री म्हणाली, ‘माझ्यामध्ये एटीट्यूड होता. पण यासाठी नाही की मी स्वतःला इतरांपेक्षा योग्य समजत होती. उलट मला माझ्यातील आत्मविश्वास कमी वाटत होता.’ असं देखील अभिनेत्री म्हणाली.

श्रृती हसन हिच्या कामाबद्दल बोलायचं झालं तर, 2000 मध्ये बालकलाकर म्हणून अभिनेत्रीने अभिनयास सुरुवात केली. त्यानंतर 2009 मध्ये अभिनेत्रीने बॉलिवूडमध्ये पदार्पण केलं. 2011 मध्ये अभिनेत्रीने Anaganaga O Dheerudu तेलुगू सिनेमातून बॉलिवूडमध्ये पदार्पण केलं. त्यानंतर अभिनेत्रीने कधीच मागे वळून पाहिलं नाही.

श्रृती हासन हिने दिल तो बच्चा है जी, रमैया वस्तावैया, तेवर, गब्बर इज बैक, वेलकम बैक, रॉकी हैंडसम, बहन होगी तेरी, देवी यांसारख्या हिंदी सिनेमांमध्ये काम केलं आहे. आता अभिनेत्री दाक्षिणात्य सिनेविश्वात सक्रिय आहे.